Zaila

De Biquipedia
Ir ta: navego, busca
Zaila
Municipio d'Aragón
Bandera Escudo d'armas
Ilesia de Zaila
Ilesia de Zaila
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Martín Baixo
Superficie 81.4 km²
Población
 • Total

133 hab. (2012)
Altaria 276 m.
Distancia
 • 170 km

enta Teruel
Codigo postal 44590
Ríos Aguas
Coordenatas 41°17’27’’N 0°29’34’’U
Zaila en Aragón
Zaila
Zaila
Situación de Zaila en Aragón
www.azaila.es

Zaila (Azaila en castellán) ye un municipio de la provincia de Teruel, situato en la comarca de lo Baixo Martín. La suya población ye de 139 habitants (2010), en una superficie de 81,4 km² y una densidat de 2,36 hab/km².

Cheografía[editar | editar código]

Ye dencima d'una ripa a la dreita de lo río Aguas. Una part de lo termin municipal a lo sud de la ribera d'o río Aguas, y en concreto las partitas de Pedrenyales y Pedrenyal corresponde a Los Pedrenyals, un gran chacimiento de pedrenya evaporitica.[1] A lo sud de Los Pedrenyals se troban dos lacunas salatas, la Hoya del Castillo y la Salada de Zaila. Esta zaguera ye una LIC incluita en a Red Natura 2000 por la presencia de las especies de plantas protechitas Microcnemum coralloides y Halopeplis amplexicaulis.

Mugas[editar | editar código]

Belchit Quinto Belchit, La Zaida
Almochuel Rose des vents2.png La Puebla d'Íxar
Almochuel Almochuel La Puebla d'Íxar

Historia[editar | editar código]

En lo Cabezo d'Alcalá bi ha un important chacimiento arqueolochico con 3 libels: Campos d'Urnas tardanos (I Edat de Fierro), ciudat de cultura iberica (II Edat de Fierro) y ciudat ibero-romana. Se crei que lo libel ibero corresponde con lo toponimo conoixito por atras fuents (monedas por eixemplo) Sedeis, Sedeiskem, capital de los ibers sedetans. Miguel Beltrán Lloris crei manimenos que corresponde con Beligion. Destruita en una guerra civil romana, la ciudat no se reconstruyó, porque no feba falta un lugar fortificato pa articular lo territorio (y en la zona crexió la ciudat romana de Lepida Celsa en un puesto millor comunicato y más plano, on huei son Exelsa y Viliella d'Ebro).

En 1196 Pero II dió Zaila a Gastón de Castellot. Zaylla estió propiedat de la familia suya dica 1283. Se conoixen repuis d'una fortaleza cristiana con una necropoli datata entre los sieglos XIII y XVI. A principios de lo sieglo XVII Zaylla ye quasi despoblata por la expulsión de los moriscos.

Toponimia[editar | editar código]

Encara que lo nombre se crei d'orichen arabe, no queda ni se sabe cosa de la epoca arabe y sí de la epoca cristiana. Bien podría estar que lo toponimo Sedeis, pasato por lo latín vulgar, evolucionase a Zaylla, en epoca arabe por analochia con la palabra arabe Zaylla ("la plana"), igual que Cella, que s'interpreta a partir de la variant Sahla de la mesma palabra. En textos medievals cristians se conoixe como Zaylla.

En lo censo de 1713 de Campoflorido lo lugar encara se diciba Zaylla u Zayllas, quasi lo nombre que emplega bella chent viella de la redolada ("Zaila") y que veyemos en la toponimia de lo vecín lugar de Xatiel, on bi ha una Val de Zaila.

En lo limite provincial con Zaragoza existe un toponimo muito interesant, l'arroyo Lopín, que puede querer dicir Arroyo lo pin, estando un caso de fosilización de l'articlo aragonés. Entre Zaila y La Romana bi ha una val dita Val de mesón que ye una zona d'especial protección (ZEPA). Atros microtoponimos aragoneses son Pedrenyal y Los Pedrenyales.

Demografía[editar | editar código]

Evolución demografica
1992 1994 1996 1997 1998 1999 2000 2001 2002
- - 192 - - - 174 175 172
2003 2004 2005 2006 2007 2008 2009 2010 2011
167 169 162 151 163 155 154 139 -
2012 2013 2014 2015 2016 2017 2018 2019 -
- - - - - - - - -
1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido de los Socialistas de Aragón 4
Partido Aragonés 1
Total 5

Alcaldes[editar | editar código]

Lista d'alcaldes
Lechislatura Nombre Partito politico
19791983
19831987
19871991
19911995
19951999
19992003
20032007
20072011
20112015 Adolfo Tesán Bielsa Partido de los Socialistas de Aragón

Molimentos[editar | editar código]

Muito amán de lo lugar bi ha una ciudat ibera (Cabezo d'Alcalá) que ye fundamental pa lo conoiximiento de la cultura iberica y la romanización de la Val de l'Ebro.

Molimentos relichiosos[editar | editar código]

Curiosidatz[editar | editar código]

Os de Binazeit, que son por d'alto puyando por lo río Aguas, lis dicen d'embotada a los de Zaila bachanos, igual que los d'Íxar a los de La Puebla d'Íxar, probablement por ser aguas ta baixo (representaría un caso cheada, Baixanos > Bachanos).

Referencias[editar | editar código]

  1. Borja Díaz Ariño, Raúl Elorza Álvarez de Arcaya, Alberto Mayayo Catalán. Prospecciones arquológicas en los términos municipales de Vinaceite (Teruel) y Almochuel (Zaragoza). Informe de la campaña de 2004. SALDUIE nº 5. 2005. pp271-293 Pdf sobre o chacimiento.

Veyer tamién[editar | editar código]


Municipios d'a comarca Baixo Martín
Albalat de l'Arcebispe | Binazeit | Casterló | Íxar | La Puebla d'Íxar | Sant Per de Calanda | Urreya de Gayén | Exatiel | Zaila