Tormón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tormón
Municipio d'Aragón
Ilesia d'a Natividat.
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	29,31 km²
Población  • Total	31 hab. (2024)
Altaria  • Meyana	1.051 m.
Distancia  • 64 km	enta Teruel
Alcalde	Faustino Archilaga Valero
Codigo postal	44134
Parroquial  • Diocesi  • Arcipestrau  • Parroquia	Teruel y Albarracín Albarracín Natividat de Ntra. Sra.
Coordenadas	40°12’ 9’’N 1°21’12’’U
Tormón Tormón en Aragón

Tormón ye una villa y municipio de la provincia de Teruel, situau en la comarca de la Comunidat de Teruel. La suya población ye de 34 habitants (2015), en una superficie de 29,31 km² y una densidat de 0,96 hab/km².

Cheografía

Ye situau a piet d'un tormo entre las Sierras de Chabalón y Penya Redonda, chunto a lo río Ebrón.

Mugas

Lo suyo termin municipal muga con Castiel Fabib, con Lo Cuervo, con Alobras, con Chabaloyas, con una "manga" u prolongación de lo termin d'Albarracín, con un cantón de lo termin de Rubials y con Tramacastiel.

Toponimia

Lo toponimo Tormo se puet explicar como aumentativo de Tormo con sufixo aumentatico -ón. Bi ha microtoponimos intresants dende lo punto de vista de l'aragonés como Las Tasoneras, El Morrón, Cerro Casar, Arronyal y Arrenyal (castellanizacions de "ferrenyal"), Fontarrón (con lo sufixo -arrón), Puntal de Garrón, Barranco de los Poyales, Barranco del Puerco y Cerrito Cuatrenyo en lo punto de contacto de los termins municipals de Tormón con Albarracín, Rubials y Villel, con sufixo -enyo, derivaría de lo latín QUATERNIUM. Atros toponimos como La Goyoría ("Cucullada") u El Sabinarejo y Barranco de la Sargaleja reflectan l'aragonés local que se charró en lo sud de la provincia de Teruel, on bi heba muitos toponimos de formacions vechetals con los sufixos -ar y -echo chuntos.

Historia

No fació part ni de la Comunidat de Teruel y de la Comunidat d'Albarracín, y yera vinclau en lo sieglo XIV a los Ruíz de Castelblanc y dimpués a los Heredia de Mora de Rubielos y fizo part de lo Condau de Fuents.

Tormón fizo part de la sobrecullida de Teruel por lo menos entre 1446 y 1495. En 1646 perteneixeba a la vereda de Teruel. Dende 1711 dica 1833 fació part de lo correchimiento de Albarracín.

Demografía

Evolución demografica

1362 f 1495 f 1842 1857 1860 1877 1887 1897 1900 - - - - - - - - 303

1910 1920 1930 1940 1950 1960 1970 1981 1991 267 310 342 265 213 172 119 61 50

1992 1994 1996 1997 1998 1999 2000 2001 2002 - - - - 41 40 39 39 36

2003 2004 2005 2006 2007 2008 2009 2010 2011 37 39 35 32 33 35 33 32 36

2012 2013 2014 2015 2016 2017 2018 2019 2020 34 31 28 34 34 34 31 30 25

2021 2022 2023 2024 2025 2026 2027 2028 - 25 26 - - - - - - -

1717-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									1
Total									1

Alcaldes

Lista d'alcaldes

Lechislatura	Nombre	Partiu politico
1979–1983	Lucio Serrano Teller	Unión de Centro Democrático
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Faustino Archilaga Valero	Partido Popular
2015–2019
2019–2023
2023–2027	Francisco Mora Valero	PP

Puestos d'intrés

• Castiello de Tormón, en o cobalto d'o lugar.
• Ermita de Sant Cristoval.
• Ilesia d'a Natividat.
• Cuenca de l'Ebrón.
• Arte rupestre d'o Neolitico.
• Campamento Escuela de l'AGLA (Agrupación Guerrillera de Levante y Aragón).

Fiestas

• Sant Cristoval, 10 de chulio.
• L'Asumpción d'a Virchen y Sant Roc, 15, 16 y 17 d'agosto.
• Sant Rafel, 24 d'otubre.

Bibliografía

• (es) Cristóbal Guitart Aparicio: Los castillos turolenses Cartillas turolenses nº 9, Instituto de Estudios Turolenses, 1999.
• (es) Los Lugares de la Memoria, Gubierno d'Aragón, 2010.
• (es) Faustino Archilaga Valero y Lourdes Ortiz Giménez: Los nombres en el paisaje de Tormón: con ocho rutas para conocer el entorno., Asociación Cultural de Tormón.
• (es) Javier Ibáñez González: Informe sobre las potencialidades patrimoniales y turísticas de Tormón. Parque Cultural d'Albarracín, 2008.

• Datos: Q1641534
• Multimedia: Tormón / Q1641534