Praga

Praga Praha
Localidat de Chequia
Anvista de Hradcany d'hibierno.
Estato  • Rechions de Chequia  • Destritos	Chequia Bohemia Central y Praga 22 destritos
Superficie	496 km²
Población  • Total  • Densidat	1.183.729 hab. (2005) 2.387 hab/km²
Altaria	177 - 399 m.
Codigo postal	100 00 a 199 00
Ríos	Vltava
www.PrahaMesto.cz

Praga (Praha en checo) ye a capital d'a Republica Checa y a principal ciudat d'o país. Ye tamién un destrito especial en l'administración checa, y ye tamién a capital d'a rechión de Bohemia Central, y d'a rechión historica de Bohemia.

Tien una población de 1.183.179 habitants en 2005 (ye a ciudat con mayor numero d'habitants d'o país), una superficie de 496 km² y una densidat de población de 2.387 hab/km². Por o centro d'a ciudat discurre o río Vltava (en alemán Moldau).

Ye una ciudat en o centro d'Europa que estió siempre un puesto de trobada de diferents corrients culturals, historicas y politicas. Praga estió a capital d'o Reino de Bohemia y una important ciudat d'o Sacro Imperio Román Chermanico, a más d'estar a capital de Checoslovaquia. A historia d'a ciudat permitió que bi hese tres comunidatz etnicas importants: os checos (a población autoctona), os alemans y os chodigos axkenazís, exterminatos de raso por o nazismo en a Segunda Guerra Mundial.

Por ixe motivo, Praga tien un important patrimonio arquitectonico, con edificacions romanicas, goticas, barrocas, rococo, modernistas y cubistas; en os anyos 1920 estió uno d'os principals centros culturals en Centroeuropa. O centro urbán de Praga fue declarato por a UNESCO Patrimonio d'a Humanidat en 1992. Fa parte d'a Organización d'as Ciudatz d'o Patrimonio d'a Humanidat.

Localidatz achirmanatas

• 1992: Buenos Aires (Archentina).
• 1994: Berlín (Alemanya)
• Chicago (Estatos Unitos).