Aragonés meyeval

L'aragonés meyeval ye l'aragonés que se charraba en a Edat Meya en a mayor part d'o Reino d'Aragón. Tamién se diz "aragonés meyeval" a la traza d'escribir esta luenga, que no representaba totz os caracters d'a parla popular, pero pa este concepto d'a traza d'escribir l'aragonés meyeval existe o termin més especifico de scripta meyeval aragonesa, que yera la forma d'o romance aragonés que se feba servir en os documentos y textos oficials d'a Edat Meya.

Ha plegato dica os nuestros días gracias a documentos oficials y obras literarias, principalment d'os sieglos XII, XIII, XIV y XV.

En tiempos de Chaime I ya tenemos textos extensos en aragonés como o "Vidal Mayor" u documentos d'o Monesterio de Veruela como a carta puebla de Pozuelo d'Aragón (1245).

A oficialidat d'o romanz aragonés se produció quan Pero III lo Gran crebó con o monopolio d'a escritura que teneba a ilesia, (en latín), creyando un monopolio reyal en a escritura en romanz. Quedó fixata una traza d'escribir en tot o Reino d'Aragón que ya quasi no representaba variants locals, de fueras de l'aria suroccidental correspondient a las comunidatz aragonesas, on s'escribiba diferent.

Fuents

• Elementos romances en textos latinos, en o dito latín notarial aragonés.
• Textos romances: dende fins d'o sieglo XII y principios d'o sieglo XIII.
• Toponimia aragonesa.

En bells aspectos as primeras fuents son millors que as segundas. Muitos caracters chenuinos no son representatos en as segundas fuents, porque se consideraban vulgars y ye una epoca en que o castellán se desenvolica y ye un modelo pa os escribans aragoneses.

Entre os textos meyevals escritos en romance tenemos o Liber Regum d'o sieglo XII, o Fuero romanz de Teruel d'o sieglo XIII, o Vidal Mayor, ecetra. Bells libros como Razón feita d'Amor tamién son consideratos por beluns como una muestra de l'aragonés meyeval.

En as comunidatz d'aldeyas d'as ciudatz d'Estremadura de Calatayú, Daroca, Teruel y Albarrazín as fuents revelan que l'aragonés d'as comunidatz aragonesas presentaba coincidencias con o castellán y sin bells elementos presents en l'aragonés d'a Val de l'Ebro y l'Alto Aragón. Este aragonés ye representato por textos de gran importancia historica como o Fuero romanz de Teruel y se castellanizó enantes que l'aragonés d'a Val de l'Ebro por o menos en a luenga escrita.

A fins d'o sieglo XV coincidindo con o reinato de Ferrando II d'Aragón a luenga escrita d'a Val de l'Ebro y Alto Aragón se castellaniza de tot, y ya no tiene fonetica aragonesa (-it-, -ll-, ecetra), os textos muestran una fonetica castellana de raso, fueras d'a conservación F- inicial. D'astí entabán os textos oficials y literarios son ya en castellán, como sola muestra de textos meyo aragoneses tenemos l'aragonés alchamiato y bells textos d'a Val de Tena d'o sieglo XVI. A nivel popular o lexico fosiliza en os aspectos relacionatos con l'agricultura, ganadería y artesanía locals, adaptando amás gran parte d'os neolochismos d'o castellán y perdendo-sen muitos cultismos meyevals.

Grafía

Ta más detalles, veyer l'articlo Ortografía de l'aragonés meyevalveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Consonants

• O fonema palatal liquido /l/ se representaba:
  • l: en amás gran parte d'os casos.
  • ll: en palabras que en latín teneban l·l cheminata, a vegatas terminos churidicos cultos: apellación, cancellado, y casos de ultracorrección por confusión con os anteriors (ellectos, carcellería, carcell).
  • ll: en pronombres: ell', aquell.
  • ll: en bells toponimos con sufixo -uelo, -uela: Oriuella, Escoriuella y probablement Ruviellos.

