Idioma albanés

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Albanés Shqip
Atras denominacions:	{{{atrasdenominacions}}}
Parlau en:	Albania Kosovo Altras partes de Serbia, Montenegro y Macedonya d'o Norte
Rechión:	{{{territorios}}}
Etnia:	Albaneses
Parladors:	6.169.000 (Ethnologue, 2000)
Posición:	{{{clasificación}}} (Ethnologue 1996)
Filiación chenetica:	Indoeuropea     Albanés
Estatus oficial
Oficial en:	Garra país
Luenga propia de:	{{{propia}}}
Reconoixiu en:	{{{reconoixiu}}}
Regulau por:	Sin de regulación
Codigos
ISO 639-1	sq
ISO 639-2	alb (B) / sqi (T)
ISO 639-3	{{{iso3}}}
SIL	cuantos
Extensión de l'albanés

L'albanés (gjuha shqipe) ye un idioma d'a familia d'as luengas indoeuropeas fablato per mes de 6 millons de personas, principalment a Albania, Serbia con Kosovo, Grecia, Montenegro y Macedonya d'o Norte, pero tamién a belaltras partes de los Balcans y en as costas orientals d'a peninsula italica y Sicilia. Igualment lo fabla buena cosa de la chent de la diaspora ta Escandinavia, Alemanya, Reino Uniu, Italia, Turquía, Echipto, Australia y Estaus Unius.

Filiación lingüistica

L'albanés forma la suya propia branca de lo filo indoeuropeu. La suya filiación ta iste filo la contrimostró lo filologo alemán Franz Bopp en 1854. L'idioma no conserva garra parient amanato, encara que existen muitos dialectos de l'albanés, beluns prou distants entre éls. No bi ha un consenso claro sobre lo suyo orichen. Bels estudiosos sustienen que deriva de lo idioma ilirio, bels altros dicen que de lo tracio u de lo daco (posiblement fuesen idiomas amanatos). Lo problema, a ormino cargato d'embrecacions politicas, ye ubierto dende la perspectiva lingüistica.

Evolución de l'albanés

L'albanés acomparato con altros idiomas indoeuropeus

Albanés	muaj	i ri	nënë	motër	natë	hundë	tre	i zi / y zezë	i kuq	i verdhë	i blertë / i gjelbër	ujk
Altros idiomas indoeuropeus
Aragonés	mes	nuevo	mai	chermana	nueit	naso	tres	negro	royo	amariello	verde	lupo
Anglés	month	new	mother	sister	night	nose	three	black	red	yellow	green	wolf
Latín	mēnsis	novus	māter	soror	nox	nasus	trēs	āter, niger	ruber	flāvus, gilvus	viridis	lupus
Italiano	mese	nuovo	madre	sorella	notte	naso	tre	nero	rosso	giallo	verde	lupo
Alemán	Monat	neu	Mutter	Schwester	Nacht	Nase	drei	schwarz	rot	gelb	grün	Wolf
Portugués	mês	novo	mãe	irmã	noite	nariz	três	preto	vermelho	amarelo	verde	lobo
Espanyol	mes	nuevo	madre	hermana	noche	nariz	tres	negro	rojo	amarillo	verde	lobo
Rumano	luna	nou/noi	mamă	soră	noapte	nas	trei	negru	roşu	galben	verde	lup
Galés	mis	newydd	mam	chwaer	nos	trwyn	tri	du (/di/)	coch, rhudd	melyn	gwyrdd, glas	blaidd
Polaco	miesiąc	nowy	matka	siostra	noc	nos	trzy	czarny	czerwony	żółty	zielony	wilk
Letón	mēnesis	jauns	māte	māsa	nakts	deguns	trīs	melns	sarkans	dzeltens	zaļš	vilks
Lituano	mėnuo	naujas	motina	sesuo	naktis	nosis	trys	juoda	raudona	geltona	žalias	vilkas
Bulgaro	месец mesets	нов nov	майка maika	сестра sestra	нощ nosht	нос nos	три tri	черен cheren	червен cherven	жълт zhălt	зелен zelen	вълк vălk
Ruso	месяц mesyats	новый noviy	мать mat'	сестра sestra	ночь noch	нос nos	три tri	чёрный chornyi	красный krasnyi	жёлтый zholtyi	зелёный zelyonyi	волк volk

• Nota: Fueras de kuq, verdhë y gjelbër, la resta de vocables albaneses provienen dreitament de lo protoindoeuropeu. L'albanés motër, cognato con a radiz indoeuropea ta "mai", ye unico per haber mudato lo significato ta lo de "chermana".

