Baden-Wurtemberg

Baden-Wurtemberg Baden-Württemberg
Estato d'Alemanya
Bandera Escudo
Mapa de situación en Alemanya
Entidat  • Estato  • Capital	Estato Alemanya Stuttgart
Menistro-president  • Partito en o poder	Winfried Kretschmann Grüne
Superficie  • Total	35,751 km²
Población  • Total  • Densidat	(2004) 10.694.215 hab. 294 hab/km²
Codigo ISO	DE-BW
http://www.baden-wuerttemberg.de/

Baden-Wurtemberg (en alemán Baden-Württemberg) ye uno d'os 16 estatos federals de Alemanya clamatos Bundesländer. Ye situato en o sudueste d'o país, a l'este d'o río Rin.

Muga a o norte con o estato de Hesse, a o noreste y a l'este con o estato de Bavera, a o sud con Suiza, a l'ueste con Francia (rechión d'Alsazia), y a o norueste con o río Rin y con o estato de Renania-Palatinato.

O estato actual ye o resultado d'a unión d'os estatos independients de Baden y Wurtemberg en referendum popular (1952).

Historia

Dende a fin d'as Guerras Napolionicas (sieglo XIX) os territorios d'iste estato alemán facioron parte d'a Confederación d'o Rin dica o congreso de Viena, quan ye incorporato a la Confederación Chermanica.

De contino s'amostra a lista de totz os menistros-presidents d'o estato de Baden-Wurtemberg:

1. 1952 - 1953: Reinhold Maier (FDP/DVP)
2. 1953 - 1958: Gebhard Müller (CDU)
3. 1958 - 1966: Kurt Georg Kiesinger (CDU)
4. 1966 - 1978: Hans Karl Filbinger (CDU)
5. 1978 - 1991: Lothar Späth (CDU)
6. 1991 - 2005: Erwin Teufel (CDU)
7. 2005 - 2010: Günther Oettinger (CDU)
8. 2010 - 2011: Stefan Mappus (CDU)
9. 2011: Winfried Kretschmann (Bündnis90/Die Grünen)

Cheografía

A Selva Negra («Schwarzwald» en alemán) forma l'eixe d'a rechión. Dende a ciudat de Pforzheim a o norte dica Waldshut a o sud tien una largaria d'alto u baixo 160 km. A tuca más elevata ye o Feldberg (1.493 m) en a Selva Negra d'o sud.

Divisions administrativas

Baden-Wurtemberg ye dividita 35 departamentos rurals -agrupatos 4 rechions administrativas: Friburgo, Karlsruhe, Stuttgart y Tubinga- y 9 departamentos urbans:

Departamentos rurals:

UL Alb-Donau-Kreis BC Biberach FN Bodenseekreis BB Böblingen FR Breisgau-Hochschwarzwald CW Calw EM Emmendingen PF Enzkreis ES Esslingen FDS Freudenstadt GP Göppingen HDH Heidenheim HN Heilbronn KÜN Hohenlohekreis KA Karlsruhe KN Constança LÖ Lörrach LB Ludwigsburg	TBB Main-Tauber-Kreis MOS Neckar-Odenwald-Kreis OG Ortenaukreis AA Ostalbkreis RA Rastatt RV Ravensburg WN Rems-Murr-Kreis RT Reutlingen HD Rhein-Neckar-Kreis RW Rottweil SHA Schwäbisch Hall VS Schwarzwald-Baar-Kreis SIG Sigmaringen TÜ Tübingen TUT Tuttlingen WT Waldshut BL Zollernalbkreis

Departamentos urbans:

BAD Baden-Baden FR Freiburg im Breisgau HD Heidelberg	HN Heilbronn KA Karlsruhe MA Mannheim	PF Pforzheim S Stuttgart UL Ulm

Ciudatz destacatas (población de 2005):

1. Stuttgart (591.550)
2. Mannheim (307.640)
3. Karlsruhe (283.959)
4. Friburgo de Bresgobia (en alemán: Freiburg im Breisgau) ; 214.716)
5. Heidelberg (142.889)
6. Heilbronn (121.416)
7. Ulm (120.371)
8. Pforzheim (118.805)
9. Reutlingen (112.099)
10. Esslingen (92.261)
11. Ludwigsburg (87.703)
12. Tübingen (83.310)
13. Villingen-Schwenningen (81.921)
14. Constanzia (en alemán: Konstanz ; 80.980)
15. Aalen (67.125)
16. Schwäbisch Gmünd (61.391).

Economía

Baden-Wurtemberg, mas que mas a rechión de Stuttgart, fa parte d'una aria d'excepcional importancia economica d'o mundo. Tamién ye seu d'interpresas multinacionals como Daimler, Bosch, Porsche, SAP, Liebherr, Hugo Boss u IBM.

Iste estato, asinas como Catalunya, Roine-Alpes y Lombardía, ye considerato un motor dintro d'a Unión Europea (UE).

Veyer tamién

• Personaches destacatos:
  • Friedrich Schelling
  • Georg Wilhelm Friedrich Hegel
  • Johannes Kepler
  • Theodor Von Heuglin
  • Richard Willstätter
  • Joschka Fischer

Vinclos externos

• (de)(en)(fr) Pachina oficial d'o estato