Borcha

	Borcha; Borja
	Municipio d'Aragón
	; Plaza d'o Mercau.
Entidat; • País; • Provincia; • Comarca	Municipio; Aragón; Zaragoza; Campo de Borcha
Partiu chudicial	Tarazona
Superficie	106,7 km²
Población; • Total; • Densidat	; 5202 hab. (2025); 48,75 hab/km²
Altaria; • Meyana	; 448 m.
Distancia; • 62 km	; enta Zaragoza
Codigo postal	50550
Parroquial; • Diocesi; • Arcipestrau; • Parroquia	; Tarazona; Uecha; Santa María y Sant Bertolomeu
Coordenadas	41°50’ 5’’N 1°32’ 1’’U
	Borcha Borcha en Aragón
	Web oficial

Ta atros emplegos d'o termin Borcha se veiga Borcha (desambigación).

Borcha^{[nota 1]} (en castellano Borja) ye una ciudat historica y municipio aragonés situau a l'ueste d'a provincia de Zaragoza, capital d'a comarca d'o Campo de Borcha.

A suya población ye de 5202 habitants en una superficie de 106,7 km² y una densidat de 48,75 hab/km².

Clima

A suya temperatura anyal ye 15.3 °C, con una temperatura meya en chinero de 6.83 °C y en chulio de 24.58 °C.^[1]

Historia

Fue reconquiesta en 1124 y lo suyo primer tenent estió Gastón IV de Biarn. O 9 de chinero de 1366 Pero IV lo Cerimonioso la donó a lo cheneral Beltrán Duglescin con títol de condau.

Dende 1442 perteneixió a lo rei. En 1438 lo rei Alifonso V d'Aragón le concedió lo títol de ciudat.^[2]

Toponimia

Os arabistas han relacionau este toponimo con l'arabe Burch ("torre"), sindembargo ya existió una ciudat celtibera dita Bursau, como en atros casos os musulmans no fundoron ni dioron nombre a la ciudat, y adaptoron un nombre extranyo pa ellos a una palabra que tenese significau en a suya luenga ("etimolochías populars" u "falsas etimolochías").

En a baixa Edat Meya s'escribiba de muitas trazas tanto en latín arromanzau como en aragonés: Borga, Borja, Borgia, Boria, que yera como se representaba o fonema africau /ch/. Tamién ye documentau Borxa (d'a mesma traza que o fonema d'a ch a vegadas s'escribiba x en Sanxo y Belxit, como fan en catalán occidental encara).

A variant escrita con a moderna ch tamién se conoixe, por eixemplo d'a carta de población d'Alcalá de Moncayo (25 de chulio de 1238):

...fray Per de Orençan cantor, fray Pedro de Magallon sacristan; fray Sancho de Borcha, tallador; fray Johan de Alagon, enfermero...

Tamién se troba a forma Borcha en o Libro de colecta de la Pecha d'a Comunidat d'aldeyas de Teruel, (1360-1369) a on que amanix Borcha como apelliu d'un habitador de Cedriellas. Tamién lo trobamos en l'antroponimo Johan de Borcha d'un habitador de Plou en o sieglo XV.^[3]

O toponimo "Borcha" dió nombre a un linache noble aragonés establiu dimpués en o Reino de Valencia, os Borcha, familia que se convertió en muito celebre en Italia, razón por a cuala ye millor conoixiu con ortografía italiana (Borgia).

Demografía

Evolución demografica

1362 f	1495 f	1842	1857	1860	1877	1887	1897	1900
-	576	-	-	-	-	-	-	5.667

1910	1920	1930	1940	1950	1960	1970	1981	1991
5.243	5.093	5.055	5.138	5.024	4.490	4011	4.233	4.060

1992	1994	1996	1997	1998	1999	2000	2001	2002
-	-	-	-	3.999	4.235	4.256	4.264	4.313

2003	2004	2005	2006	2007	2008	2009	2010	2011
4.313	4.348	4.444	4.501	4.653	4.838	5.030	5.042	5.020

2012	2013	2014	2015	2016	2017	2018	2019	2020
5.057	4.915	4.931	4.930	4.955	4.946	4.922	4.969	4.978

2021	2022	2023	2024	2025	2026	2027	2028	-
5.037	5.054	-	-	-	-	-	-	-

1362-1495: fuegos; 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

En o termin municipal de Borcha se troban tamién os despoblaus de El Molinillo, Valturera y Ribas.

Administración

Reparto de concellers

Eleccions municipals^[4]^[5]
Partiu	1979	1983	1987	1991	1995	1999	2003	2007	2011	2015	2019
Partido de los Socialistas de Aragón	2	1	3	5	5	3	3	4	5	4	7
Partido Popular	-	0	-	1	1	1	1	0	3	2	2
Partido Aragonés	3	-	7	4	5	7	6	5	4	3	1
Chunta Aragonesista	-	-	-	-	-	-	1	2	1	1	1
Izquierda Unida	-	-	-	1	-	-	-	-	-	1	0
Centro Democrático y Social	-	-	1	0	-	-	-	-	-	-	-
Independients	4	10	-	-	-	-	-	-	-	-	-
Unión de Centro Democrático	2	-	-	-	-	-	-	-	-	-	-
Total	11	11	11	11	11	11	11	11	13	11	11

