Panthera

De Biquipedia
Iste articlo tracta sobre o chenero Panthera d'os felidos. Pa atros usos d'a parola pantera se veiga Pantera (desambigación).
Panthera
Leopardo (Panthera pardus), a especie tipo d'o chenero Panthera.
Clasificación cientifica
Eukaryota
Animalia
Chordata
Mammalia
Carnivora
Feliformia
Felidae
Pantherinae
Panthera
Descripción
Panthera
Oken, 1816

Panthera (Oken, 1816) ye un chenero de mamiferos carnivoros d'a familia Felidae, en l'orden Carnivora. Fa parte d'a subfamilia Pantherinae, de a cual en ye o chenero tipo.

O chenero aglutina belunas d'as especies de grans felidos actuals mas conoixidas, como o lión (Panthera leo), o tigre (Panthera tigris), o leopardo (Panthera pardus) y o chaguar (Panthera onca), con todas as suyas subespecies, y tamién cualques especies extinctas como lo lión d'as cavernas (Panthera spelaea) y o chaguar europeu (Panthera gombaszoegensis).

Caracteristicas[editar | modificar o codigo]

Os miembros de Panthera son Felidae de mida gran, orellas redondas y coda larga. Tienen as zarpas fuertes, con unglas retráctils como toz os felidos, y normalment as patas debanteras mas robustas y fuertes que as zagueras.

O pellizo ye cubierto de picas u ocelos, que en o caso concreto d'a especie Panthera leo son marcaus cuan naixe, pero tienden a desapareixer a mesura que l'animal se torna adulto. Como en muitos felidos, a presencia de tacas en o pelo ye un caracter basal que se relaciona con o mimetismo y con a estratechia de caza a la guait que practican, y se troba present en os chens de toz ellos. En Panthera tigris, as tacas s'han fusionau en formando rayas verticals.

O gramido[editar | modificar o codigo]

As especies de Panthera tienen o ueso hioides de tot osificau. Ista ye a caracteristica mas determinant de o chenero.

Tradicionalment se pensaba que l'hioides de ueso yera lo que les permitiba gramar (a diferencia d'atros felidos, que no pueden), pero estudios mas recients han mostrau que o gramido que fan estaría imposible sin belatras adaptacions no esqueleticas que os miembros de Panthera tienen, como o diametro d'a larinche (mas ampla en proporción) y un engruiximiento d'as cuerdas vocals.[1]

A pantera d'as nieus (Panthera uncia) ye o solo miembro d'o chenero Panthera que no tiene l'hioides feito ueso, por a cual cosa no puede gramar.[1] O ueso hioides semi-osificau de P. uncia ye un d'os caracters que han forzau a revisión d'a taxonomía d'iste chenero. En l'actualidat se debate si P. uncia ye un miembro de Panthera u s'ha de sacar pa creyar con ella unatro chenero, de nombre Uncia.[2]

Especies y subespecies[editar | modificar o codigo]

Referencias[editar | modificar o codigo]

  1. 1,0 1,1 (en) J H. Hast. The larynx of roaring and non-roaring cats, en J. Anat., 163: 117-121.
  2. (en) L. Yu, y YP Zhang: Phylogenetic studies of pantherine cats (Felidae) based on multiple genes, with novel application of nuclear β-fibrinogen intron 7 to carnivores, en Molecular Phylogenetics and Evolution``, 35 (2), 2005, p. 483-485.

Vinclos externos[editar | modificar o codigo]