Vueitre

Vueitre de Ruppell (Gyps rueppellii)

Vueitre torgo (Torgos tracheliotus)

Es vueitres u vutres son aus carnuceras que pueden trobar-sen per toz es continents, fueras d'en Oceanía y l'Antarctida. En Aragón, o nombre de vueitre s'emplega mes que mes ta la especie Gyps fulvus, d'a familia d'es accipitridos.

Una d'as caracteristicas particulars de muitos vueitres ye a suya capeza pelata, sin plumache, probablement debito a que una capeza con plumas s'emporcaría con sangre y altros fluyitos en introducir-la adintro d'es carnuzos d'animals grans y sería dificil de mantener-la limpia.

Tamien gosan estar aus de notable grandaria. Per ixo han a menister de trobar bolsas d'aire calient ta elevar-se. A mes, no volan a gran velocidat ni baten guaire as alas.

Clasificacion

Per un regular, es vueitres se clasifican en dos grupos:

• Es vueitres d'o viello mundo, esparditos per Africa, Asia y Europa, que perteneixen a la familia d'es accipitridos, que tamién inclui as alicas y es azors. Troban carnuzos mientres volan gracias a la suya buena vista.
• Es vueitres d'o nuevo mundo y es cóndors, esparditos per as Americas, no se troban emparentatos con a familia d'es accipitridos; perteneixen a la familia d'es catartidos, que bels autors clasifican adintro d'es ciconiiformes. Contan con un sobrebuen sentito de l'olfacto, poco usual en un animal carnucero.

As semellanzas entre es dos grupos son debitas a una evolucion converchent mes que no a una relación amanata.

Especies

• Aegypius monachus u vueitre negro.
• Gyps africanus u vueitre dorsiblanco africano.
• Gyps fulvus u vueitre.
• Gyps himalayensis u vueitre de l'Himalaya.
• Gyps rueppellii u vueitre de Ruppell.
• Torgos tracheliotus u vueitre torgo.
• Trigonoceps occipitalis u vueitre cabeciblanco.

Vinclos externos

• (en) Videos de vueitres en a Internet Bird Collection (Coleccion d'Aus en Internet)

• Datos: Q123120