Paisache Protechito d'a Sierra de Santo Domingo

De Biquipedia
Ir a la navegación Ir a la búsqueda
Sierra de Santo Domingo
Longás 2006 016.jpg
Paso d'el Portillo
Datos chenerals
Tipo Paisache Protechito
Establito 8 d'abril de 2015
Superficie 9.639 ha
Situación
Situación Flag of Aragon.svg Cinco Villas, Zaragoza
Latitut
Lonchitut
Mapa
Perineu Aragonés (orografía).png
Yellow ffff00 pog.svg

O Paisache Protechito d'a Sierra de Santo Domingo ye un paisache protechito d'Aragón situau en o Prepireneu. Proteche a versant zaragozana d'a sierra homonima (que tamién s'estendilla por a provincia de Uesca), estando situau a o norte d'a comarca d'as Cinco Villas y ocupando parti d'os municipios de Biel, Longars y Luesia.

Fauna[editar | editar código]

Trencauesos

O espacio protechito constituye un aria de niedificación pa o trencauesos (Gypaetus barbatus), especie emblematica pirenenca. Tamién ye un habitat optimo pa atras aus carnuceras como a voleta (Neophron percnopterus) y rapinyaderas como a milaneta (Milvus milvus). Os mamiferos i son representaus por herbivoros como chabalins (Sus scrofa), corzos (Capreolus capreolus) y ciervos (Cervus elaphus); y taixudos (Meles meles), furons (Mustela Putorius), y fuinas de papo blanco (Martes foina) entre os carnivoros.

Flora[editar | editar código]

Pinetas de repoblación

A especie arboria mas común en a sierra ye o pin (Pinus), producto de repoblacions reyalizadas en o sieglo XX, encara que a moniquet va deixando paso a una densa masa forestal autoctona compuesta mas que mas por especies como caixicos (Quercus faginea), carrascas (Quercus ilex), y buixos (Buxus sempervierns); y en menor mida por especies como l'abetullo (Betula pendula) u a tremoleta (Populus tremula). Destacan as formacions de fabos (Fagus sylvatica), por a suya situación en a muga de l'aria de distribución d'a especie.

Puestos d'intrés cultural[editar | editar código]

As localidatz de Biel, Luesia y Longars constituyen una bastida perfecta pa fer torismo rural. Antiparti d'as destacables valors paisachisticas y ecolochicas d'a sierra de Santo Domingo, o territorio que ocupan istos tres municipios guarda tamién puestos de gran intrés cultural, como os castiellos de Biel y Luesia, d'estilo romanico, o casco antigo de Longars, d'orichen meyeval, u o Centro d'Interpretación d'o Romanico de Luesia.

Atras feguras de protección[editar | editar código]

O paisache protechito se troba integrau en a europea Red Natura 2000, ya que en o suyo interior s'han declarau os Puestos d'Importancia Comunitaria (PIC) "Río Onsella" (con o codigo ES2430063), "Sierras de Santo Domingo y Caballera" (con o codigo ES2410064), "Río Arba de Luesia" (con o codigo ES2430065) y "Río Arba de Biel" (con o codigo ES2430066)[1]; asinas como a Zona de Especial Protección pa las Aus (ZEPA) "Sierra de Santo Domingo y Caballera y río Onsella" (con o codigo ES0000287).

Referencias[editar | editar código]

Vinclos externos[editar | editar código]


Espacios naturals protechitos d'Aragón Sweden road sign I1.svg
Cheleras Pirenencas | Esplugas de Cristal de Molins | Foces de Fago y Biniés | Lacuna de Gallocanta | Lacuna de Sarinyena | Lomaza de Belchit | Moncayo | Naixedero d'o río Pitarc | Ordesa-Comachibosa | Ordesa y As Tres Serols | Organos de Montoro | Pinetas de Rodeno | Pocetz-Maladeta | Puent de Fontseca | Saladas de Chiprana | Sant Chuan d'a Penya | Sierra y Foces de Guara | Sierra de Santo Domingo | Sotos y Galachos d'Ebro | El Val | Vals Occidentals