• O fonema palatal lateral ll yera representato como:
  • li: mulier, milian.
  • ly.
  • l simpla: Foz la Viela 1279-1280.
  • yll: Val de Coneyllos sieglo XIII.
  • ll.
  • lg: Castelgon, 1141.

• O fonema palatal nasal ny yera representato como:
  • ni: Boltania, Fanianares, Irunia.
  • in: Fainanas, Cabainnas, Peinnalen.
  • ny: Boltanya, Cabanyas.
  • gn: Savignaneco, estagno
  • nn: Irunna, Capannas.

• O fonema alveolar africato xordo se representaba como c, ç u z.

• O fonema prepalatal africato xordo yera representato como i, y, g quan derivaba d'as silabas latinas IA, IO, IU, GE, GI, e por i, y, ch, x en atros casos:
  • Iosa, iuso, iermano, Alfaiaria, Boria.
  • Sancho, Sanxo.

• O fonema /V/ yera representato como uy como v y pronto se confundió con B. Yera fricativo y no bilabial como en castellán meridional antigo y valencián.

• O fonema /B/ yera representato como b

• O fonema /K/ yera representato como:
  • c: debán de u, a y o: casera, cubo.
  • ch: debán de vocal velar.
  • ch: en posición interior: Rochafort, Gaschoniella.
  • ch: en posición final: Canyamach, Ornach, Avraych.
  • q: en casos como quenca, baquna.
  • qu: puet estar debant de totas as vocals: cuenqua, chiqua.
  • k: kuarros.

Fonetica

Ta más detalles, veyer l'articlo Fonetica aragonesaveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os caracters chenerals d'a fonetica aragonesa. Comentaremos os siguients casos:

Xordas intervocalicas

Gosan conservar-sen en os textos latins d'aquellas envueltas de Remiro I. En os d'aquellas envueltas d'Alifonso I no, y apareixen hipercorreccions. En os textos romances no se troban guaire a sobén casos de conservación.

Grupos inicials –PL-, -FL-, -CL-

Gosan alzar-sen, y en Navarra son os zaguers caracters chenuinos que s'alzan en os textos.

-KT- > -it-

Os textos romances –ch- mas a sobén contra mas tardanos sigan. Se veye que os textos destinatos amás chen y grau mas gran de cultura tienen ch, y os de cerclos más chicotz muestran –it- dica finals d'o sieglo XV. A -ch- refleixa castellanización, pero tamién podría tener relacion con o fluixo cutiano de gascons y occitans enta la Val de l'Ebro.

En o sieglo XIV Johan Ferrández d'Heredia y os suyos escribans gosan escribir -ch- (dichos, fechos) en cuenta de -it- (ditos, feitos), como en os textos notarials de l'Alto Aragón y l'Almunia.

Seguntes Bernard Pottier o grupo -it- se castellaniza entre 1468-1480 en textos cultos u oficials, porque n'estos textos que estudea troba as palabras aragonesas feito, dito, leitera, peitos, dreito, ueito, bueito dica 1478, y as formas con -ch- son posteriors a 1469.

-LY-, -C'L-, -G'L- > -ll-

Gosan presentar-sen pero en o sieglo XV ya no tanto. Seguntes Bernard Pottier o periodo de cambeo de -ll- enta -j- castellana, alavez fricativa palatal sonora, ye de 1485-1490, pero formas como tinalla apareixen encara en 1497.

En l'aragonés d'as comunidatz aragonesas a sustitución grafica d'a -ll- por una i, j u x (representando una ch) ye més primerenca que en a Val de l'Ebro u Sistema Iberico oriental. Podemos leyer os toponimos: Torrijas, Peraleios, Val de Coneios, La Foz de la Vieia. Ya a fins d'o sieglo XV trobamos una x (Foz de la Viexa, Torrixos) que debe representar una ch (D'alcuerdo con Rafael Lapesa a x castellana sustituye a lo fonema /g/ castellano equivalent a la ch n'estos casos en o sieglo XVI y se fa J en o sieglo XVIII).

