Descusión:Sierra de la Cantera d'el Saso

D'acuerdo con esta publicación municipal [1] pareixe que los habitants d'Andorra no consideran que La Cerrada (Andorra) y La Tajonera perteneixcan a la sierra de la Cantera d'el Saso como yo percibiba en los mapas y recorrendo las carreteras de la redolada. D'acuerdo con una pachina alcorisana que adchuntan fotos, se veye una discontinuidat que desparte La Tajonera y la Cantera de Saso [2], discontinuidat por a on que pasa lo barranco de Val de Común. Bi ha tamién una discontinuidat chica en los materials churasicos vistables en lo mapa cheolochico [3], por lo que agora tiengo dubdas sobre que La Tajonera y La Cerrada sigan de la sierra de la Cantera d'el Saso. En la pachina sobre ecosistemas y fauna d'Andorra [4] consideran que tot ye un tramo oriental de la sierra d'Arcos. Quan reorganicemos la información igual habremos de clasificar La Cerrada, Horca Llana y La Tajonera como sierra d'Arcos seguindo esta publicación y lo criterio de la discontinuidat que he dito, y seguir considerando como "sierra" la sierra de la Cantera d'el Saso u "de Saso" seguindo un criterio d'emplego tradicional en la comarca de chenericos como sierra y cantera que no pareixen haber teniu La Cerrada, Horca Llana y La Tajonera.--EBRO (descusión) 21:13 20 mar 2019 (UTC)