Sant Per de Calanda
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
- Este articlo trata sobre Sant Per de Calanda. Pa atros emplegos de lo toponimo Sant Per vaiga a Sant Per (desambigación).
| Sant Per de Calanda Samper de Calanda | ||
| Municipio d'Aragón | ||
| ||
 Envista de Sant Per dende la carretera. | ||
| Entidat • País • Provincia • Comarca |
Municipio Aragón.svg){kind=small} TeruelBaixo Martín | |
| Partiu chudicial | Alcanyiz | |
| Superficie | 142,8 km² | |
| Población • Total |
725 hab. (2013) | |
| Altaria • Meyana |
258 m. | |
| Distancia • 164 km • 78 km |
enta Teruel enta Zaragoza | |
| Alcalde | Alfonso Manuel Pérez Ornaque | |
| Codigo postal | 44520 | |
| Chentilicio | Santperín | |
| Patrons | Santa Quiteria y Santo Domingo de Guzmán | |
| Parroquial • Archidiocesi • Arcipestrau • Parroquia |
Zaragoza Íxar Transfiguración | |
| Ríos | Martín | |
| Coordenadas | ||
| Web oficial | ||
.svg)
Sant Per de Calanda (Samper de Calanda en castellano) ye una villa y municipio de la provincia de Teruel, en la comarca de lo Baixo Martín. Fa parte de lo partiu chudicial d'Alcanyiz.
La suya población ye de 884 habitants (2012) en una superficie de 142,80 km², con una densidat de población de 6,19 hab/km².
Cheografía
[editar | modificar o codigo]Sant Per de Calanda ye situau a 258 metros d'altaria dencima de lo livel d'a mar sobre lo Monte de San Pedro, chunto a en la mitat dreita de la ribera de Martín y a piet de las talayas de Sant Per, a una distancia de 164 km de Teruel, la capital de la suya provincia, a 78 km de Zaragoza, la capital d'Aragón, y a 2 km de la linia ferria Madrit-Barcelona.
Comprende la entidat poblacional Estación de Samper.
La suya temperatura meya anyal ye 14.5 °C y la precipitación anyal de 370 mm.
Mugas
[editar | modificar o codigo]| La Puebla d'Íxar, Exatiel | Casterló | Escatrón |
|
Alcanyiz | |
| Íxar |
Historia
[editar | modificar o codigo]Lo termin municipal de Sant Per de Calanda ye rico en chacimientos arqueolochicos correspondients a la cultura de los campos d'Urnas-primera Edat de Fierro, a la cultura iberica y a lo periodo romano.
Las primeras mencions d'un nuclio de población con nombre Sant Per y localizau en l'actual posición se remontan a los tiempos de la Reconquiesta de la val d'Ebro y lo Baixo Aragón. En lo testamento d'Alifonso II lo Casto, de 1194, bi ha una clausula de donación de Sant Per de Calanda a la Orden de lo Hespital. Dende alavez dica lo sieglo XIX, la comanda de Sant Per, que incluyiba Exatiel, lis perteneixerá. En la Edat Meya Sant Per yera un lugar con población de las tres relichions, (cristiana, musulmana y chodiga), a diferencia d'atros lugars de la redolada que podeban tener una población exclusivament musulmana. En 1392 lo Gran Mayestre Johan Ferrández d'Heredia compra totas las posesions que la casa de Sesé teneba en Sant Per:
Dimpués de la expulsión de los moriscos de 1609, en 1633 la Orden de lo Hespital atorgó Carta de población con condicions pareixidas las de lo Ducau d'Íxar.
En 1894 encomenzo a funcionar un ferrocarril entre Sant Per y las localidaz de la Pobla d'Íxar y Casp, conseguindo-se en 1941 que lo ferrocarril de la Val de Zafán, plegás a Tortosa.
