Gallur

De Biquipedia
Ir a la navegación Ir a la búsqueda
Gallur
Municipio d'Aragón
Bandera Escudo d'armas
Ilesia de Sant Per
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Ribera Alta d'Ebro
Superficie 41,70 km²
Población
 • Total

2630 hab. (2016)
Altaria 254 m.
Distancia
 • 50 km

enta Zaragoza
Codigo postal 50650
Ríos Ebro
Coordenatas 41°41’ 9’’N 1°18’54’’U
Gallur en Aragón
Gallur
Gallur
Situación de Gallur en Aragón
www.gallur.es

Gallur ye un municipio de la provincia de Zaragoza, situau en la comarca de la Ribera Alta d'Ebro. La suya población ye de 4.514 habitants (2017), en una superficie de 41,70 km² y una densidat de población de 108,23 hab/km².

Toponimia[editar | editar código]

Lo toponimo Gallur deriva d'una composición toponimica en latín feita con un substantivo ya desapareixiu seguiu d'un chenitivo plural GALLŌRUM ("de los galos"), que quedó fosilizau.[1]. En castellán d'Aragón a vegadas Gallur puede pronunciar-se Gallud.

En lo termin municipal de Gallur se trobó un bronze que feba mención de la celebración d'uns chuegos en un pago de los galos, PAGUS GALLŌRUM. Lo Pagus feba referencia a una agrupación humana intermedia entre la familia romana y la tribu y, devez, circunscripción territorial.

Lo escudo d'armas de lo castiello desapareixiu teneba un gallo, y seguntes la leyenda se creye que por ixo lo lugar prene este nombre. Manimenos, ye fácil que lo escudo siga una adaptación a partir de lo nombre.

Bi ha un microtoponimo d'orichen aragonés, Punyigré, que ye deformación de Pui Negret y s'escribiba latinizau como Podium Negret en 1132.[2]

Cheografía[editar | editar código]

Gallur ye situau en materials quaternarios d'Ebro, en la marguin dreita y entre Ebro y la Canal Imperial d'Aragón. Representa una crucillada de camins naturals y carreteras.

Gallur ye a una distancia de 50 km de Zaragoza, la capital de la suya provincia y d'Aragón.

Mugas[editar | editar código]

Lo suyo termin municipal muga a lo norte con Taust (en las Cinco Villas); a l'este con Pradiella d'Ebro y Boquinyeni; a lo sur con Magallón (en lo Campo de Borcha); y a l'ueste con Magallón y Mallén, los dos en lo Campo de Borcha.

Historia[editar | editar código]

Gallur puet estar, seguntes bell historiador, l'antiga ciudat prerromana de FORUM GALLŌRUM, construita pa complegar los pueblos celtas de la redolada. Pa la mayor parte d'historiadors, manimenos, FORUM GALLŌRUM ye l'actual Gurrea de Galligo.

Seguntes Agustín Ubieto Arteta, la primera cita documentada de lo lugar, que apareixe con los nombres de Gallur, Gallurr, Galur, Galurr y Galurre, ye en 1125, en l'articlo de José María Lacarra Documentos para el estudio de la reconquista y repoblación del valle del Ebro, en Estudios de Edad Media de la Corona de Aragón, Zaragoza (1946).[3]

L'orichen de lo lugar ye l'antigo castiello, ya desapareixiu, de lo sieglo XII.

Administración[editar | editar código]

Reparto de concellers[editar | editar código]

Eleccions municipals
Partiu 1979 1983 1987 1991 1995 1999 2003 2007 2011
Chunta Aragonesista 4
Partido Popular 4
Partido de los Socialistas de Aragón 3
Total 11

Alcaldes[editar | editar código]

Lista d'alcaldes
Lechislatura Nombre Partiu politico
19791983 José Luis Adiego Independient
19831987 José Luis Zalaya Partido Socialista Obrero Español
19871991 José Luis Zalaya Partido Socialista Obrero Español
19911995 José Luis Zalaya Partido Socialista Obrero Español
19951999 José Luis Zalaya Partido Socialista Obrero Español
19992003 José Luis Zalaya Partido Socialista Obrero Español
20032007 Antonio Luciano Liz Gaspar Chunta Aragonesista
20072011 Antonio Luciano Liz Gaspar Chunta Aragonesista
20112015 Antonio Luciano Liz Gaspar Chunta Aragonesista

Fiestas[editar | editar código]

Vinclos externos[editar | editar código]

Referencias[editar | editar código]

  1. (en) Paul M. Lloyd: From Latin to Spanish: Historical phonology and morphology of the Spanish language. American Philosophical Society, 1987 - pp 276-278.
  2. (es) Juan Antonio Frago Gracia: Toponimia navarroaragonesa del Ebro (IV): Orónimos. Archivo de Filología Aragonesa. ISSN 0210-5624, Vol. 30-31, 1982 , pachinas. 23-62.
  3. (es) Ubieto Arteta, Agustín: Toponimia aragonesa medieval, Valencia 1972.


Municipios d'a comarca Ribera Alta d'Ebro
Alagón | Alcalá d'Ebro | Bárbols | Boquinyeni | Cabanyas d'Ebro | La Choyosa | Figueruelas | Gallur | Remolinos | Grisén | Luceni | Pedrola | Pinsec | Pleitas | Pradiella d'Ebro | Sobradiel | Torres de Berrellén