Milvus

Pa atros d'o termin esparvero se veiga esparvero (desambigación).

*Milvus*
Un esparvero negro (Milvus migrans)
Denominacions populars
esparveros / esparvels, espárvels, esparvers, esparavels, esparavers, cetrins, abadeixers
Estau de conservación
Seguro (IUCN)
Clasificación cientifica
Reino:	Animalia
Subreino:	Eumetazoa
Filo:	Chordata
Clase:	Aves
Subclase:	Carinatae
Orden:	Falconiformes
Familia:	Accipitridae
Subfamilia:	Milvinae
Chenero:	Milvus
Descripción
Milvus Lacépède, 1799
Especies
Especies de Milvus Milvus milvus †Milvus milvus fasciicauda Milvus migrans Milvus migrans lineatus Milvus migrans aegyptius

Os esparvers^[1]^{[nota 1]}, cetrins^[1] u abadeixers^[1] (nombre cientifico Milvus) son un chenero d'aus rapinyeras adintro d'a familia d'os accipitridos y d'a subfamilia Milvinae. O chenero contiene 2 especies seguntes a clasificación que tradicionalment se'n ha feito, todas naturals d'Eurasia y Africa, que usualment yeran divididas en 4 subspecies. Actualment a taxonomía dintro d'o chenero se troba subchecta a debat, y s'ha quiesto de manera recient clasificar-los en 4 especies deseparadas.

Se'n conoix formas fósils que datan d'o Pleistoceno, como la una que se trobó d'Israel, clamada cientificament Milvus pygmaeus. En Aragón se i troban dos especies: Milvus milvus y Milvus migrans, as dos, aus muit frecuents. As dos especies d'as nuestras latituz se destinguen por a coloración, mas vitarisca en M. milvus, en a que i predominan as colors royiscas en o cuerpo, y en os adultos se i manifiesta la cabeza grisa y una malla blanca prencipal en as plumas remeras d'a cara inferior d'as alas, mientres que en M. migrans a color cheneral d'o cuerpo, as alas y a cabeza ye marrón fusca cuasi uniforme.