Villel

De Biquipedia
Ir ta: navego, busca
Villel
Municipio d'Aragón
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Comunidat de Teruel
Superficie 85,4 km²
Población
 • Total

338 hab. (2016)
Altaria 823 m.
Distancia
 • 15 km

enta Teruel
Codigo postal 44131
Coordenatas 40°13’58’’N 1° 10’58’’U
Villel en Aragón
Villel
Villel
Situación de Villel en Aragón

Villel ye un municipio de la provincia de Teruel, situato en la comarca de la Comunidat de Teruel. La suya población ye de 347 habitants (2012), en una superficie de 85,4 km².

Cheografía[editar | editar código]

Ye situato a la dreita de lo río Guadalaviar chusto a lo sud d'a on la Rambla de la Chartera desemboca en este río. Comprende os casals u mases El Campo, La Fuent Santa, Rueda, Torrejón, Vadiello, Vinyuelas y lo balneyario de Los Banyos.

Mugas[editar | editar código]

Lo suyo termin municipal muga con Cascant, Río Deva, Libros, Tramacastiel, Rubials y Bellestar.

Historia[editar | editar código]

Dimpués de la conquiesta musulmana buena part de lo Sistema Iberico estió una zona a on s'estableixioron los berbers; Villel en concreto estió en poder de los Banu Gazlun[1], que perteneixeban a la tribu Ulhasa, branca de los Nafzawa.

Dimpués de la reconquiesta Villel estió a seu d'una comanda templera, la Comanda de Villel, que incluyiba tamién Bellestar, Libros y Río Deva. En 1180 li fue concedita carta puebla.

Toponimia[editar | editar código]

Villel ye un toponimo de muit antiga documentación. Posiblement siga mozarabe. Ibn Hayyan lo escribe Billal. Tamién lo trobamos en textos medievals latins y aragoneses, por eixemplo en las "Cronicas de los Chudeces de Teruel", y como ye natural en la suya "Carta Puebla", escrita en aragonés de las comunidatz aragonesas.

Agustín Ventura Conejero ofreix dos posibles interpretacions: a partir de lo latín VILIANUS ("tierra de VILIUS) u a partir de lo latín VILLARIUS ("de la villa")[2]. Si venise de VILIANUS sería un toponimo con terminación én especial a on s'habría produeito un cambio de n por l. Si venise de VILLARIUS sería un toponimo comparable a villar pero con una imela tipica de l'arabe hispán que fa cambiar a por el. La confusión entre r y l sería un caso comparable a "esparver"-"esparvel".

Talment como los toponimos tipo Viliella haiga tenito diferents variants eufonicas por disimilación de la -LL-. Si no s'ha produeito la disimilación de la primera -LL- como en Viliella ha estato por la perduga d'a -o final, que ha posato la segunda -LL- en posición final. En textos escritos en latin se'n pueden trobar variants curiosas como Villiels en "Rationes decimarum Hispaniae (1279-80): Aragón y Navarra" y Vilello:

item a rectore de Camarena / Villiels Libros Rueda Riodena Bel estar, Templi sunt.

Bi ha bells microtoponimos de base u influencia aragonesa: los royales, la calera, Carrera del Pinar, El Noguerón, Vago del Escopetero, El Blanquizar, El Plano, El Bolage, Loma de Milla, Cañada de Zozán, Chartera, El Zurriagato, La Fuent Santa, El Rafán.

Intresant ye Vadillo y Solana del Vadillo. Vadillo ye un casal que bi ha puyando por o río Camarena u regajo de Camarena entre Villel y Cascant.

Pueden estar microtoponimos d'influencia mozarabe La Tavaira, Pino mocho y El Campichuelo (con infixo -ich- tamién conoixiu en aragonés actual), homonimo d'una parzana en a Serranía de Cuenca. Canyada de Zozán tamién ye curioso.

