Árbol

De Biquipedia
Ir ta: navego, busca
Articlo d'os 1000
Árbols nevatos en o Fornigal.

Un árbol ye una planta que puet creixer dica mas de cinco metros d'altaria gracias a una estructura que forma un tronco, y eventualment ramificacions ditas ramas y brancas.[1] Os árbols son plantas perennes que por un regular viven muitos anyos. En o sentito botanico, os árbols son plantas con fusta. A fusta, conoixita tamién como xilema secundario, se produce por una capa de celulas, o cambium vascular, situata baixo a crosta.

A formación d'a fusta ye un proceso repetitivo que superposa una nueva capa dencima d'as anteriors. O resultato asobén ye visible en forma d'aniellos de creiximiento. Os solos grupos que contienen plantas con fusta, y por tanto árbols en o sentito estricto d'o termin, son as chimnospermas y as anchiospermas dicotiledonias. Os árbols presentan una mayor lonchevidat que atros tipos de plantas. Bellas especies d'árbols (como as secuoyas) pueden blincar d'os 100 m d'altaria, y gosan vivir mils de anyos.

Os primers árbols apareixen en a Tierra fa bells 370 millons d'anyos,[2] en o periodo Devonián, y yeran os antipasaus d'as coniferas actuals. O desembolique en altaria y a ramificación d'as brancas premiten a los árbols aumentar a suya capacidat d'espleitación d'o espacio aerio. A distribución d'as fuellas a diferents rans premite a l'árbol aumentar a superficie d'intercambio ta la fotosintesi.[2] A suya gran capacidat fotosintetica fa que os árbol chuguen un papel important en os ciclos ecolochicos terrestres, gracias a la suya capacidat d'almadazenamiento de carbonio, o suyo rol en o ciclo de l'augua, y a formación d'os ecosistemas complexos que son as selvas, fuent y refuchios d'a biodiversidat.[2][3]

Os árbols tamién representan una fuent considerable de recursos ta la especie humana, tanto de materials (prencipalment fusta) como de provisions (particularment fruitos), entre atros. Ocupan un puesto real y simbolico important en quasi totas as culturas d'o mundo.

Bibliografia[editar | editar código]

  • Pakenham, Thomas . Remarkable Trees of the World. (2002). ISBN 0-297-84300-1
  • Pakenham, Thomas. Meetings with Remarkable Trees.(1996). ISBN 0-297-83255-7
  • Colin Tudge. The Secret Life of Trees. How They Live and Why They Matter. Allen Lane. Londres (2005). ISBN 0-7139-9698-6.

Se veiga tamién[editar | editar código]

Referencias[editar | editar código]

  1. (ca) Arbre. Enciclopèdia Catalana
  2. 2,0 2,1 2,2 (en) The Quiet Evolution of Trees. McLamb, E. & Hall, J. C. Earthwork & Systems. Ecology.com
  3. (en) Amazon Rainforest, Amazon Plants, Amazon River Animals. World Wide Fund for Nature


Vinclos externos[editar | editar código]