Feliformia

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Feliformia
Denominacions populars
Feliformes
Clasificación cientifica
Eukaryota
Animalia
Chordata
Mammalia
Carnivora
Feliformia
Descripción
Feliformia
Kretzoi, 1945

Os feliformes u cientificament Feliformia (en latín) son una d'as dos subordens en as cuals se subdivide a orden Carnivora, d'os mamiferos.

A suborden se sustenta en cualques caracteristicas morfolochicas exclusivas que tienen todas as familias integraderas, que no se troba difueras d'o grupo. Etimolochicament a parola Feliformia significa «os que tienen forma de gato». L'atra gran suborden de Carnivora, contraposada a Feliformia, ye Caniformia u os caniformes («os que tienen forma de can»).

Morfolochía[editar | modificar o codigo]

Manimenos y anque en primeras en podese pareixer, no ye l'apariencia fisica a qui estableix o criterio de clasificación, si no caracteristicas internas como a morfolochía de l'oido medio, que tiene una capsula osia doble en os feliformes y simple en os caniformes. Ista caracteristica se troba en toz os feliformes y ye la sola univoca que tienen, tot determinando la suya inclusión en a subfamilia.

I hai atros caracters morfolochicos que pueden estar presents u no, pendendo d'a especie, anque se considere que l'antepasau común de todas as teneba, pus por os diferents procesos d'especiación bels clados as pueden haber perdidas secundariament. Bels eixemplos d'iste tipo de caracters no siempre presents son a locomoción dichitigrada (ixo ye, sobre os didos), porque tamién i hai feliformes que s'ha tornau plantigrados secundariament y caniformes que s'ha tornau dichitigrados tamién (p. ex. Canidae), o mueso mas curto y/u con menos dients que en os caniformes, as muelas carnuceras con coronas mas alteras y marcadas, y una dieta mas carnivora y menos oportunista que os miembros de Caniformia. A realidat ye que muitos linaches de Feliformia han perdiu beluns u toz d'istos caracters y l'han feito tardanament en a suya evolución.

Clasificación[editar | modificar o codigo]

Árbol cronolochico evolutivo d'os feliformes, sobreposau con a escala cheolochica de tiempo.
   Feliformia   

Nimravidae




Stenoplesictidae



Percrocutidae




Nandiniidae





Prionodontidae




Barbourofelidae



Felidae






Viverridae




Hyaenidae




Herpestidae



Eupleridae








Se veiga tamién[editar | modificar o codigo]

Enlaces externos[editar | modificar o codigo]