En la carta puebla trobamos muitos toponimos en aragonés:

Nos don Alfonso, por la gracia de Dios rey Daragon et marques de Prohença, compte de Barcelona, dono et llaudo por todos tiempos a todos los pobladores de Villel, a caballeros et a peones et a todos los hombres que seredes pobladores ni alli berneredes poblar, todas nuestras eredades asin como Martín Perez a bos las dio o de aquí adelante las departa. A ti Martín Perez dono et otorgo todas las heredades, las quales pora ti en Villel en sus terminos reternas, que tu ayas aquellas por dar, pender, enpeyar, o lexar a quien tu quisieres. Estas sobre ditas cosas a ti et a los pobladores de Villel dono et otorgo; sacada la fuerza del Castillo, la qual pora mi et pora los mios retengo et por esta fuerza del Castillo retengo pora mi el forno et el molino e la eglesia de Villel, que ningun yezino de Villel non aya poder de fer forno nin molino en Villel, nin en sus terminos. Et por aquesto que yo retengo pora mi, fago a bos franquos a todos los pobladores de Villel qui sodes presentes et de qui adelante evernedeis poblar. Et damos terminos, asin como parte la Rambla del monte et sube a somo del Campillo Aliagoso et por somo de la foç de Chertera et da en Ruviales, prende el cerro, et da en el camino que va a Tormon et del camino de Tormon fiere a la fuente de la Penylla et de la fuente de la Penylla fiere en Val Seco, et del Val Seco fiere a rio de Molas, et del rio de Molas ayuso fiere en Goladaviar, et de Guadalaviar Riodeva a asuso afondom de Val Lubresco a suso, asin como las aguas vierten, et fiere el Atalaya Ruvia, et del Atalaya Ruvia asin como las aguas vierten et fiere al fronton de la Quadradeja, et de la Quadradeja al fronton de la Escaleruela de la Trona, et de la Escaleruela a las canales del fondon a la foç de Ballcroch, et de las canales del fondon de la foç et fiere al Cabello Blanquo de la fuente Pudia, et del Cabello Blanquo de la fuente Pudia, et fiere en Guadalaviar en fondo de la Rambla del Monte sobre el Alcarejo. El sobre dito donativo do et firmo etlaudo poraiempos et otorgo a bos que ayades et posedades bos et fijos vuestros a toda buestra generacion, entro a la postremera: di todos bos libro ef franco et sin enganyo, a fuero di Çaragoça et a la buestra propia heredat, por dar, bender, enpeyar et por fer buestra boluntad, asin como de buestra propia eredat, por todos tiempos, salva mi fialdat et di toda mi postremeria po secula seculorum amen. Et ningun home qui aquesta franquesa quisiere quebrantar a todos los pobladores de Villel que yo don Alfonso a feita, sea maldito de Dios et di santa Maria y sobre todo aquesto peresca asin como Sodoma y Gomorra et sea soterrado dentro en los infiernos por todos tiempos, amen, amen, amen.
Sig+no del rey don Alfonso, rey de Aragon et compte de Barcelona et marques de Prohença.

Administración[editar | editar código]

Reparto de concellers[editar | editar código]

Eleccions municipals
Partito 1979 1983 1987 1991 1995 1999 2003 2007 2011
Partido Popular 3
Partido de los Socialistas de Aragón 2
Partido Aragonés 2
Total 7

Presonalidatz naixitas de Villel[editar | editar código]

Ye naixito de Villel lo ministro en tiempos de Ferrando VII d'Espanya, Francisco Tadeo Calomarde.

Fiestas[editar | editar código]

Referencias[editar | editar código]

  1. (es) María Jesús Viguera Molins: Aragón musulmán. La presencia del Islam en el valle del Ebro. Mira Editores, 1998. pp 22.
  2. (es) Agustín Ventura Conejero: Toponimia de la provincia de Teruel. Revista Teruel, 48, 1972. p 240.


Lugars de lo municipio de Villel
El Campo | La Fuent Santa | Rueda | Torrellón | Vadiello | Villel | Vinyuelas


 
Municipios d'a comarca Comunidat de Teruel
Aguatón | Aguilar d'Alfambra | Alava | Alfambra | Almofalla | Alobras | Alpenyés | Archent | Beguiellas d'El Cuervo | Bellestar | Camanyas | Camariellas | Canyada Vellida | Cascant | Cedriellas | Celadas | Cella | Corbalán | Cubla | Lo Cuervo | Escoriuela | Cuevas Labradas | Exorcas | Fababuix | Fuents Calients | Galv | Libros | Lidón | Mont Agut | Orrios | Pancrudo | Peralellos | Perals | Lo Pobo | Riello | Río Deva | Santa Olalia | Teruel | Tormón | Torre la Cárcel | Torremocha de Xiloca | Tramacastiel | Valacroch | Villar Cremato | Villel | Visiedo