Goticismos en castellano

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Corona de Recesvinto, part de lo trasoro de Guarrazar y exposada en lo Museu arqueolochico nacional de Madrit.

Los goticismos en castellano son elementos lingüisticos procedents de la luenga chermanica gotica y conservaus en esta luenga romance. Bel autor considera los goticismos como un superstrato lingüistico en castellano, manimenos la influencia cultural y lingüistica de los visigodos estió muito menor que la d'atros pueblos chermanicos en Galia u Italia y no toz los autors consideran los goticismos de lo castellano como un verdadero superstrato.

Estratificación de los goticismos

D'acuerdo con Ernst Gamillscheg los goticismos se pueden dividir entre los mes antigos y distribuitos amplament en las Luengas romances occidentals y los goticismos restreitos a la Peninsula Iberica. Estos zaguers corresponderían a lo periodo de lo Reino visigodo de Toledo, a diferencia de los primers que corresponderían a lo periodo de lo Reino visigodo de Tolosa, u mesmo a los primers contactos entre godos y romanos.

Primer estrato de goticismos

No toz han entrau dreitament, beluns han puesto entrar en la baixa Edat Meya como occitanismos u catalanismos, u mesmo en tiempos postmedievals.

• Albergue: deriva de l'occitán alberg, d'orichen gotico en *haribaírgo.
• Agasajar.
• Arenga.
• Aspa.
• Baga.
• Bando.
• Bélesa
• Bramar.
• Bregar.
• Brete.
• Buñuelo.
• Embajada. En realidat ha entrau en castellano como occitanismo y s'accepta un orichen galo de transmisión chermanica.
• Brotar.
• Espárrago.
• Esquila.
• Estaca.
• Falda
• Fango: ye considerau catalanismo.
• Fieltro, encara que s'ha proposau un orichen sueu en castellano, u mesmo una transmisión dende atra luenga romance.
• Galeador.
• Grapa.
• Guardia.
• Guisa.
• Lahotar.
• Raca.
• Randa.
• Rapar.
• Rueca.
• Sacar.
• Serón.
• Sitio.
• Taco.
• Talar.
• Truco.
• Trufar.
• Truhán.

Segundo estrato de goticismos

• Álamo.
• Aliso.
• Amainar.
• Ataviar.
• Ayo.
• Buscar: deriva de lo gotico *AISKON.
• Barruntar.
• Casta.
• Cundir.
• Espeto.
• Escanciar.
• Esquilar.
• Estringa.
• Ganado.
• Ganar.
• Ganso.
• Grima.
• Gavilán.
• Hato.
• Lastar.
• Lozano.
• Tasugo: cheosinonimo de tejón.
• Tapa.
• Tascar.
• Toldo.

Campos semanticos

Lo lexico d'orichen gotico tiene importancia en los siguients campos semanticos: antroponimia, dreito, actividat belica, ropa, agricultura y ganadería:

Antroponimia

• Adolfo.
• Alfonso.
• Álvaro.
• Elvira.
• Fernando.
• Rodrigo.
• Gonzalo.

Dreito

• Escanciano.
• Escanciar: deriva de skanjan.
• Lastar: deriva de LAISTJAN.
• Sacar: deriva de lo gotico sakan ("pleitiar"). Dende lo suyo significau churidico ha preso sentius mes amplos comparables a "obtener".
• Sayón: deriva de lo gotico *sagjis, que se latinizaba como SAGIO, SAIO.

Actividat belica

• Bando: deriva de lo gotico *𐌱𐌰𐌽𐌳𐍅𐍉 (*bandwō), que significa sinyal pa identificar-se. Se relacionaría con la radiz indoeuropea BHA-.
• Estaca.
• Espía: deriva de lo substantivo SPAÍHA, derivau de la radiz chermanica *SPEHŌN y devez de la indoeuropea SPEK-.
• Espiar: deriva de lo verbo *SPAHÍÔN.
• Espiar.
• Guardia: deriva de lo substantivo WARDJA, derivau de la radiz chermanica con sufixo *WOR-HO y devez de la radiz indoeuropea WER-.
• Guardián.
• Tregua.

La palabra guerra ye d'orichen francico y no un goticismo como bel autor ha considerau.

Actividat textil, teixius y indumentaria

• Aspa.
• Ataviar.
• Falda.
• Hato: deriva de *hat.
• Lúa / luva: deriva de lo gotico lôfa, en castellano moderno ha estau substituyida por guante.
• Rueca.
• Ropa: deriva de *raupa.
• Tascar.
• Triscar.

Agricultura, fitoninimia

• Álamo.
• Aliso.
• Brotar.
• Brote.
• Gualda.
• Parra.

Ganadería, sonius d'animals, zoonimia

• Bramar.
• Casta: deriva de lo gotico *kast.
• Esquila: deriva de lo gotico *skilla.
• Esquilar: deriva de lo gotico *skairan.
• Estala.
• Gavilán.
• Ganso: deriva de lo gotico *gans.
• Hato: deriva de lo gotico *fat.
• Ganado: deriva de lo verbo gotico *ganan.
• Tasugo.

