Panthera pardus

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

«Leopardo» rendreza enta iste articlo. Pa atros usos d'a parola «leopardo» se veiga Leopardo (desambigación).

Panthera pardus
Una fembra de leopardo (Panthera pardus).
Denominacions populars
Leopardo, liopardo, pantera.
Estato de conservación
Vulnerable (IUCN)
Clasificación scientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Carnivora
Suborden:	Feliformia
Familia:	Felidae
Subfamilia:	Pantherinae
Chenero:	Panthera
Especie:	Panthera pardus
Descripción
Panthera pardus LINNAEUS, 1758
Distribución cheografica
Distribución mundial Royo: Historica, d'a on se ye estincto. Amariella: No bi ha treslau que en quede. Verde claro : Nuclios de población fragmentarios. Verde fusco: Poblacions presents.

O leopardo (d'o latín <LEOPARDUS, «gatopardo». Scientificament Panthera pardus) ye un mamifero carnivoro d'a familia Felidae, subfamilia Pantherinae y chenero Panthera.

Ye un animal depredador de mida mediana, solitario y muit adaptable, que habita en una gran diversidat d'habitatz, dende sabanas dica selvas tropicals humedas y en petrosas, por tot lo cinturón equatorial y entre os dos tropicos, en Asia y Africa.

Habitat

O leopardo ye un felido extraordinariament adaptable. Con dimensions mas menudas que as d'atros miembros de Panthera, o leopardo ye muit áchil, pero tamién disposa d'una enorme fuerza bruta pa abatir y arrocegar presas muito más grans que ell.

Caza a la guait, dende a vechetación. Por ixa razón o suyo habitat se troba limitau a os puestos a on que i haiga vechetación: nomás evita os disiertos y l'Alta Montanya. Ye un depredador habitual en as sabanas d'Africa y en as d'Asia, pero tamién i hai poblacions en as selvas tropicals d'ixes dos continents y mesmo en as selvas templadas d'Asia.

A on coexiste con atros depredadors mas grans, como con os lions y hienas en as sabanas africanas u os tigres en as selvas d'Asia, o leopardo desenvolica estratechias de supervivencia diferents pa evitar-los, como dormir u consumir as suyas presas en l'alto d'os árbols.

Caracteristicas

O leopardo ye un felido de mida mediana-gran, con peso entre os 37 y os 90 kg en os masclos y entre 28 y 60 kg en as fembras. Ye a especie mas menuda entre as quatro que forman o chenero Panthera, estando de regular mas chicorrón que o suyo parient o yaguar, y muito más chicot que lions y tigres.

A lonchitut d'o cuerpo ye d'entre 91 y 191 centimetros, mas a coda, que fa entre 58 y 110 cm. L'altaria d'o cuerpo ye d'entre 45 y 78 cm en a cruz d'o lomo.

Subespecies

Anque historicament se consideraba que existiban dica trenta subespecies de leopardo, en l'actualidat y a conseqüencia d'estudeos de taxonomía moderna, s'ha recomposau en hueito u nueu.

• Panthera pardus pardus - Leopardo africano.
• Panthera pardus orientalis - Leopardo d'Amur.
• Panthera pardus fusca - Leopardo d'a India.
• Panthera pardus delacouri - Leopardo d'Indochina.
• Panthera pardus saxicolor - Leopardo persa.
• Panthera pardus melas - Leopardo de Chava.
• Panthera pardus japonensis - Leopardo d'o norte de China.
• Panthera pardus nimr - Leopardo d'Arabia.
• Panthera pardus kotiya - Leopardo d'Sri Lanka.

Imáchens

• 

  Con a suya presa en un árbol.

• 
• 
• 
• 

Etimolochía

Escena de caza en una vaixiella romana (s. II.), en a qual se representa un leopardo.

O zoonimo «leopardo» ye un cultismo en todas as luengas romances actuals, que ye arribau diversas vegadas a traviés d'o latín y muit especialment en o baixo latín u latín medieval, como bestia citada en bestiarios y atras obras escritas propias de l'imachinario medieval. En latín, leopardus ye o nombre que se le da normalment a lo que as romances han nombrau regularment «gatopardo», una fiera con tacas propia de l'imachinario medieval europeu, que se crei que no corresponde con garra especie real.

A parola ye d'orichen griego y se composa de dos etimos: λέων, leōn, «lión», y πάρδος, párdos, «tacau». Os griegos antigos tuvon conoiximiento de l'animal probablement por o contacto con atras civilizacions de a mediterrania oriental, como l'Imperio Persa Aquemenida, que en teneban en os suyos territorios.

Se veiga tamién

• Pantera (desambigación).
• Panthera.
• Yaguar.

Vinclos externos

• Se veigan as imachens de Commons sobre Panthera pardus.
• Wikispecies tiene un articlo sobre Panthera pardus.