Alifonso II d'Aragón

De Biquipedia

Alifonso II lo Casto

Informazión
Rei en	Aragón
dende	1164
dica	1196
Prezedito por	Peronella
Suzedito por	Pietro II
Naximiento	1157
Muerte	1196

Alifonso II d'Aragón dito lo Casto (Uesca, 25 de marzo de 1157^[1][2][3] - Perpiñán, 25 de abril de 1196), estió rei d'a Corona d'Aragón entre 1164 y 1196.

Primer rei d'a Corona d'Aragón. Estió rei d'Aragón y conte de Barzelona dende 1164, marqués d'a Probenza dende 1166 y conte d'o Rosillón dende 1172. Fazió en 1164 en Zaragoza as primeras Corz aragonesas documentatas en as que estión as burguesías dos lugars. Os territorios de l'atra banda d'os Pirineus li fazioron malas querenzias con Franzia y Nabarra. S'acomodó con Sancha en a Seu d'o Salbador de Zaragoza, filla de Alfonso VIII de Castiella, en l'añada de 1174, d'ista naxioron Pietro II y Constanza que dimpués estió reina d'Ongría. Con o rei castellán siñó o Tratato de Cazorla (Soria), an Aragón s'afirmaba o dreito a conquerir o Lebant moro enta Biar, fendo reconoximiento a Castiella de os dreitos sobre Murzia. Aprobeitando que os Mezmuz atacaban a o rei Lop e perdeba aliatos conquirió Balderrobres, Gandesa, Horta de Sant Joan, Ulldecona y Tergüel, redolada a que dió fuero d'Aragón y por o corrió o dinero chaqués. Zedió Alcañiz a la Orden de Calatraba en 1179. Morió en Perpiñán en 1196.

[editar] Referenzias

1. ↑ Miroslav Marek, <genealogy.euweb.cz>
2. ↑ Antonio Ubieto Arteta, «El nacimiento y nombre de Alfonso II de Aragón», Creación y desarrollo de la Corona de Aragón, Zaragoza, Anubar (Historia de Aragón), 1987, págs. 177-184. ISBN 84-7013-227-X.
3. ↑ «Alfonso II el Casto, hijo de Petronila y Ramón Berenguer IV, nació en Huesca en 1157;», cfr. Josefina Mateu Ibars, María Dolores Mateu Ibars (Unibersidat de Barzelona), Colectánea paleográfica de la Corona de Aragon: Siglo IX-XVIII, Universidat de Barzelona, 1980, p. 546. ISBN 8475286941, ISBN 9788475286945.

Predezesor: Peronella e Remón Berenguer IV

Rei d'Aragón 1164 - 1196

Suzesor: Pietro II