Almarchal
Un almarchal ye una zona humida, por un regular cercana a la mar, de gran riqueza en fauna y flora. Estas zonas humidas a sobén son estacions de paso en a migración d'as aus entre o norte d'Europa y Africa.
Ye un terreno baixo y paulenco, con aportes d'augua sotorrana, fluvial y de mareas.
Os almarchals han sufrito a presión urbanistica, en especial en o País Valencián, con periglo que desapareixcan, destancando como pervivencias l'almarchal del Moro, l'almarchal de Pego-Oliva y l'almarchal de Peniscola.
Como peix tipico d'os almarchals tenemos o zamaruco.
[editar] Etimolochía
Huei a parabra almarchal s'aplica a zonas humidas d'a costa levantina, pero en o pasato s'emplegaba pa zonas humidas d'a Ribera d'Ebro. A parabra almarchal ye d'orichen arabe, vien d'a parabra march que significa prato estando un caso d'adaptación d'a letra chim como ch en aragonés. Enantes s'emplegaba en a Ribera Navarra, y Riberas Alta y Baixa d'Ebro con o significato de paúl u terreno paulenco, pero ha quedato fosilizato en a toponimia. Bi ha bellas mencions meyevals que provienen de Tudela, (1256, 1260, 1279: Almalchal, Almargale, Almarial), Alagón (1195) y Zaragoza (1158, 1191 y 1194):
En a toponimia a vegatas bi ha cambio de -l por -n, y d'astí formas como marján u marjanes.
[editar] Referencias
- Juan A. Frago Gracia. Toponimia navarroaragonesa del Ebro (V) yermos y pastizales. Archivo de filología aragonesa XXXVIII. 1986.