Estructura de la luenga

Fonolochía y grafía

L'albanés conta con 7 vocals y 29 consonants. La variedat guega tien una serie de vocals nasals que no existen en a toska. Un altra particularidat ye la vocal meya central "ë", redueita a fin de parola. L'acento recaye cuasi siempre en a penultima silaba.

L'albanés ye estato escrito con diferents alfabetos dende lo sieglo XV. En primeras, lo dialecto tosko s'escribió con l'alfabeto griego y lo guego con l'alfabeto latino. Tamién s'han escrito las dos variedaz con la versión turca otomana de lo alfabeto arabe, con l'alfabeto cirilico y con bels alfabetos locals.

En l'actualidat, l'alfabeto albanés moderno ye basato en l'alfabeto latino, adhibindo-ye las letras ë y ç, devez que nueu digrafos. Se standardizó en 1909.

Lexico

Lo lexico de l'albanés ye estato influito d'entre historia per toz os idiomas que l'arredolaban. Se creye que l'antigo griego y lo latín de los Balcans i exercioron una gran influencia, asinas como, posteriorment, las luengas eslavas, sobretot la bulgara, lo turco (y l'arabe y persa per medio d'él) y, mes recientment, de lo griego moderno. A tamas de totas ixas influencias, l'albanés ha conservato la suya esencia y contina estando unico como branca propia de lo filo indoeuropeu.

Refirmando l'orichen daco d'a lengua albanesa o lexico d'orichen latín presenta coincidencias con o rumano. Por eixemplo o personache mitolochico zanë albanesa corresponde a la zană en Rumanía y se remontan a la "Diana" latina como as xanes asturianas y lo toponimo ribagorzano fontchanina.

O lexico referent a lo parentesco ye d'orichen dreitament indoeuropeu en as parolas que se refieren a parients agnaticios, pero ye d'orichen latino en as parolas referents a parients cognaticios:

Latín	Albanés	Cognato arrumano	Cognato rumano	Significato en aragonés
AMITA	emtë	-	-	tía
AVUNCULUM	ungji	-	unchi	tio
CŌNSŌBRĪNUM	kushëri	cusurin	-	primo
CŌNSOCRUM	krushk	cuscru, cuscur	cuscru	paraninfo
COGNĀTUM	kunat	cumnat	cumnat	cunyato
PARENTES	prind	părinte	părinte	prochenitors
FAMILIA	fëmijë	fumeal’e	femeie	os fillos, a prole

A l'igual que esdevién con o basco terminolochía cristiana tamién ye d'orichen latino, asinas como parolas referents a la organización, y actividat intelectual:

Latín	Albanés	Cognato arrumano	Cognato rumano	Significato en aragonés
CĪVITĀTEM	qytet	țitate	cetate	ciudat
LĒGEM	ligj	leage	lege	lei
CŌGITĀRE	kujtoj	-	cugeta	pensar
CONVENTUM	kuvënd	-	cuvânt «parola»	reunión, discurso

Tamién a l'igual que con as denominacions bascas d'un árbol prou común como o fayo y un fruito comestible común como o figo, que son d'orichen latino, en albanés bi ha denominacions d'animals comuns y alimentos basicos d'orichen latino.