Luengas y parlas
[editar | modificar o codigo]Actualment en Sant Per, como en toda la comarca de lo Baixo Martín se charra lo castellano rechional d'Aragón, con substrato lingüistico provinient de l'aragonés que se i charró en la baixa Edat Meya y talment bel sieglo dimpués. Lo lexico aragonés d'intrés etnografico de Sant Per se conoix relativament bien por la obra de lo erudito local Alejandro Abadía París, que incluye descripcions historicas y etnograficas, amás d'una lista de palabras locals.
La parla de Sant Per ye pareixida a la de los lugars de la redolada, con los mesmos aragonesismos chenerals de la val d'Ebro y a mes con los aragonesismos tipicos conservaus en las comarcas orientals de Teruel y Zaragoza, (chirigallo, gralla, a sobén). Bi ha palabras como orache que no se documentan en toz los lugars de lo Baixo Martín pero sí en la cuenca de lo río Guadalop y aragonesismos curiosos y no documentaus encara en la redolada (desaugue, traste). Alejandro Abadía París atribuye a presencia de muitas palabras con lo diminutivo -eta a la cercanía con Alcanyiz, talment sin saber que este diminutivo yera cheneral en tot Aragón cuan se charraba aragonés por tot, y que encara se fa servir en bel lugar de la cuenca de lo Guadalop a mes d'Alcanyiz, (Casp, Torrociella d'Alcanyiz, Castelserás, etc...).
Toponimia
[editar | modificar o codigo]Lo toponimo Sant Per ye un hachiotoponimo en lo cual s'ha produciu un fenomeno de samprasarana u fonetica sintactica[1] dende Sant Pero.
La forma de Calanda no s'emplega en lo luengache popular. D'acuerdo con Antonio Ubieto Arteta ye Samper dica 1787, Samper de Calanda dende 1797. Manimenos si que veyemos l'apelativo De Calanda en bel texto medieval en latín de la serie relacionada con la Carta de población d'Alcanyiz. Tamién ye posible veyer escrito en textos medievals Sant Pere, y no només en textos escritos en catalán, tamién en textos escritos en aragonés.
En La Puebla d'Íxar y Exatiel s'emplega encara un poquet lo chentilicio aragonés pa los de Sant Per, santperín en singular y santperines en plurals (se pronuncian samperín y samperines), coexistindo con samperino y samperinos.
Son toponimos interesants las partidas ditas Los Forcallos, El Saso, La Pila Plana, Val de Castellano, La Melgrangra, Las planas, Filada de Rica, Alamín, La Costanilla, Valimanya, Val de Figuera, Las Corcelladas, Val de Crabón y Filada de l'Estanquero, las balsas ditas balsete de Carabazuelas, Balsete del Sardón, y las fuents como Fuente de Valdellego. Bi ha conoixencia d'atros microtoponimos en aragonés por textos notarials de dica lo sieglo XVI.[2]
Bi ha carreras con nombre aragonés: calle de las Sargantanas, calle Estrevedes y talment calle Altero.
Apellius
[editar | modificar o codigo]Apellius tipicos de Sant Per son Abadía, Bes, Falo, Fandos (variants derivadas de Fanlo), Orcal, Paris, Sevil.
