Sierra de la Cantera d'el Saso
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Sierra de la Cantera d'el Saso | |
|---|---|
.jpg) | |
| Cheografía | |
| Cordelera | Sistema Iberico |
| Sector | {{{sector}}} |
| {{{tpran}}} | {{{ran}}} |
| Maxima altaria | 839 m |
| Cimas importants | Penya de l'Aguila, cabezo d'el Pinar, y El Saso. |
| Largaria | |
| Amplaria | |
| Superficie | |
| Vértiz cheodesico | |
| Subsistemas | {{{subsistemas}}} |
| Administración | |
| Estau | |
| País |  Aragón
|
| Comarca | Andorra-Sierra d'Arcos Baixo Aragón |
| Cheolochía | |
| Edat | Churasico con representacions menors de Triasico y Cretacio |
| Materials | Calsineras y salagons. |
| Tipo | {{{tipo}}} |
  | |
La sierra de la Cantera d'el Saso u sierra d'el Saso ye una aliniación montanyosa con dirección NW-SE que fa parte de la unidat morfoestructural dita "serranías marguinals" de lo Sistema Iberico teruelano.[1] Ye un anticlinal cabalgant que desparte la depresión d'Andorra a lo sud y la Chumilla a lo norte, ya en la depresión d'Ebro.
Se troba en la part oriental de la provincia de Teruel entre las comarcas d'Andorra-Sierra d'Arcos y Baixo Aragón. La superficie de la sierra de la Cantera d'el Saso perteneixe a los termins municipals d'Andorra y Alcorisa.
Encara que bel autor la considere como part de lo sector oriental de la sierra d'Arcos,[2] representa un plego de dirección W-E mes vinclau a l'anticlinal de Calanda que a los plegos de la sierra d'Arcos y ye despartida de La Tajonera por materials cenozoicos por a on que pasa lo barranco de Val de Común, que representa una discontinuidat. Antiparte, en la redolada la nombran con un microtoponimo que presenta lo formant chenerico de sierra.
Altarias
[editar | modificar o codigo]La principal altaria ye de 839 m, seguida d'atras como penya de l'Aguila (834 m), cabezo d'el Pinar, y El Saso (787 m), que encara que no siga l'altaria mes gran, da nombre a la sierra y presenta un vértiz cheodesico.
Toponimia
[editar | modificar o codigo]L'oronimo sierra de la Cantera d'el Saso presenta un formant saso recurrent en la toponimia aragonesa y derivau de lo latín SAXUM ("penya").
L'atro formant cantera se torna a trobar en atras zonas de la provincia de Teruel y no necesariament significa "pedrera". En Puertomingalbo la palabra cantera s'emplega pa decir "mont" con lo sentiu de terreno que no se puede treballar agricolament, u tamién especificament como dende a on que s'observa lo terreno, lo que enlaza con lo significau aragonés de cantera como marguin u canto de plataforma.[3] En ansotano se documenta un significau de cantera como "ladera".[4]
L'oronimo completo ye largo y se puede presentar acurzau como sierra d'el Saso u sierra de la Cantera-Saso.
Hidrolochía
[editar | modificar o codigo]Las versants meridional y nordoriental desauguan enta lo río de Calanda dreitament u a traviés de tributarios como lo río Alchozasa, la versant nordoccidental desaugua enta lo Regallo a traviés de barrancos como la Val de Común.
Este zaguer barranco desparte la sierra de la Cantera d'el Saso de La Tajonera a l'ueste y un barranco tributario de lo río de Calanda la desparte de la sierra de la Galga a l'este.
Referencias
[editar | modificar o codigo]- ↑ (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- ↑ (es) Juan Leal Pérez-Chao: El paisaje y los ecosistemas de la comarca. Publicau en Comarca de Andorra-Sierra de Arcos, Colección territorio, nº 31. Gubierno d'Aragón, Departamento de Politica Territorial, Chusticia y Interior, 2018. pp 52-53.
- ↑ (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016.
- ↑ (es) Miguel Ánchel Barcos, El Aragonés Ansotano: estudio lingüístico de Ansó y Fago; Gara d'Edizions. Zaragoza, 2007, p 183.
Bibliografía
[editar | modificar o codigo]- (es) Eduardo Viñuales Cobos (coordinador): Red natural de Aragón. nº 15, Bajo Aragón Prames, 2007.
- (es) José Luis Peña Monné et al. : Geomorfología de la Provincia de Teruel. Instituto de Estudios Turolenses, 1984.
- (es) Instituto Geológico y Minero de España: Mapa Geológico de España E 1:50.000. Calanda. Servicio de publicaciones de Ministerio de Industria y Energía, 1978.
| Control d'autoridaz |
|
|---|
Datos: Q65395225