Panthera onca

Panthera onca
Masclo de yaguar (Panthera onca)
Denominacions populars
Yaguar, yaguareté
Estato de conservación
Quasi menazato (IUCN)
Clasificación scientifica
Dominio:	Eukaryota
Reino:	Animalia
Filo:	Chordata
Clase:	Mammalia
Orden:	Carnivora
Suborden:	Feliformia
Familia:	Felidae
Subfamilia:	Pantherinae
Chenero:	Panthera
Especie:	P. onca
Descripción
Panthera onca LINNAEUS, 1758
Distribución cheografica
Rosa = En do viviba. Royo = En do en queda.

O yaguar (d'o guaraní <yaguar, “fiera”; scientificament Panthera onca (L., 1758)) ye un mamifero placentario d'a orden Carnivora y a familia Felidae, natural d'America. Ye a sola especie d'o chenero Panthera que vive en o continent americano.

Ye un animal carnivoro y depredador que actúa como predador culminal en os ecosistemas en do ye present. Tiene costumbres solitarios y en buena cosa de a suya aria de distribución no habita so que en selvas humedas y espesas, razons por as que l'arrodeya un aura de misticismo que le fa chugar un papel destacau en a mitolochía de quantas culturas indichenias d'America.

Descripción[editar | modificar o codigo]

O yaguar ye un felido d'aspecto prou convencional en o chenero Panthera y de feito recuerda a lo suyo parient de o Viello Mundo, o leopardo (Panthera pardus). L'aspecto corporal ye más robusto y a cabeza mas gran que en o leopardo, con orellas mas chicas.

Tiene a piel plena de tacas en forma d'ocelo u de roseta, con picas negras enteras nomás en a cabeza, patas y coda. O fondo ye d'unas colors que van de l'amariello palla dica marrón royisco, con a tripa, peito, papo y a superficie interior d'as patas de fondo blanco.

O yaguar tiene una gran fuerza bruta, con unas mandibulas mas fuertes que os atros miembros de Panthera. Caza y puede arrocegar animals mas grans que ell, y crebar os cranios y as closcaranas d'as tortugas mosicando-los.