Obchectos, ferramientas, trastes

Espuelas u esperons.

• Espeto: espedo.
• Espuela / espuera: deriva d'una forma *spaúra, diferent de la forma francica *sporo que orichinau atras formas en las luengas italianas y galorromanicas. Estas formas d'orichen francico plegoron a l'aragonés medieval como esperón, que coexistió con espuela.
• Tapa.

Atros

• Agasajar.
• Albergue.
• Gana.
• Grima.
• Guarecerse.
• Rapar.
• Rico.
• Triscar.
• Ufanía.
• Ufano.

Fonetica de los goticismos

Las palabras goticas s'adaptoron a la pronunciación de los hispanorromanos con los fonemas mes pareixius en latín tardano u proto-romanz, y dimpués sufrioron los mesmos cambios foneticos que las palabras latinas en la suya evolución a palabras patrimonials..

Lo diftongo decreixent AU evolucionó como en las palabras d'orichen latino:

• Raubon > robar.
• Raupa > ropa.

Lo fonema chermanico representau por la letra þ, equivalent a la letra griega Φ, que se representaba en latín con lo digrafo th s'adaptó como una /t/.

• *THRISKAN > triscar.

En lo caso de las oclusivas xordas intervocalicas, que ya heban encomenzau a sonorizar en lo latín tardano d'amplas zonas de l'Imperio Romano d'Occident, cualques palabras goticas se conservan con la consonant xorda en castellano:

• Brotar: chitar.
• Espeto: contrasta con l'aragonés espedo, que ha sonorizau.
• Hato: fato.
• Rico.
• Ropa.
• Rapar: afaitar.

S'interpreta que en gotico teneban uns sonius mes consistents que los correspondients latinos.

Morfolochía

Sufixos y desinencias verbals

Los verbos chermanicos acabaus en -on y en -an s'adaptoron a lo castellano y luengas vecinas como si fuesen de la primera conchugación. Son d'orichen gotico en castellano:

• Guardar: de lo gotico *WARDŌN, derivau d'una forma sufixada chermanica WOR-TO, devez derivada de la radiz indoeuropea WER-),
• Robar: de lo gotico *RAUBÔN, pero muito estendillau como RAUBARE en latín vulgar d'astí que s'haiga transmeso a lo italiano, occitán y francés),
• Espiar (*SPAHÍÔN).

Flexión nominal

En gotico bi heba substantivos masculins terminaus en -a con una flexión consonantica en -a(na) y substantivos feminins terminaus en -o con una flexión consonantica en -o(na).

Bi heba antroponimos masculins acabaus en -a como Wamba y Cintila que teneban una declinación en -a, -anis u -ani, y esta declinación s'aplicaba tamién a palabras goticas como wardja y gabila, que a traviés d'os suyos acusativos en -ANE(M) convertioron en guardián y gabilán.

Este feito influyó en la evolución de las palabras latinas SACRISTA, SACRISTAE y SCRIBA, SCRIBAE: sacristán, escribano. La presencia d'unas cuantas palabras acabadas en -án por acopoca de la -e final en -ANE(M) influiría en l'adaptación en -an de palabras ampradas dende l'arabe, l'occitán, lo francés, lo portugués, ecetra.

Prefixos y sufixos de los goticismos

Lo prefixo ga- equivaleba a lo latín CUM y se troba en agasajar y agasajo. En una posible etapa de bilingüismo gotico-latino se podió latinizar *garêdan como conrear, y gahlaiba como COMPANIŌ-compañón.

Lo sufixo -engo de lo castellano ye d'orichen gotico y corresponde a lo sufixo -enco d'orichen francico que se troba en aragonés.

La desinencia patronimica -ez s'ha formau en castellano y atras luengas vecinas baixo influencia gotica.

Bibliografía

• (es) Carlo Tagliavini: Origenes de las lenguas neolatinas. Fondo de Cultura Economica. 1973.
• (es) Fernández González, J.R.: Gramática histórica provenzal. Universidat d'Oviedo, 1985.
• (es) Rafael Lapesa: Historia de la lengua española Editorial Gredos, 2001.
• (es) Rafael Cano Aguilar: Historia de la lengua española. Ariel lingüística. Editorial Ariel.
• (es) Xosé Lluis García Arias: Contribución a la gramática histórica de la lengua asturiana y a la caracterización etimológica de su léxico. Biblioteca de Filología Series. Volumen 3 de Biblioteca de filoloxía asturiana. Editor: Universidat d'Oviedo, 1988. ISBN 8474681502, 9788474681505.
• (es) Edward A.Roberts: Diccionario etimológico indoeuropeo de la lengua española. Alianza Editorial, 2001.
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Editorial Gredos, S.A., 2002 ISBN 8424923391, 9788424923396.