Pantherinae
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Pantherinae | |
---|---|
Panthera tigris, o tigre, que ye a especie de panterino mas gran. | |
Denominacions populars | |
Panterins
| |
Clasificación scientifica | |
Eukaryota | |
Animalia | |
Filo:
|
Chordata |
Mammalia | |
Carnivora | |
Suborden:
|
Feliformia |
Felidae | |
Subfamilia:
|
Pantherinae |
Descripción | |
Pantherinae
POCOCK, 1917 |
Os panterins (scientificament Pantherinae, en latín) son una subfamilia d'a familia Felidae de mamiferos carnivoros, una d'as dos subfamilias vivas que queda en a familia, estando-ne l'atra la d'os felins. As subfamilias Machairodontinae y Proailurinae, que tamién fan parte d'os Felidae, tienen totz os suyos miembros extinctos dende a Prehistoria humana.
Pantherinae se deseparó evolutivament d'os felins bien luego, y se tracta d'un linache filochenetico real, sin que i haiga habiu contactos destacables entre os dos grupos de felidos. A mayoría de panterins son animals de mida gran y muita potencia muscular, depredadors d'atras especies, y de conducta solitaria. Beluns son además os predadors culminals en os suyos ecosistemas.
Caracteristicas[editar | modificar o codigo]
Os panterins no tienen a larinche osificada como sí que la i tienen os miembros de Felinae. Isto fa que os panterins sían os solos felidos que realment son capables de gramar.
A trunfa d'o naso (zona humeda y despullada de pelo que totz os Carnivora tienen) comienza en l'anglo que desparte a recta d'o mueso contra la vertical, de manera que tamién a diferencia d'os felins os panterins no tienen cosa de piel despullada por alto d'o naso. A cabeza y os arcos zigomaticos solen estar más robustos y prominents que en atros felidos.
A piel ye cubierta de picas u ocelos, que son codificaus en chens ancestrals de a subfamilia. Manimenos, una sola especie (o tigre u Panthera tigris) as tiene fusionadas en formando en rayas verticals, cosa que se crei que amaneixió secundariament en ixa especie. O lión (Panthera leo) tiene ocelos nomás entre que ye cadiello, y s'esbanden a mesura que se torna adulto.
Clasificación[editar | modificar o codigo]
A subfamilia Pantherinae se dubdivide en dos u tres cheneros, pende de l'autor: pa uns son Panthera y Neofelis os dos solos cheneros, pero en base a estudeos cheneticos recients bells investigadors consideran que cal clasificar a la pantera d'as nieus a desparte d'o chenero Panthera, en un nuevo chenero que se diría Uncia.
Actualment a suya taxonomía se troba subchecta a debate.[1]
Se veiga tamién[editar | modificar o codigo]
Referencias[editar | modificar o codigo]
- ↑ (en) Yu, L. y Zhang, Y. P. (2005) «Phylogenetic studies of pantherine cats (Felidae) based on multiple genes, with novel application of nuclear beta fibrinogen intron 7 to carnivores». Molecular Phylogenetetic Evolution, 35(2): 483–495
Vinclos externos[editar | modificar o codigo]
Se veigan as imachens de Commons sobre Pantherinae.
Wikispecies tiene un articlo sobre Pantherinae.