Berrueco

De Biquipedia
Ir a la navegación Ir a la búsqueda
Berrueco
Municipio d'Aragón
Bandera Escudo d'armas
Envista cheneral de Berrueco dichós una cuesta de quarcita que se desfa en catens y tormos que dan nombre a lo lugar.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Campo de Daroca
Superficie 19,5 km²
Población
 • Total

32 hab.
Altaria 1098 m.
Distancia
 • 107 km

enta Zaragoza
Codigo postal 50373
Coordenadas 40°59’27’’N 1°28’ 1’’U
Berrueco en Aragón
Berrueco
Berrueco
Situación de Berrueco en Aragón

Berrueco ye un municipio aragonés de lo Campo de Daroca (Zaragoza). La suya población yera de 32 habitants, en una superficie de 19,5 km² y con una densidat de población de 1,64 hab./km².

Cheografía[editar | modificar o codigo]

Envista cheneral.

Ye situau en una suau costera entre la laguna de Gallocanta y un cabezo a on trobamos las torres de l'antigo Castil de Berrueco u Castelpedrés.

Toponimia[editar | modificar o codigo]

Quarcita armoricana aflorando en Berrueco y crebada en bloques poligonals.

Lo primer nombre que tenió estió Castiel Pedrés / Castel Pedrés / Castil Pedrés, toponimo que cambió ta Castel Berrueco / Castil Berrueco en lo sieglo XV, pa simplificar-se en Berrueco en lo sieglo XVII.

La primera mención d'este lugar ye en lo texto d'adchudicación de decimas y primicias de 1205 por part de Remón de Castrocol y figura como Castielpedres u Castelpedres.

...concedo ecclesias de Langua et de Cebollada, ut eas semper canonice possideant; clericis Sanct Jacobi, concedo ecclesiam de Castielpedres, ut eam semper canonice possideant; clericis Sancti Martini de la Parra,...[1]
...Clerici et ecclesia Sancti Dominici habent Allueva, Fuentfrida, Losella, Bea, Noros, Pardellos, Corberola, Vello, Castelpedrés, Losella, Gallocanta, Ollosnigros, Pozuel. Clerici et ecclesia Sancti Michaelis habent Poyo, Santet, Mezquita, Valdesantmartin, San Martin, Ambosportos, Odon, Blancas, Torreziella....

Dica 1414 en totz los textos medievals figura con variants d'estos toponimos. Por eixemplo en lo "libro de la manifestación d'el Morabetín de las aldeyas de la Comunidat de Daroca" (1373) s'escribe Castiel Pedrés.

En castellán medieval la sal petrés yera a sal chema y presenta sufixo -és,[2] sufixo que deriva de lo latín -ENSIS, y ye indicador de chentilicios y habitadors de diferents medios. Por eixemplo LUTENSIS significa "que habita lo buro", PISCINENSIS significa "piscinero". Pedrés se puet interpretar a partir de lo latín PETRENSIS ("que ye en a piedra", "que habita en a piedra"). En conseqüencia Castiel Pedrés significaría qualquecosa como "castiello en las piedras", "castiello en las penyas", "castiello en lo tormagal".

En 1442 ya figura como Castilberueco, en un documento que reculle un conflicto entre Daroca y las suyas aldeyas. En 1454 dos documentos recullius por un notario darocano contrimuestran que Castilberrueco corresponde a l'anterior Castilpedrés:

dicto nomine confietor habisse et recepisse a vobis discreto Johannis de Deça, rectoris eclesie loci Castillberrequo vel \vocati/ loci Castillpedres
honorabilis Johannis de Deça, eius filii, rectoris eclesie loci Castilpedres seu loci de Castilberrueco.

Quan se constituye a Sobrecollida de Daroca lo nombre ye Castelberrueco. En lo fogache de 1495 s'escribe Castelberrueco. En lo libro de João Batista Labanha Itinerario del Reyno de Aragón (1610-1611) s'escribe Castelberrueco, pero se sinyala en lo mapa como Berrueco. Seguntes Antonio Ubieto Arteta esta localidat se diz Castelberrueco dica 1646 y simplament Berrueco dende 1713.

L'apelativo toponimico berrueco fa referencia a la traza en que la meteorización fisica afecta las quarcitas de lo suyo termin en forma de catens u tormos, dependendo de la mida, de formas poligonals de forma pareixida a los caos graniticos, (que en castellán se dicen precisament Berrocales). "Berrueco" y "berrocal" son palabras usadas en luengas ibero-romances y que se consideran d'orichen celta.

Microtoponimos[editar | modificar o codigo]

Envista de la sierra de Penya Alta dezaga de Berrueco con Los Poyatos a la dreita, despartius de la resta de la sierra por lo collau Poyatos.

