Cella

Este articlo tracta sobre Cella que ye un municipio terolano en la comarca de la Comunidat de Teruel. Pa la cella de lo uello se veiga cella (anatomía).

Cella
Municipio d'Aragón
Pozo artesián de Cella
Entidat  • País  • Provincia  • Comarca	Municipio Aragón  Teruel Comunidat de Teruel
Superficie	124,7 km²
Población  • Total	2673 hab. (2016)
Altaria	1020 m.
Distancia  • 21 km	enta Teruel
Codigo postal	44370
Coordenadas	40°27’ 10’’N 1°17’ 9’’U
Cella Situación de Cella en Aragón
www.cella.es

Cella ye un municipio de la provincia de Teruel, situau en la comarca de la Comunidat de Teruel. La suya población ye de 2818 habitants (2014), en una superficie de 124,7 km² y una densidat de población de 22,6 hab/km².

Cheografía

Ye situau en la fuesa de Xiloca, que fa part de la depresión de Calatayú-Teruel. Ye en lo cabalto de la val de Xiloca. Este río prene augua contina en un naixedero situau en lo mesmo Cella; este naixedero ye lo pozo artesián más gran d'Europa.

Actualment ye en l'aria d'influencia de Teruel, pero entre los sieglos XIV y XVI yera muito más important y la capital d'una comarca dita Río de Cella.

Mugas

Lo suyo termin municipal muga con Albarrazín, con Santa Olalia, con Villar Cremato, con Celadas, con Teruel y con un apéndiz u de lo termin d'Albarrazín u manga correspondient a Las Casiellas de Bezas.

Toponimia

Lo toponimo Cella se relaciona con l'arabe Sahla u "plana".

En qualques textos de los primers tiempos de la conquiesta cristiana escritos en latín medieval se leye como Celfa, como tamién se puet leyer en lo "Poema de Mio Cid" y que puet considerar-se una metatesi (l'adaptación lochica de l'arabe -hl- ye -fl-). Manimenos esta variant Celfa coexiste con atras variants graficas u foneticas como Çehla, Zehla, Cega, Cegla, Çecla, Celha, Celle en los textos latins.

Cella no ha teniu denominación estable en aragonés medieval. En lo sieglo XV un escriba terolano encara escribiba Zelha, lo qualo encara que pareixca un occitanismo grafico, ye más probable que siga una traza de remerar la -f- de Zelfa/Zefla. La forma Cella s'explica egual que lo lugar terolano Sollavientos < Soplavientos y lo castellán Chillar < Sif(i)lare. Los grupos -pl- y -fl- pueden evolucionar ta -ll- en luengas como castellán. En lo termin municipal de Pamplona bi ha un microtoponimo equivalent en orichen y evolución Acella, a on que bi ha un despoblau.

Historia

En la baixa Edat Meya Cella yera una aldeya de la Sexma d'el Campo de Cella adintro de la Comunidat d'aldeyas de Teruel. Fació part tamién de la Sobrecollida de Teruel en 1446 y de la de Mont Albán en 1488-1495.

Apellius

Un de los apellius más comuns en Cella ye Bujeda, que en la Edat Meya yera Buxeda y fa referencia a lo buixo.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Popular									6
Partido de los Socialistas de Aragón									5
Total									11

Alcaldes

Lista d'alcaldes

Lechislatura	Nombre	Partiu politico
1979–1983
1983–1987
1987–1991
1991–1995
1995–1999	María del Carmen Pobo Sánchez	Partido Popular
1999–2003	María del Carmen Pobo Sánchez	Partido Popular
2003–2007	María del Carmen Pobo Sánchez	Partido Popular
2007–2011	María del Carmen Pobo Sánchez	Partido Popular
2011–2015	María Jesús Pérez Esteban	Partido Popular

Molimentos

La edificación arredol de lo pozo artesián, dita Fuente de Cella.

Esporte

Lo fútbol ye representau por lo Club Deportivo Cella que participa en divisions rechionals aragonesas.

Fiestas

• Sant Sabastián, 21 de chinero.
• Santa Rosina, 15 de mayo.
• 15 d'agosto.

Curiosidatz

En l'aria d'influencia de Teruel los cellanos tienen fama de brutos, y, como con los d'Almudévar u Lepe, se fan chistes con cellanos.

Vinclos externos

• www.cella.es, pachina web oficial.
• Vocabulario cellano.
• Etimolochía de Cella.

Referencias

Lugars d'o municipio de Cella
Cella | Villar d'el Salz

Lugars desapareixius d'o municipio de Cella
Abuán