Capreolus capreolus
Capreolus capreolus | |
---|---|
Denominacions populars | |
corzo, cuerzo[1]
| |
Estato de conservación | |
Clasificación scientifica | |
Animalia | |
Filo:
|
Chordata |
Mammifera | |
Artiodactyla | |
Cervidae | |
Capreolus | |
C. capreolus | |
Descripción | |
Capreolus capreolus
Linné, 1758 | |
Distribución cheografica | |
Aria de distribución de Capreolus capreolus en Europa y Orient meyo. |
O corzo (Capreolus capreolus (Linné 1758)) ye una especie de mamifero artiodactilo d'a familia d'os cervidos y o representant europeu y d'Orient Meyo d'o chenero Capreolus.
Zoonimia[editar | modificar o codigo]
En aragonés tenemos os zoonimos cuerzo en Embún, Aragüés de lo Puerto y Avena y corzo en Boleya y Benás (en benasqués pronunciau con seseyo como corso), derivaus probables d'o latín CURTIUM.
Manimenos en o pasau podió haber-ie zoonimos derivaus d'o latín CAPREOLUS, car en a Sierra d'Albarrazín tenemos o toponimo Val de Cabriuel cerca d'un mont dito Puntal d'el Corzo, en linia con o catalán cabirol, palabra que curiosament apareixe en os Fueros d'Aragón, que publicó Gunnar Tilander):
Corzo pareix a denominación con distribución historica més ampla (actualment dende a parla d'o Semontano occidental dica o benasqués), tamién trobamos corço en o "Fuero de Navarra", en os peaches de Cella y Valbona en o sieglo XV (pieles de corços e de cierva), y amaneix en a traducción d'o "Libro d'el Trasoro" baixo o epigrafe de corços et de cabras montesas:
Referencias[editar | modificar o codigo]
- ↑ (an) Rafel Vidaller Tricas: Lista patrón d'os nombres d'os mamifers terrestres ibericos en aragonés (II), Fuellas 251-252, Consello d'a Fabla Aragonesa, 2019, ISSN 1132-8452, pp. 19-24.
Vinclos externos[editar | modificar o codigo]
Se veigan as imachens de Commons sobre o Capreolus capreolus.
Wikispecies tiene un articlo sobre Capreolus capreolus.