Se conoixe una serie de microtoponimos documentals de la Edat Meya tardana por textos de 1490: La Boteosa, Los Pozuelos, La Canyadilla Fonda, Carrera Castellar, loma Llana, loma Allendes, Los Majuelos, carrera La Losilla, Los Villares, La Molatilla, Las Madrigueras, fuent de Gonçalvo, La Hoya Gómez, El Lomazo, Enebralejo de Val de Ariento, camino de Castexón, canyada el Serrano, carrera Gallocanta, La hoya Pero Molina, collado El Juncarejo, La Ubacuela, Ombría el Poço, carrera de Tornos, carrera La Fuent, Las Longuillas, Fondón del Aldea, carrera Castellar, El Pozo, El Navaxo, El Varridillo, La Uba, La Riba, el regaxo, Los Pedregales, Las Pontezillas, El Castellejo, La Cequya, Canyada el Serrano, La Losilla, Los Villares ,El Castellar, Loma Lana, Las del Castellano, Foya Gomez, El Carrascal, Val d'Ariento, Foyanto, La Fuent, La Çaquez, El Pozo y La Corona.[3]

En microtoponimia actual se puede trobar toponimos relacionaus con los anteriors: las lomas Botiosas, Los Pozuelos, Carracanyadilla, Castellar, Castillares, Castillón, loma Llana, cerro de la Silla, Los Villares, Concejo Villares, Carralaloma, Hoya Gómez, Madriguera, Lomazo, barranco Valdaliento, Fuente Gonzalvo, Fuente (de) Gonzálvez, arroyo Fuente Gonzálvez, Longuillas, Navajo, ribazuela, Los Pedregales, cerro del Castillejo, Canyaserrano, barranco de la Sacuez y paso de la Sacuez.

Atros microtoponimos actuals son: Aliagares, Ainzano, Los Arbellones, Azafranar, Los Arenales, La Cantera, Castillón, Fuente de la Cerrada, Cornejales, La Corona, Costera, Costerón, Costillares, La Cruceta, El Escorial, barranco Gargamello, Gralachea, los Lagunazos, loma Lindes, loma Liendres, Manzanera, La Marieta, cerro Mediano, La Noguera, loma Parda, Los Paretanyos, Los Paretazos, Pedrizas, Pedriza d'el Prado, Fuente Povaya, Los Poyatos, collado Poyatos, Ramblares, El Rubial, El Setar, Travesadas, barranco Trascastillo, El Ustalejo, barranco del Vergal, paso de Villarrubio y Viso.

Historia[editar | modificar o codigo]

Berrueco feba part de la Comunidat d'Aldeyas de la Comunidat de Daroca. Yera en la Sexma de Gallocanta por estar en la part occidental a on se troba la cuenca endorreica.

Demografía[editar | modificar o codigo]

Evolución demografica
2003 2004 2005 2006 2007 2008 2009 2010 2011
- 43 - - - - - - -

2012 2013 2014 2015 2016 2017 2018 2019 2020
- - - - - - - - -

2021 2022 2023 2024 2025 2026 2027 2028 -
- - - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu 1979 1983 1987 1991 1995 1999 2003 2007 2011
Partido de los Socialistas de Aragón 1
Total 1

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Miguel Ballestín Rodrigo PSOE
19831987
19871991
19911995
19951999
19992003
20032007
20072011
20112015 María Carmen Ballestín Gimeno PSOE
20152019 María Carmen Ballestín Gimeno PSOE
20192023

Puestos d'intrés[editar | modificar o codigo]

Fiestas[editar | modificar o codigo]

Bibliografía[editar | modificar o codigo]

  • (es) Agustín Gil Domingo: La historia de Calamocha a través de la Historia (I). Xiloca 30.[1]
  • (la) (an) (es) Luis Alberto Majarena Gonzalvo: El libro bermejo del archivo colegial de Daroca. Centro de Estudios Darocenses. Colección Documentos para la Historia de Daroca y su Comunidad. 1989.
  • (es) David Pardillos Martín: Berrueco (Castilpedrés/Castilberrueco) en la Baja Edad Media: datos para su historia, en Studium: Revista de humanidades, Nº 14, 2008, pags. 147-179.

Referencias[editar | modificar o codigo]

  1. (la)(an)(es) Libro vermello de l'Archivo Colechial de Daroca.
  2. (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.
  3. (es) David Pardillos Martín: Berrueco (Castilpedrés/Castilberrueco) en la Baja Edad Media. Publicau en: Studium: Revista de humanidades, ISSN 1137-8417, Nº 14, 2008, pp. 147-179.

Enrastres externos[editar | modificar o codigo]


 
Municipios d'a comarca d'o Campo de Daroca
L'Aldeyuela de Tiestos | Anento | Atea | Aceret | Baduls | Berrueco | Cerveruela | Cubel | Las Cuerlas | Daroca | Ferrera de los Navarros | Forcallo | Fuent Buena | Fuset | Gallocanta | Langa | Lechón | Lueixma | Mainar | Manchons | Murero | Nombrevilla | Retascón | Romanos | Santet | Torralba de los Fraires | Torralbiella | Val Conchán | Val de Forna | Val de Sant Martín | Villadolz | Villanueva de Xiloca | Villar de los Navarros | Villa-reyal de la Uerba | Villarroya