Africatas alveolars

L'africata alveolar sonora, representata en bellas luengas romances meyevals como z se neutralizó enxordindo. Dende o S XI ye atestiguata a confusión d'as africatas alveolars sonora (z) y xorda (representata por ç) en alfabeto latín. En textos alchamiatos como o Poema de Yuçuf tamién veyemos confusions entre as letras zāi y çin en a versión tardana B. En l'alchamía hebrea as z y ç d'os textos en alfabeto latín s'escriben con samekh y xin, con as mesmas confusions.

Africatas prepalatals

A evolución d'as consonants en as silabas latinas IA, IO, IU, GE, GI, produció un fonema prepalatal africato que ya yera xordo en o sieglo XII, neutralizando-se con o fonema prepalatal africato xordo hue representato por ch. A interpretación tradicional, que interpreta a evolución fonetica de l'aragonés como tributaria d'a castellana, no lo considera asinas, y autors como Rafael Lapesa han considerato que podió estar sonoro dica dimpués d'a Edat Meya basando-sen en a traza d'escribir-lo més a sobén coincident con ixe fonema en castellán, catalán, occitán y francés. Manuel Alvar ya cuaterna casos d'estar escrito ch (Belchit, Marchant) en o os elementos romances d'o latín notarial aragonés. Bells microtoponimos de Tudela que hue están castellanizatos con j s'escribioron con ch en o sieglo XIII. En o sieglo XV en Zaragoza s'escribiba Puerta Cinecha alternando con Puerta Cineja y en Bielsa Pontache alternando con Pontaje. Por atra parte en puestos d'o sudueste d'Aragón y Navarra on l'aragonés desapareixió enantes bi ha aragonesismos con ch (chito, chelar), y tenemos o caso d'aragonesismos muito estendillatos en castellán como chepa que compite con giba.

Morfolochía

Articlos

Ta más detalles, veyer l'articlo Articlo definito en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

En os textos latinos os articlos romances que veyemos son:

• Lo, los, la, las son os casos que i trobamos más a sobén.
• O, os, a, as, en poquetz casos que provienen de l'Alto Aragón.
• Ero, era, ro, etz... en poquetz casos, que provienen de l'Alto Aragón.

En os textos romances bi ha bells casos de lo, o, os, a, as, en toponimos, etc... pero en cheneral predomina o mesmo articlo que en castellán, y as mesmas formas contractas en o sistema:

• el, la, los, las.
• del, de la, de los, de las.

Numero

Ta más detalles, veyer l'articlo Numero gramatical en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Os plurals gosan presentar-sen como en castellán en os textos romances, pero bi ha muitas excepcions, como podemos veyer en a Cronica de San Chuan de la Penya:

• ibers, corts, etz...

A vegatas estas excepcions son toponimos que no s'acotracian:

• Abolpillars (1155), Golpellars (1175), en o termino de Zaragoza, sieglos dimpués dimpués Golpellares.

Numerals cardinals

Ta más detalles, veyer l'articlo Cardinals en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Veyemos numerals cardinals que se resisten a desapareixer en as variedatz orientals y centro-orientals se troban en tot l'aragonés meyeval de l'Alto Aragón y val de l'Ebro y en romance navarro:

• Ueito, con as variants ueyt, ueyto, hueyt, hueyto.
• Setze, por un error d'escritura d'a t (u d'interpretación d'a grafía meyeval) sale en bella gramatica descriptiva d'o sieglo XX como seize.

Demostrativos

Ta más detalles, veyer l'articlo Adchectivos demostrativos en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Formas con –i final en cuenta de –e:

• Esti, aquesti, sobretot en textos navarros, terolanos y riochans d'o sieglo XI.

