Puertomingalbo

De Biquipedia
Ir a la navegación Ir a la búsqueda
Puertomingalbo
Municipio d'Aragón
Escudo d'armas
Vista general Puertomingalvo.jpg
Envista de Puertomingalbo.
Entidat
 • País
 • Provincia
 • Comarca
Municipio
Flag of Aragon.svg Aragón
Teruel (provincia).svg Teruel
Gúdar-Chabalambre
Superficie 102,67 km²
Población
 • Total

112 hab. (2016)
Altaria 1456 m.
Distancia
 • 101 km

enta Teruel
Codigo postal 44411
Coordenatas 40°16’ 1’’N 0°27’ 0’’U
Puertomingalbo en Aragón
Puertomingalbo
Puertomingalbo
Situación de Puertomingalbo en Aragón

Puertomingalbo (Puertomingalvo en castellán) ye un municipio de la provincia de Teruel, situau en la comarca de Gúdar-Chabalambre. La suya población ye de 112 habitants (2018), en una superficie de 102,67 km² y una densidat de 1,13 hab/km²

Toponimia[editar | editar código]

Lo toponimo Puertomingalbo tiene un zaguer forman d'orichen arabe y corresponde a Galbun, l'hipocoristico de l'antroponimo Galib. En la provincia de Guadalachara bi ha una serie de toponimos con un orichen pareixiu: Torre de Miguel Bon y Mingalvo, que continan en atras zonas con Huerta de Mingalvo y Majada de Mingalbo,[1] y plegan a la provincia de Malaga con Benagalbón.

En 1202 apareixe documentau como Ibn Galbón. En 1208 lo rei Pero II d'Aragón donó a la Orden de Selva Mayor d'Alcalá lo lugar de Cuevas de Domingo Arquero indicando-ne las mugas y nombrando un portum de Abingalbón:

...et ex inde usque ad Pennam gulosam ab Ingaluvon de Riuvo intus stando usque ad portum de Abingalbon..

En 1446 s'escribe Puerto, entre 1495 y 1609 s'escribe El Puerto, pasando a estar Puerto de Aben Galbó en 1646 y Puertomingalvo dende 1713.[2]

La microtoponimia de Puertomingalbo ye bien estudiada por autors como José Castillo Gil y Javier Solsona Benages, que documentan bell microtoponimo con components en aragonés u en catalán anteriors a la castellanización (barranco de la falaguera, barranco de las grivas, Las Sampolas, El Grao, Masico Mollón, Las Nogueras, Mas d'Olaria, Mas d'Onceno, Pairón, Masico de Piuques, La Sunsida, ecetra).[3][4]

Cheografía[editar | editar código]

Puertomingalbo ye situau a lo sud de la sierra de Mayabona, que presenta en lo suyo termin Las Sampolas. La sierra de la Batalla tiene una part en l'ueste de lo termin municipal chunto a lo termin de Vistabella. Lo río de Linars fa de muga entre Linars de Mora y Puertomingalbo cerca de Castelbispal y dimpués traviesa lo cabo sud de lo termin.

Mugas[editar | editar código]

Lo suyo termin municipal muga seguindo lo sentiu horario con Linars de Mora y Mosqueruela en la mesma comarca y provincia y con Vistabella y Villafermosa en la provincia de Castellón.

Mosqueruela
Linars de Mora Rose des vents2.png Vistabella
Villafermosa

Historia[editar | editar código]

En l'anyo 1202 lo rei Pero II donó Puertomingalbo a lo bispe de Zaragoza. Entre los anyos 1446 y 1495 feguraba en la sobrecollida de Mont Albán. En 1646 feba part de la vereda de Mont Albán. Entre 1711 y 1833 yera en lo correchimiento d'Alcanyiz y ya teneba lo titol de villa en 1785, tenendo concello municipal dende 1834. Dende 1965 perteneixe a lo partiu chudicial d'Alcanyiz.[2]

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 4
Partido Popular 1
Total 5

Fiestas[editar | editar código]

Referencias[editar | editar código]

  1. (es) Juan Antonio Chavarría Vargas: Onomástica árabo-beréber en la toponimia de Castilla-La Mancha: Guadalajara. Publicau en: Anaquel de estudios árabes, nº 18, 2007, pp. 107-116.
  2. 2,0 2,1 (es) Antonio Ubieto Arteta: Historia de Aragón. Los Pueblos y los despoblados, III. Anubar ediciones, 1986. pp 1041-1042.
  3. (es) Javier Solsona Benages: Estudio toponímico del término municipal de Puertomingalvo (Teruel). Universitat Jaume I, 2001.
  4. (es) José Castillo Gil: La toponimia oral de las elevaciones macizas de Puertomingalvo (Gúdar-Javalambre, Aragón) y su rotulación con genéricos postizos a partir del siglo XX. Publicau en Onomàstica. Anuari de la Societat d Onomàstica, nº 2, 2016.

Bibliografía[editar | editar código]

Vinclos externos[editar | editar código]


 
Municipios d'a comarca Gúdar-Chabalambre
Abechuela | Albentosa | Alcalá de la Selva | Arcos de las Salinas | Cabra de Mora | Camarena de la Sierra | Lo Castellar | Formich Susano | Fuents de Rubielos | Gúdar | Linars de Mora | Manzanera | Mora de Rubielos | Mosqueruela | Nogueruelas | Olba | La Puebla de Valverde | Puertomingalbo | Rubiuelos de Mora | Sant Agostín | Sarrión | Torrillas | Valbona | Val de Linars