Latín	Albanés	Cognato arrumano	Cognato arrumano	Significato en aragonés
CABALLUM	kalë	cal	cal	caballo
CANEM	qen	cîne	câine	can
BUCCA	bukë	bucă	bucă	pan

Tamién bi ha adchectivos calificativos de claro orichen latino y que presentan cognatos en rumano:

Latín	Albanés	Cognato arrumano	Cognato rumano	Significato en aragonés
IN ALTUM	naltë	(a)naltu	înalt	alto
CURTUS	shkurt	șcurtu	scurt	curto

Frases cutianas en albanés:

Traducción	Frase	IPA
Me pena, lo siento	më fal	/mə fal/
No entiendo	nuk kuptoj	/nuk kuptoj/
An ye lo escusato?	ku është banjoja?	/ku əʃtə baɲoja/
Cómo te clamas/dices?	Si te quajnë?
Salut (en brindis)	gëzuar	/gəzuar/
Fablas anglés?	flisni Anglisht?	/flisni angliʃt/

Aspectos socioculturals

Territorio de l'idioma albanés.

Situación cheografica

L'albanés ye fablato principalment a Albania, Kosovo y Macedonya d'o Norte. Tamién per bella chent en altras partes de los Balcans, como Serbia, Montenegro y Grecia. Devez, encara lo charran de traza significativa las comunidaz immigrants ta Alemanya, Belchica, Echipto, Estaus Unius, Grecia, Italia, Reino Uniu, Suecia, la Turquía europea y Ucraína.

Situación social

Charran albanés bels 6 millons d'individuos. L'idioma, en una forma revisata de la variedat toska, ye la luenga oficial de la Republica d'Albania. Ye tamién un de los idiomas oficials de Kosovo, Montenegro y Macedonya d'o Norte.

Variación diatopica

L'albanés tien una gran diversidat dialectal, encara que las suyas parlas s'agrupan principalment en dos variedaz, la guega y la toska. Lo río Shkumbin ye la linia que desepara las dos, fablando-se lo guego a lo N de lo río y lo tosko a lo S.

Lo tosko, l'alacet de l'albanés oficial, se subdibide en numbrosos dialectos. La parla de los arvanitas, a Grecia, ye de las mes diverchents.

Diferiencias lexicas destacables entre lo tosko y lo guego

Forma estándard	Forma toska	Forma guega	Traducción
Shqipëri	Shqipëri	Shqypni	Albania
një	një	nji / njo	un
nëntë	nëntë	nândë	nueu
është	është	âsht / â	ye
bëj	bëj	bâj	fer
emër	emër	êmën	nombre
pjekuri	pjekuri	pjekuni	matureza
gjendje	gjëndje	gjêndje	situación
zog	zok	zog	paixaro
mbret	mbret	mret	rei
për të punuar	për të punuar	me punue	treballar
rërë	rërë	rânë	arena
qenë	qënë	kjênë / kânë	estato (part.)
dëllinjë	enjë	bërshê	chinipro
baltë	llum	bâltë	bardo
cimbidh	mashë	danë	tenacetas

( ˆ ) denota una vocal nasal, caracteristica de lo guego.

Literatura

Lo documento mes antigo que se'n conserva ye "Formula e Pagëzimit" (formula baptismal), escrito en a variedat guega en 1462, asinas como bels versos de lo Nuevo Testamento d'ixe periodo.

Lo libro imprentato mes antigo que se conoix en luenga albanesa ye lo Meshari u misal, escrito per Gjon Buzuku, clerigo catolico de 1555. La primer escuela albanesa l'ubrioron es franciscanos en 1638, en Pdhanë.

Ta 1635, Frang Bardhi escribiba lo primer diccionario latín-albanés.

Lo poeta mes notable de la era otomana estió Naim Frasheri, que vivió en Istambul.

Las introduccions de Fan Noli ta las suyas propias traduccions de Cervantes, Ibsen, Omar Khavam y Shakespeare en ficioron lo principal critico literario de lo periodo d'entre guerras.

Lo escritor albanés contemporanio mes conoixito ye Ismail Kadare, naixito en 1935, autor de 15 novelas traducitas ta mes de 40 idiomas.

Vinclos externos

• Clases d'albanés con profesor en línia (En anglés)
• Trestallo de l'Ethnologue sobre l'idioma albanés
• Diccionario albanés-anglés anglés-albanés
• Diccionario albanés-espanyol espanyol-albanés

Referencias

• Datos: Q8748
• Multimedia: Albanian language / Q8748