En a segunda persona:

• Eixe, eixa, eixo
• Exe, exa, exo
• Tamién aquexo (en o Fuero romanz de Teruel chunto a exo)

Posesivos

Ta más detalles, veyer l'articlo Adchectivos posesivos en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

• Lur, lurs ye posesivo de tercera presona de más d'un poseyedor

Vién d'o latín ILLORUM, en chenitivo plural y equivale a o rumán lor, italiano loro, francés leur, occitán lor y catalán llur

Verbos

Ta más detalles, veyer l'articlo Conchugación verbal en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

• Os verbos gosan estar escritos como en castellán, pero en meyo d'as formas mayoritarias i trobamos as formas aragonesas chenuinas.

• -etz gosa presentarse como en castellán meyeval –ades u -ais, pocas vegatas como -eds, -ez.

• Os pasatos imperfectos d'indicativo como en castellán –ia-, -aba, con excepcions: fevan, feua, exivan, requerivan, escrito tot con u, etz...en os tectos notarials de l'Alto Aragón, y tamién en a "Cronica de Sant Chuan d'a Penya".

Et mudó los hy del monesterio de Clunyego de la órden de San Beneditto, qui a la ora pululiua et floriua en toda xpistiandat

• O pasato perfecto simple gosa estar escrito como en castellán, pero veyemos a vegatas formas en -oron.

Adverbios

Ta más detalles, veyer l'articlo Adverbios en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

Bi ha muitos adverbios rematatos en -ment, contrastando con as parlas actuals on quasi no se troban: tásament, malament, etz…, son en realidat cultismos. En Navarra y part de l'aragonés d'as comunidatz aragonesas apareixen como -mentre, con r epentica que fa que no se pierda a –e final.

• Aprés < AD PRESSUM. Encara se conserva en aragonés d'a Valle de Tella y tien un significato pareixito a "dimpués" pero no de tot coincident.

• Avant > AB ANTE. Usual en navarro y aragonés meyeval. Hue ye debán y adebán.

• Encara: ye rechistrato en Navarra y en Teruel encara a fins d'o sieglo XV. Hue ye más propia de variedatz orientals de l'aragonés.

• Plus: se rechistra en a Riocha ya en as Glosas emilianenses y en Aragón.

• Sus, suso < SURSUM: n'alto .

• Chuso, Chus < DEORSUM. Ye escrito iuso, juso, aiuso, como en Ribagorzano aragonés huei, dichós.

• Tantost: en seguida.

Preposicions

Ta más detalles, veyer l'articlo Preposicions en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

• A, Ad, (cuan a palabra vinién empecipia con vocal).

• • Ad aquel.

• Cabo < Caput: chunto a. En una sauina qui staua cabo una penyuela.
• Çaga < ar sâqa: dezaga de.

• Enta: ye común en aragonés y apareixe en o sieglo XIV en Navarra. Hue existe encara en Ansó, Embún, Benás y Campo. Ye más común a forma abreviata ta. enta > ta.

• Por, Pora, para: en aragonés a evolucionato ta pa.

• Por a < Pro ad.
• Para < par < Per.

• Sin, Sines de, sinse < SINE

• Ensomo de : dencima de.

• Desus de, Desuso de.

• Tro a, tro en, entro a < INTRO: dica.

Conchuncions

Ta más detalles, veyer l'articlo Conchuncions en l'aragonésveyer os articlos [[{{{2}}}]] y [[{{{3}}}]]veyer os articlos [[{{{4}}}]], [[{{{5}}}]] y [[{{{6}}}]]veyer os articlos [[{{{7}}}]], [[{{{8}}}]], [[{{{9}}}]] y [[{{{10}}}]].

• Car < QUARE: pus, porque. Se trobaba en navarro y aragonés, igual que en occitán, catalán, y francés.
• Doncas: pus, por tanto. Como en occitán doncas/donc, en francés donc y en catalán doncs.
• JatSía.