Hamburgo

De Biquipedia
Ir ta: navego, busca
Ciudat Libre y Hanseatica d'Hamburgo
Freie und Hansestadt Hamburg
Ciudat y estato d'Alemanya
Flag of Hamburg.svg Escudo
Bandera Escudo
Deutschland Lage von Hamburg.svg
Mapa de situación en Alemanya
Entidat
 • Estato
 • Capital
Estato
Flag of Germany.svg Alemanya
Hamburgo
Menistro-president
 • Partito en o poder
Ole von Beust
CDU
Superficie
 • Total

755,16 km²
Población
 • Total
 • Densidat
(11/2005)
1.744.215 hab.
2.310 hab/km²
Codigo ISO DE-HH
http://www.hamburg.de/

A Ciudat Libre y Hanseatica d'Hamburgo, (en alemán Hamburg /ˈhambʊɐk/, en baixo alemán Hamborg /ˈhambʊɪç/) ye una ciudat situata a o norte d'Alemanya. Antimás tamién ye un estato federato que tien una amplaria no muito mayor que a d'a mesma ciudat (755 km²). Hamburgo ye a segunda mayor ciudat d'Alemanya dimpués de Berlín y a seisena d'a Unión Europea.[1] A población d'a ciudat blinca d'os 1,8 millons d'habitants, mientres que a Rechión Metropolitana d'Hamburgo (que encluye partis d'os estatos federatos vecins de Baixa Saxonia y Schleswig-Holstein) tien mas de 5 millons d'habitants. A cantos d'o río Elba, o puerto d'Hamburgo ye o segundo puerto mas gran d'Europa (dimpués d'o puerto de Rotterdam) y o deceno mas gran d'o mundo.

O nombre oficial d'Hamburgo, Ciudat Libre y Hanseatica d'Hamburgo (en alemán Freie und Hansestadt Hamburg),[2] reflecta a historia d'a ciudat como miembro d'a Liga hanseatica, como ciudat libre imperial d'o Sacro Imperio Román Chermanico, y o feito de que Hamburgo ye una ciudat estato y un d'os deciseis estatos d'Alemanya. Antis d'a unificación d'Alemanya en 1871, Hamburgo yera un estato sobirán.

Hamburgo ye un gran nyudo de comunicacions en o Norte d'Alemanya y un d'os prencipals d'Europa. Amás s'ha convertito en un centro industrial y de medios de comunicación con fabricas y instalacions d'interpresas como Airbus, Blohm + Voss y Aurubis. A emisora de radio y televisión Norddeutscher Rundfunk y as editorials Gruner + Jahr y Spiegel-Verlag son os dos pilars prencipals d'a industria mediatica en Hamburgo. Hamburgo tamién ha estato un important centro financiero mientres muitos sieglos, y ye a seu d'o segundo banco mas antigo d'o mundo, o Berenberg Bank. En total, bi ha mas de 120.000 interpresas.

D'atra man a ciudat ye un important centro toristico tanto ta visitants d'o propio país como ta foranos. Hamburgo se trobaba en 2012 en o puesto 17 de ciudatz con millor calidat de vida ,[3] y, en 2010, yera en a 10ena posición.

Cheografía[editar | editar código]

Hamburgo se troba en a parti sud d'a peninsula de Chutlandia, chustament entre Europa Continental por o sud y Escandinavia por o norte. A mar d'o Norte se troba a l'ueste y a mar Baltica a o noreste d'Hamburgo. Hamburgo se situa chunto a o río Elba en o forcallo con os ríos Alster y Bille. O centro d'a ciudat city centre ye arredol d'o Binnenalster ("Alster interior") y l'Außenalster ("Alster exterior") dos lacos artificials formatos en entibar o río Alster. A isla de Neuwerk y as dos chicotas islas vecinas de Scharhörn y Nigehörn, situatas en o Parque nacional d'a mar de Frisia hamburgués, fan tamién parti d'Hamburgo.[4]

Os vicos de Neuenfelde, Cranz, Francop y Finkenwerder fa parti d'a rechión conoixita como Altes Land, a mayor rechión productora de fruita d'Europa Central. En o vico de Neugraben-Fischbek se troba o Hasselbrack, o punto mas alto d'Hamburgo con una altaria de 116,2 m.[5]

Clima[editar | editar código]

Hamburgo tien un clima oceanico. O clima d'Hamburgo ye influyenciato por trobar-se amán d'a costa y d'as masas d'aire marín que s'orichinan en l'Ocián Atlantico. En os almarchals bi ha un clima maritimo templato. Os nevazos son raros y nomás bi'n ha una u dos vegadas a l'anyo.

Os meses mas calidos son chunio, chulio y agosto, con temperaturas maximas d'entre 19,9 y 22,2 ºC. Os meses mas fredos son aviento, chinero y febrero quan as minimas temperaturas son d'entre -1.4 y 0.0 ºC.