Demografía
[editar | modificar o codigo]
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Administración
[editar | modificar o codigo]Reparto de concellers
[editar | modificar o codigo]| Partiu | 1979 | 1983 | 1987 | 1991 | 1995 | 1999 | 2003 | 2007 | 2011 |
| Partido de los Socialistas de Aragón | 5 | ||||||||
| Partido Popular | 1 | ||||||||
| Partido Aragonés | 1 | ||||||||
| Total | 7 | ||||||||
Alcaldes
[editar | modificar o codigo]| Lechislatura | Nombre | Partiu politico |
|---|---|---|
| 1979–1983 | José Antonio Fandos Martín [3] | UCD |
| 1983–1987 | José Herrero Monge | AP |
| 1987–1991 | José Herrero Monge | AP |
| 1991–1995 | Agustín Clavero Marco | Partido de los Socialistas de Aragón |
| 1995–1999 | Agustín Clavero Marco | Partido de los Socialistas de Aragón |
| 1999–2003 | Miguel Ángel Bes fandos | Partido de los Socialistas de Aragón |
| 2003–2007 | Alfonso Manuel Pérez Ornaque | Partido de los Socialistas de Aragón |
| 2007–2011 | Alfonso Manuel Pérez Ornaque | Partido de los Socialistas de Aragón |
| 2011–2015 | Alfonso Manuel Pérez Ornaque | Partido de los Socialistas de Aragón |
| 2015–2019 | Alfonso Manuel Pérez Ornaque | Partido de los Socialistas de Aragón |
| 2019–2023 | Alfonso Manuel Pérez Ornaque | Partido de los Socialistas de Aragón |
| 2023–2027 | Alfonso Manuel Perez Ornaque [4] | PSOE |
Personalidaz naixidas de Sant Per de Calanda
[editar | modificar o codigo]Categoría principal: Naixius de Sant Per de Calanda.
- Francisco Loscos Bernal, farmaceutico y botanico.
- Andreu Mayayo i Artal, historiador.
- La familia de la cantadora Carmen París ye orichinaria de Sant Per.
- Lo president de Colombia Ernesto Samper yera orichinario d'este lugar. Un antipasau d'éll cambió lo suyo apelliu por Samper pa fer homenache a lo suyo orichen.
Molimentos
[editar | modificar o codigo]- La Casa Mata u Mesón de la Parroquia de Sant Per de Calanda, de 1555, antiga propiedat de la Orden de lo Hespital.
- Tien edificios d'estilo renaixentista aragonés.
- Ilesia de lo Salvador: una ilesia de lo sieglo XVIII.
- Ermita de Santa Quiteria y calvario, en lo camín de la Estación, esta ermita ye relacionada con los monches agostins que i-estioron vivindo 200 anyadas. Los d'Íxar fan una romería ta Santa Quiteria una vegada a l'anyo.
Fiestas
[editar | modificar o codigo]Cusiosidaz
[editar | modificar o codigo]- A primers y mitat de lo sieglo XX i heba muitos ferroviarios de Sant Per y se deciba que en totas las estacions entre Zaragoza y Reus i heba por lo menos un de Sant Per.
- D'acuerdo con Alejandro Abadía París la famosa baturrada en la que un baturro li diz a lo tren Chufla, Chufla...Como no te apartes tú!! ye d'orichen santperín y reflecta lo tiempo cuan lo ferrocarril arribó en Sant Per, en concreto la linia conoixida como Ferrocarril de la Val de Zafán.
Referencias
[editar | modificar o codigo]- ↑ (es) Agustín Ventura Conejero: Toponimia de la provincia de Teruel. Revista Teruel, nº48, 1972. pp235-244
- ↑ (es) Amparo París Marqués: El protocolo de Joan Morales: actuación de los notarios en Samper de Calanda hasta el siglo XVI. Institución Fernando el Católico, 2016, p 320.
- ↑ (es) Treinta aniversario de las primeras elecciones municipales de la democracia.
- ↑ (es) Consulta el listado de alcaldes que han sido proclamados en Aragón en Heraldo de Aragón.
Bibliografía
[editar | modificar o codigo]- (es) Alejandro Abadía París: Samper de Calanda, tradiciones y costumbres.
Se veiga tamién
[editar | modificar o codigo]Vinclos externos
[editar | modificar o codigo]
| Municipios d'a comarca Baixo Martín | |
|---|---|
| Albalat de l'Arcebispe | Binaceit | Casterló | Exatiel | Íxar | La Puebla d'Íxar | Sant Per de Calanda | Urreya de Gayén | Zaila |
Datos: Q1641141
Multimedia: Samper de Calanda / Q1641141