Orache
De Biquipedia
L' orache comprene toz os posibles fenomenos que se desbienen en l'atmosfera. En aragonés s'emplega més á sobent a parabra orache cuan os fenomenos tienen resultatos negatibos que positibos.
Por un regular a parabra orache reflexa l'autibidat d'estos fenomenos mientres un periodo de tiempo de bels días. A meya u regularidat d'os oraches que s'han desbenito en un periodo de bellas añatas se conoxe como clima.
Os fenomenos meteorolochicos regulars se dizen meteoros climaticos, y encluyen o biento, as tronatas, a plebia, a nieu, a piedra, a boira, a rosata, que suzeden en a troposfera, a parte més baxa de l'atmosfera.
