Carnucero

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Un cuervo picando a carnota d'un tiburón chicot.

Un organismo carnuzero u carnotero ye, en ecolochía, un organismo que s'alimenta de calavres d'atros organismos. A palabra carnucero provién de carnuz. En a terminolochía cientifica se conoixen como necrofagos.

Os organismos carnucers son utils ta es ecosistemas perque en alimentar-sen, limpian o medio ambient d'es calavres y d'a materia organica. As restas que istes deixan son dimpués aprofeitatas per es descomponedors. Per un regular, a palabra carnucero s'emplega ta designar aquellas especies que s'alimentan primerament d'o calavre, y sobre tot, de grans piezas d'iste, mientres que se considera descomponedors a es que lo fan a nivel microscopico.

Bels eixemplos d'animals carnucers son as hienas, es fardachos, es vueitres, bellas especies d'escarabachos u as moscas.