La Puebla d'Íxar

De Biquipedia

Iste articlo trata sobre La Puebla d'Íxar. Ta atros emplegos d'o toponimo Puebla se beiga Puebla (desambigazión).

La Puebla d'Íxar
{{{imachen}}}
Comunidat autonoma	Aragón
Probinzia	Tergüel
Redolada	Martín Baxo
Codigo postal	44510
Superfizie	60,8 km²
Altaria	254 m.
Distanzia	163 km enta Tergüel
Poblazión	1105 ab.
Chentilizio	{{{chentilizio}}}
Ríos	Martín
Pachina web	www.LaPueblaDeHijar.com

La Puebla d'Íxar (La Puebla de Híjar en castellán) ye un monezipio de la probinzia de Tergüel, situato en la redolada de lo Martín Baxo. La suya poblazión ye de 1105 abitans en una superfizie de 60,8 km² y una densidat de 18,17 ab/km².

Contenius 1 Cheografía 2 Charrar 3 Toponimia 4 Apellitos 5 Beyer tamién

[editar] Cheografía

Ye situato en un plano, á 78 km de Zaragoza con abundants auguas sotorranas. En lo suyo termin, pero más á mán de Zaila y La Zaida ye lo despoblato de La Romana, que se menziona en testos de prinzipios d'o sieglo XII. Atros nuclios de poblazión tamién desabitatos son La Romaneta, Torre la Sorda, Torre L'Ausín e Fabrica Salitraría.

[editar] Charrar

L'aragonés residual de La Puebla ye uno de los primers que s'estudeyoron. Felix Monge, profesor d'a Unibersidat de Zaragoza, que ye naxito en Mainar, bibió de nino en La Puebla y publicó un estudeyo incompleto en 1951. Lo charrar de La Puebla teneba ya n'ixas embueltas de Felix Monge menos aragonesismos que los charrars d'Íxar u San Per porque la zucrera e la estazión trayoron muita poblazión de luent, y los factors sozioculturals yeran prou diferents á los de la redolada, car yera un lugar industrializato. Sin d'emgargo encara rechistró los imperfetos traiban y saliban y muito bocabulario.

La embotada de los de La Puebla ye en aragonés: los d'Íxar los claman bachanos probablement porque son auguas ta baxo de lo río Martín (Baxanos > Bachanos). Los de Binazai tamién claman asinas á los de Zaila, auguas ta baxo de lo río Aguas. La mesma embotada tienen los de Muniesa.

[editar] Toponimia

Lo nombre feba referenzia á un poblato anterior á la repoblazión clamato Gayén, asinas por exemplo en la decada de 1450 Juan Fernández de Ixar escribiba:

Anuezco e perpetua, indivisible e inseparable unión fago de los castillos, villas e lugares de Ixar, Urrea, la Pobla de Gayen e la Pobla de Benalfajar, de Belchit, Almonezir e la Pobla d'Albortón, e de Lezera e de Binazeit, con toda la jurisdiccion civil e criminal

— '

Con lo tiempo s'imposará l'apelatibo d'Íxar, en espezial cuan son espulsatos los moriagos. Podemos beyer l'alternanzia en Pobla de Izar de lo Fogache de 1495 e Pobla de Gayén u Puebla de Gayén en un testo de 1502.

Encara bi ha toponimos en aragonés u con trazas aragonesas: Valletas, El Bochar, Espartosa, Ferrada, Ferraduras, Fila Badía, Fila del Pino, Fila Jordana, Fila Ráfales, Fila Rilla, Foguera, Foladaza, La Presquera, La Torraza, Loma el Coleto, Los Valellos, Mayuelos, Molino Rafel, Ojo Ferrerón, Plana San Antón, Planas, Basales, Val de Zaila, etz... Foladaza ye una zaica que riega lo que enantes se clamaba Foya de la Daza u Suelto de San Per, e pertenexeba á lo termin de Sant Per de Calanda que mugaba con La Romana. Mayelos ye una trascrizión yeista de Malluelo que sennifica "biña choben" en aragonés antigo e testimonia la tradizión biticultora de la redolada enantes de las grans plagas de Filoxera.

[editar] Apellitos

Son carauteristicos os apellitos Artal, Bordonaba, Gareta, Mugüerza, Pina, Pellicena, Polo, Sierra e los d'orichen oczitán Guallar (deribato de Guallart) e Lambea (deribato de como se diz en gascón Lembeye y castellanizato como la zaica Gayén en Gaén y foyeta en foeta por perduga de -y- epentica).

[editar] Beyer tamién

• Lista de monezipios de Tergüel