Río Uecha

De Biquipedia
Ir a la navegación Ir a la búsqueda
Río de la Uecha
Huecha
Envista de la Uecha.
Administración
Estatos {{{estatos}}}
Territorios Flag of Aragon.svg Aragón
Cheografía
Longaria 48 km
Altaria d'o naixedero  m
Naixedero Anyón de Moncayo
Desembocadura Ebro (Noviellas)
Hidrolochía
Superficie d'a cuenca 540 km²
Cabal meyano m³/s


Lo río de la Uecha u simplament La Uecha ye un río aragonés afluent d'Ebro en la suya marguin dreita. Se considera que naixe en Anyón en lo forcallo de los barrancos que desauguan la versant noreste de Moncayo como ye lo barranco de la Morana u Val de Martín.

A traviés de los afluents suyos desaugua la Valluenga. Localidatz por on pasa son Alcalá de Moncayo, Bulbuent, Maleixán, Borcha, Ainzón, Magallón y Noviellas.

Afluents[editar | editar código]

En a marguin cucha:

  • Barranco d'a Morca
  • La Uecha de Sant Martín

En a marguin dreita:

  • Barranco Moros
  • Barranco Valjunquera
  • Barranco Penyezuela

Rechimen hidrico[editar | editar código]

Os mayors caudals se dan entre octubre y aviento y entre mayo y chunyo con bells 2 hm3/mes. Per unatra parti febrero ye lo mes con o minimo caudal meyo mensual: 1 hm3/mes. Dentre Alcalá de Moncayo y Bulbuent o cauz ye normalment ixuto a causa d'as captacions d'augua.

En la Uecha y atros ríos de la redolada s'observa una rambla de mida muito gran en comparanza con la poca augua que levan. La Uecha presenta un rechimen hidrico torrencial y con aguaduitos. Seguindo ciclos de ciertos anyos se desviene un anyo de grans plevias puet carriar la glera y redistribuir los catens y ruellos de la suya rambla en uns pocos días, quan se diz que sale la Uecha u tamién clamata Uechada. Quan baixa lo libel de las auguas no permaneixe que una chicota canal. En los estiaches las auguas circulan baixo la superficie entre los ruellos de glera,[1], que serán redistribuitos en atro aguaduito.

Uechadas historicas[editar | editar código]

  • 14 de febrero de 1555: arrasó practicament tota la infrastructura pa os campos reganos.
  • 29 de chunyo de 1871
  • 3 de mayo de 1910: La Uecha engaronó la localidat de Agón con 2 metros d'altaria d'augua.
  • Mayo de 1955: bi heba una grau Uechada como conseqüencia d'una fuerte tronada que fundió lo manto nival acumulau en o Moncayo.
  • 26 de setiembre de 1992: s'inundó parcialment la localidat de Frescano.
  • Setiembre de 2004: se causoron grau mals en Cortz (Navarra) y Noviellas. [2]

Hidronimia[editar | editar código]

Os expertos discuten sobre tres posibles orichens pa lo nombre de "La Uecha". Uns dicen que la radiz proviene d'a parola vasca "otz" ("río fredo"). Uns atros dicen que proviene d'o celtico "olca" ("bega") que a la suya vegada provendría d'o indoeuropeu "wes" ("humido"). Una tercera opinión diz que lo hidronimo Uecha puet estar d'orichen celtibero y ye como se diz a atros cursos d'augua de la redolada. [3] Lo caso de "La Uecha" ye igual como "La Uerba" un aragonesismo, ya que en aragonés bi ha ríos con chenero femenín (la Cinca), y en castellán no.

Población[editar | editar código]

En tota la cuenca viven bells 28700 habitants (a lo anyo 2005) con una densidat de población de 53 hab/km2. A Mancomunidad de Aguas del Huecha estió creyada en 1957 con l'obchectivo de fornir a once municipios: Agón, Ainzón, Alberite, Albeta, Bisimbre, Borcha, Bureta, Frescano, Magallón, Maleixán y Mallén. As auguas se prenen en Bulbuent y d'un pozo en Penyas Negras.

Centrals hidroelectricas[editar | editar código]

Actualment i hai dos centrals hidroelecticas en funcionamiento.

Nombre Potencia (kW) Caudal (m3/s) Producción (GWh/anyo) Anyo de construcción
La Morana 880 0,30 1,340 1947
La Morca 797 0,30 0,862[4] 1985

Referencias[editar | editar código]

  1. Francisco Pellicer Corellano, Maria Teresa Echeverría Arnedo Formas de relieve del centro de la depresión del Ebro pp124. Institución Fernando el Católico, 1989
  2. Plan Hidrológico del río Huecha, 2007, Confederación Hidrográfica del Ebro, p. 75
  3. Toponimia Mayor de Aragón: ciudades, villas, lugares, aldeas, ríos, montanyas y territorios. Miguel Ballestín. Gara d'Edizions, 2015, ISBN 978-84-8094-070-2, p.249
  4. Plan Hidrológico del río Huecha, 2007, Confederación Hidrográfica del Ebro, p. 65


Ríos d'a cuenca hidrografica d'Ebro
Marguin izquierda Nela · Xerea · Bayas · Zadoya · Ega · Aragón (Arga) · Arba · Galligo · Segre (Noguera Pallaresa · Noguera Ribagorzana · Cinca)
Marguin dreita Oca · Tirón · Nacheriella · Iregua · Leza · Cidacos · Alhama · Queiles · Uecha · Xalón (Xiloca) · Uerba · Chiner · Lopín · Aguas · Martín · Regallo · Guadalop · Matarranya