Ir al contenido

Lugar

De Biquipedia
(Reendrezau dende Lugars)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un lugar, representación d'o sieglo XVI.
Lugar

Un lugar[1][2][3] (pron. lu'gaɾ, lu'ga, ʎu'gaɾ, ʎu'ga), (d'o latín < LOCUS[4]) ye una entidat de población mes chicota que no una ciudat u una villa, encara que no i hai una definición clara ta determinar cuan un nuclio habitau ye un lugar, villa u ciudat. Pende en a zona, a epoca y, mas que mas, d'a historia, ya que ta que un lugar se convertise en una villa u ciudat caleba que ista distinción l'atorgase a maxima autoridat civil d'o país. Tampoco no ye de buen distinguir o concepto de lugar d'os de lugarón, aldeya, pardina, vico, vecindau, rabal, encara que os lugars gosan tener una churisdicción propia (como municipio u como atras menas d'entidaz locals menors). Tamién ye cierto que a categoría de lugar ha estau muit ligau a lo largo d'a historia a la de parroquia, base d'a organización territorial relichiosa.

En tot caso, se gosa considerar que un lugar ye un conchunto de casas perteneixients a un mesmo municipio, delimitadas por elementos urbans u naturals, con servicios basicos ta os suyos habitants y con una identidat común creyada historicament. O estilo de vida d'os lugars ye, por un regular, mas ligau a la naturaleza que o d'as ciudaz, con actividaz economicas prencipalment d'o sector primario (agricultura, ganadería, pesca, menería...).

Se veiga tamién[editar | modificar o codigo]

Referencias[editar | modificar o codigo]

  1. (an) Félix Torres Bagüés Breu replega d’o lesico de Monzón, Luenga & fablas, 14, 2010, ISSN.: 1137-8328, p.55
  2. (es) Fernando Romanos Hernando: Aragonés ribagorzano d’Estadilla dende a obra de Cleto Torrodellas y Pablo Recio, p.31
  3. (an) Silbia Garcés Lardiés,Francho Rodés Orquín:Un borguil de parolas.Bocabulario dialeutal escolar, Gubierno d'Aragón, 2006, ISBN 84-689-7358-0, p.35
  4. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.292

Vinclos externos[editar | modificar o codigo]