Demografía[editar | editar código]

Poblacions inmigrants importants[6]
País Población (2012)
Flag of Turkey.svg Turquía 50.261
Flag of Poland.svg Polonia 22.401
Flag of Afghanistan.svg Afganistán 11.996
Flag of Serbia.svg Serbia 10.014
Flag of Portugal.svg Portugal 8.627
Flag of Russia.svg Rusia 7.521
Flag of Greece.svg Grecia 6.230
Flag of Italy.svg Italia 6.106
Flag of Iran.svg Irán 5.658
Flag of Ghana.svg Ghana 5.414
Flag of the Philippines.svg Filipinas 4.890

A 31 d'aviento de 2006, bi heba 1.754.182 personas rechistradas en o censo d'a ciudat d'Hamburgo (un 6.2% mas d'os 1.652.363 rechistratos en 1990) en un aria de 755,3 km². A densidat de población yera de 2.322 hab/km².[7] L'aria metropolitana d'Hamburgo tien una población total de bells 4,3 millons de personas, que viven en una superficie de 19.000 km².[8]

Bi heba 856.132 hombres y 898.050 mullers censatos en Hamburgo. Por cada 1.000 hombres, bi heba 1.049 mullers. En 2006, bi naixioron 16.089 personas d'Hamburgo (d'os que un 33,1% yeran de mullers que no casadas); 6.921 vodas y 4.583 divorcios. En a ciudat, os ninos menors de 18 anyos representaban un 15.7% d'a población y as personas mayors de 65 anyos un 18.8%.[7]

Recent estimates put the number of people with a migrant background at 30% (515.000).[9] Os immigrants yeran plegatos de 180 países diferents, entre os que se trobaban Turquía, Polonia, Rusia, Afganistán, Pakistán, Cazaquistán, Irán u Ghana.

En 1999, bi heba 910.304 casas, en as que en un 18.9% teneban ninos menors de 18; o 47.9% d'istas las formaban personas sin parella. A meyana ye de 1.9 personas por casa.[10]

Antepasaus d'os habitants d'Hamburgo[9][editar | editar código]

Antepasaus Porcentache
Alemans 70.6% (1.231.993)
Atros europeus 13.7% (240.052)
Asiaticos 6.3% (109.933)
Turcos 5.3% (92.766)
Africans 2.0% (34.847)
Hispanos y caribenyos 0.9% (16.224)
Atros/desconoixitos 1.2% (20.958)

Esporte[editar | editar código]

Localidatz achirmanatas[editar | editar código]

Hamburgo

Hamburgo tien nueu localidatz achirmanatas arredol d'o mundo. Dar es Salaam (Tanzania) ye a zaguera que s'adhibió a la lista en 2010.[11]

Referencias[editar | editar código]

  1. (en) Europe's largest cities. City Mayors Statistics
  2. Constitución d'Hamburgo (de) Verfassung der Freien und Hansestadt Hamburg
  3. (en) Quality of Living survey Mercer.com
  4. (de) Gesetz über den Nationalpark Hamburgisches Wattenmeer
  5. (de) Geologisches Landesamt Hamburg. Statistisches Jahrbuch 2007/2008. Statistisches Amt für Hamburg und Schleswig-Holstein. ISSN 1614-8045
  6. (de) Statistisches Jahrbuch Hamburg 2012/2013 Statistikamt Nord, 7 d'abril de 2013
  7. 7,0 7,1 (de) Oficina d'Estatistica d'Hamburgo y Schleswig-Holstein (Statistisches Amt für Hamburg und Schleswig-Holstein). Statistisches Jahrbuch 2007/2008. ISSN 1614-8045
  8. (en) Hamburg Metropolitan Area fact sheet. Oficina d'Estatistica d'Hamburgo y Schleswig-Holstein (Statistisches Amt für Hamburg und Schleswig-Holstein)
  9. 9,0 9,1 (de) www.statistik-nord.de (31-12-2010)
  10. (de) Regionalergebnisse. Oficina de censos. Oficina Estatistica d'Hamburgo y Schleswig-Holstein.
  11. (de) Hamburg und seine Städtepartnerschaften (Localidatz achirmanatas d'Hamburgo) Pachina oficial d'Hamburgo
  12. (en) Dresden - Partner Cities 2008 Landeshauptstadt Dresden

Vinclos externos[editar | editar código]


Bandera d'Alemanya Estatos d'Alemanya Bandera d'Alemanya

Baden-Wurtemberg | Bavera | Baixa Saxonia | Berlín | Brandemburgo | Bremen | Hamburgo | Hesse | Mecklemburgo-Pomerania Occidental | Renania d'o Norte-Westfalia | Renania-Palatinato | Sarre | Saxonia | Saxonia-Anhalt | Schleswig-Holstein | Turinchia