Grancha de Mazalcoraz
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A grancha de Mazalcoraz, d'a cual actualment nomás quedan bel ronal, yera una grancha situada en o camín de Magallón a Agón, y perteneixeba a lo Monesterio de Veruela.
Nombre[editar | modificar o codigo]
Atros nombres en a Edat Meya estioron "Maçalcorach", "Macalcorach", "Maçalcoracx", "Maçalcorag", "Maçalcorage", "Maçalcoraig", "Mazalcorach", "Mazalcoracx", "Mecalchorag" y "Meçalcorag".
I hai tres teorías d'a procedencia d'o suyo nombre:[1]
- que promana de l'arabe "manzil" (parador, aloix) y de "Qurays" = "lo parador d'os Qurays".
- que promana de l'arabe "manzil" (parador) y de l'arabe "alcor" (pueyo) = "lo parador d'o pueyo".
- que promana d'o nombre "Muza Alcorax", un miembro d'a familia d'os Banu Qasi.
Historia[editar | modificar o codigo]
Estió donau per o rei Alifonso II d'Aragón en 1177 a lo Monesterio de Veruela a lo cual perteneixió dica 1785.
En él viviba una población musulmana dica que en os sieglos XVI y XVII se tresladoron a las morerías de Magallón y Borcha y nomás quedoron treballadors cristianos.
Durant a Edat Meya se producioron numerosas disputas entre Magallón y lo Monesterio de Veruela per cuestions de riego en a grancha de Mazalcoraz.
Referencias[editar | modificar o codigo]
- ↑ ’’La villa de Magallón, siglos XII-XX’’, Institución “Fernando el Católico”, 2017, p. 67