Pinus

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Pinus

Pinus uncinata, lo pin negro europeu

Clasificación scientifica

Dominio:	Eukaryota
Reino:	Plantae
División:	Pinophyta
Clase:	Pinopsida
Orden:	Pinales
Familia:	Pinaceae
Chenero:	Pinus
	Linnaeus, 1758

Especies

Se veiga texto

Os pins (scientificament Pinus) son un chenero d'árbols dintro d'a familia Pinaceae, en a subfamilia Pinoideae, con ramas a ormino disposatas en verticilos.

A corona gosa estar piramidal en a forma, u tamién arronchata, y a ormino en os árbols viellos se fa ampla y deprimita. En o fruito, d'estructura clarament verticilosa, as tectrices son lignificatas formando lo que de común ha per nombre pinya. As fuellas, ditas popularment agullas, son distribuitas en verticilos tamién, forman aciculas on que os macroblastos i son esquamiformes (forma d'escrata) y no tienen clorofila, mientres que os braquiblastos son curtos. Cada acicla tiene 2 o més canals resiniferas.

Morfolochía[editar | modificar o codigo]

Os pins son árbols de fuella perén, cheneralment de tronco dreito y elevato.

As fuellas tienen una forma acicular caracteristica y s'aplegan en verticilos de dos dica cinco unidatz en chicotas branquetas. As especies europeas tienen totz os carrazos con dos fuellas.

Os pins son plantas monoicas con inflorescencias masculinas y femeninas separatas en cada piet. As femeninas, dimpués d'estar polinizatas y maduras, se lignifican y se trasnforman en pinyas; as suyas escratas protechen as simients, clamatas pinyons.