Litera

Litera La Llitera
Comarca d'Aragón
Capitals  •Municipios	Tamarit de Litera y Binéfar 14
Entidat  •País  •Provincia	Comarca  Aragón Uesca
Superficie  •Total	733,9 km²
Población  •Total  •Densidat	(2002) 18.666 hab. 25,43 hab./km²
Mapa de situación en Aragón
www.lalitera.org

Litera (en catalán: La Llitera; en castellán: La Litera) ye una comarca de a provincia de Uesca, Aragón, Espanya.

• Capital: Tamarit de Litera y Binéfar.
• Superficie: 733,9 km².
• Población: 18.666 habitants (2002).

Mugas

Muga: a lo norte con a comarca de Ribagorza, a l'este con as comarcas d'a Noguera y d'o Segrián, a lo sud con a comarca d'a Cinca Baixa, a l'este con a comarca d'a Cinca Meya, y a lo norueste con a comarca d'o Semontano de Balbastro.

Toponimia

D'alcuerdo con Joan Coromines i Vigneaux, o toponimo Llitera s'aplica actualment a la parte plana d'o que ye a comarca oficial, o sector entre Tamarit de Litera y Albelda, o lo relaciona con as euforbiacias (as letreras). O toponimo Litera puet tener un orichen común con barranco de Lliterola (Benás). En aragonés medieval una Litera yera parte d'a ropa que se feba servir pa cubrir un leito.

En un texto de 1301 por lo que Chaime II promulgó los fueros aprobaus en las Cortz de Zaragoza s'escribe sin articlo:

Que Ribagorça et Literra entro a la Clamor d'Almacellas sian del regno d'Aragon. Como Ribagorca, Sobrarbe e las Vales, de Litera daquia la Clamor d'Almacellas sian del regno d'Aragon e, sacados los feudos, sian poblados a Fuero de Aragon e ayan moneda de Aragon,

..., que husen en todo e por todas cosas en las ditas tierras e en Litera entro a la Clamor d'Almacellas, assi como los otros sobrejunteros d’Aragon husan en judicio e fueras de judicio.

Mas, porque los jodios no guardaron comunalment el stablimiento, stablimos et ordenamos que todos los jodios en nuestros lugares o en los lugares de otros senyores en Aragon o en Ribagorça o en Litera, daquia la Clamor d'Almacellas,...

Lo toponimo Litera se documenta sin articlo en belsetán:

Como naltros pueblos pasa en Ribagorza e Litera, / e al igual que per astí, en Sobrarbe e per la Fueva /

Bienvenido Mascaray manimenos, lo empega con articlo en lo suyo libro Benas, trallo y fuellas:

Mayenco fecundo, río orgulloso, / que al bramá pregonas el trunfo del sol, / que fa amoranzá a la neu y al chelo / y plloran cristals, espumas y perlas / qu'allá en la Llitera s'esparramarán.

Territorio y población

Num.	Municipio	Superficie (km²)	% d'o total	Población (2011)	% d'o total	Altaria (metros)	Lugars
1	Albelda	51,9	7,1	839	4,4	361
2	Alcampell	58,0	7,9	762	4,0	449	Pelegrinyón
3	Altorricón	32,4	4,4	1.492	7,8	265
4	Baells	39,8	5,4	114	0,6	610	Nachán, Zurita
5	Binéfar	25,1	3,4	9.482	49,6	286
6	Camporrélls	26,7	3,6	182	1,0	665
7	Castillón Roi	37,6	5,1	380	2,0	442	Pinyana, Santa Ana.
8	Esplús	73,0	9,9	654	3,4	281	EGASA, La Bochosa, Las Pueblas, MAPSA, Moncasi, ROLZASA, Santa María del Pilar, Torregrosa.
9	Peralta y Calasanz	114,9	15,7	243	1,3	523	Calasanz, Gabasa, Peralta de la Sal, Quatre Cortz.
10	Sant Isteban de Litera	71,9	9,8	509	2,7	420	Rocafort
11	Tamarit de Litera	110,6	15,1	3.711	19,4	360	Algayón, La Melusa.
12	Valdellou	30,4	4,1	119	0,6	460
13	Vencillón	10,4	1,4	467	2,4	-
14	Zanui-Alins	51,2	7,0	181	0,9	454	Alins, Zanui.
#	Litera	733,9	100,0	19.135	100,0	-

Gastronomía

• Panellets: lamíns con farina d'almendra, uego y zucre, tipico pa Totz los Santos.

Se veiga tamién

• Lista de molimentos de Litera.

Vinclos externos

• Se veigan as imáchens de Commons sobre Litera.