Digrafo
Un digrafo (de di- ‘dos’, y -grafo ‘que escribe’ u ‘que describe’, y istos d'o griego δι- di-, y -γράφος -gráphos, iste zaguero d'a radiz de γράφειν gráphein ‘escribir’)[1] ye un grupo de dos letras que representan un solo fono, u uno doble pero africau. Beluns d'istos digrafos corresponden a sonius no representaus por una sola letra en l'idioma correspondient.
En aragonés[editar | modificar o codigo]
En aragonés s'emplegan actualment dica 7 digrafos pa representar cuantos fonemas: «ch», «ix», «ll», «ny», «rr», «gu» y «qu», consideraus istos dos zagueros como variants posicionals pa os fonemas /g/ y /k/.
As secuencias de letras «nn» y «l·l» no se pueden considerar digrafos, sino cheminacions d'as letras n y l, ya que representan una pronunciación alargada y con valor distintivo d'ixas mesmas consonants.
As normas graficas d'o EFA definen amás un ueiteno digrafo «tz» pa compatibilizar a pronunciación interdental d'as segundas personas plurals y de cualques plurals en aragonés cheneral con a pronunciación /ts/ d'estas desinencias y estos plurals en aragonés benasqués.
Referencias[editar | modificar o codigo]
- ↑ Real Academia Española y Asociación de Academias de la Lengua Española (2014). «-grafo». Diccionario de la lengua española (23.ª edición). Madrid: Espasa. ISBN 978-84-670-4189-7.