Alcaldes

Lista d'alcaldes
Lechislatura	Nombre	Partiu politico
1979–1983	Luis María Garriga Ortiz	Independient
1983–1987	Luis María Garriga Ortiz	Independient
1987–1991	Félix Martínez Lahuerta	Partido Aragonés
1991–1995	Lorenzo Nogués Arrondo	Partido de los Socialistas de Aragón
1995–1999	Luis María Garriga Ortiz	Partido Aragonés
1999–2003	Luis María Garriga Ortiz	Partido Aragonés
2003–2007	Luis María Garriga Ortiz	Partido Aragonés
2007–2011	Eduardo Arilla Pablo	Partido de los Socialistas de Aragón
2011–2015	Francisco Miguel Arilla Andía	Partido Aragonés
2015–2019	Eduardo Arilla Pablo	Partido de los Socialistas de Aragón
2019–2023	Eduardo Arilla Pablo	Partido de los Socialistas de Aragón
2023–2027	Eduardo Arilla Pablo ^[6]	Partido de los Socialistas de Aragón

Esporte

O fútbol ye representau por a Sociedad Deportiva Borja.

Puestos d'intrés

Cultura

Fiestas

Semana Santa
Fiestas d'a Virchen d'a Pedaina, primer domingo de mayo.
Fiestas de Sant Bertolomeu, 24-25 agosto.
Fiestas de Setiembre, tercera semana de setiembre.
Sant Antón y Sant Sabastián, lo 17 y 20 de chinero, realizando-se las tradicionals fogueras la nueit anterior.
Chueves lardero, o chueves d'a primera semana de febrero, se brienda lo tipico "palmo".
Sant Chorche, lo 23 d'abril, s'acude a la ermita a brendar a tradicional culeca (pan dulce con uegos duros con forma de muller).
Fiestas d'o Santuario de Misericordia (15 d'agosto) en honor a l'Asunción d'a Virchen.

Eventos

Festival Amante, festival de musica indie que se celebra a meyaus d'agosto.
BorjaenJazz (u tamién BorJazz), festival de Jazz que tiene puesto entre lo mes de chulio.
Chornadas Corals de Canto Coral d'Aragón, tiene puesto la zaguera semana d'octubre y primera de noviembre.
Winter Festival, festival de musica dance. Se celebra anyalment en o mes de noviembre.
Borja Scooter Run, reunión anyal de scooters clasicas, lo primer cabo de semana de marzo.

Museus

Personalidaz naixidas de Borcha

Categoría principal: Naixius de Borcha.

Vicente Casanova y Marzol (1854-1930), bispe, arcebispe y cardenal.
Natividad Zaro Casanova, guionista.
Antonio Motos Martínez, politico y periodista.
Johan de Coloma, politico.
Antonio María Herrero y Rubira, cientifico y escritor d'a Ilustración.
Juan José Nogués (1909 - 1998), futbolista que chugó lo Mundial de 1934.
Ramón Borobia Paños (1914 - 2009), compositor y director d'orquesta.
Luis María Garriga Ortiz, atleta, alcalde de Borcha y dirichent esportiu.

Localidaz achirmanadas

Juranson (Biarn, Occitania).
Lisle-sur-Tarn (Tarn, Occitania).

Notas

↑ En grafía SLA Borja.

Referencias

↑ (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).
↑ (es) Antonio Ubieto Arteta: Historia de Aragón. Los pueblos y los despoblados I, Anubar Ediciones, Zaragoza, 1984, ISBN 84-7013-208-3, p. 282.
↑ (es) Guillemo Iturbe Polo, Isabel Lorenzo Magallón: El sieglo XV en Muniesa y su entorno (1367-1503), p. 310. Centro de Estudios Miguel de Molinos.
↑ Datos Eleccions MIR
↑ https://web.archive.org/web/20110105133451/http://portal.aragob.es/archelec/index.jsp
↑ (es) Consulta el listado de alcaldes que han sido proclamados en Aragón en Heraldo de Aragón

Vinclos externos

Se veigan as imáchens de Commons sobre Borcha.

Municipios d'a comarca Campo de Borcha
Agón \| Ainzón \| Alberit de Sant Chuan \| Albeta \| Ambel \| Bisimbre \| Borcha \| Bulbuent \| Bureta \| Frescano \| Fuent de Xalón \| Magallón \| Maleixán \| Mallén \| Noviellas \| Pozuelo d'Aragón \| Tagüenca \| Talamantes

Lugars desapareixius de lo municipio de Borcha
Ribas de Borcha

Datos: Q835559
Multimedia: Borja / Q835559

[1] En grafía SLA Borja.

[2] (es) "Valores normales de precipitación y temperatura de la red climatológica (1961-1990). Serie monografías. Año 2000" (Instituto Nacional de Meteorología) en a pachina web de l'Instituto Aragonés de Estadística (IAEST).

[3] (es) Antonio Ubieto Arteta: Historia de Aragón. Los pueblos y los despoblados I, Anubar Ediciones, Zaragoza, 1984, ISBN 84-7013-208-3, p. 282.

[4] (es) Guillemo Iturbe Polo, Isabel Lorenzo Magallón: El sieglo XV en Muniesa y su entorno (1367-1503), p. 310. Centro de Estudios Miguel de Molinos.

[5] Datos Eleccions MIR

[6] ttps://web.archive.org/web/20110105133451/http://portal.aragob.es/archelec/index.jsp

[7] (es) Consulta el listado de alcaldes que han sido proclamados en Aragón en Heraldo de Aragón

[nota 1]

[1]

[2]

[3]

[4]

[5]

[6]