Carmelo López Esteruelas
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
 |
Por favor, edita-lo ta cumplir con ellas. No borres iste aviso dica que no l'haigas feito. Colabora wikificando! |
Carmelo López Esteruelas ye naixito o 20 d'aviento de 1940 d'Exatiel (Baixo Martín) ye articulista y documentalista sobre temas de cultura tradicional, etnolochía y historia local recient d'a comarca d'o Matarranya.
Estudió o bachillerato en Alcanyiz y encomenzó a treballar en o cuerpo de Correus d'Alcanyiz en 1958. En 1965 obtenió a plaza fixa como administrador de Correus d'a demarcación postal de Val de Robres y redolata.
Dende a suya arribata a la comarca d'o Matarranya li han chocato os paisaches y costumbres d'os suyos habitants, chent que os habitants d'Alcanyiz y redolata veyen como atro grupo etnolingüistico. Gracias a l'amplo rete de conoixencias que li ha permeso o suyo treballo en Correus mientres cualques decadas, ha puesto conoixer bien a comarca y as suyas chents con excursions, paseyos y conversas.
O suyo intrés por conservar a memoria historica recient sin connotacions politicas lo fa prener nota escrita de tot o que troba d'intresant y a empentar con atra chent en 1982 a creyación de l'Asociación Cultural Valderrobrense (Ascuval) on prene a responsabilidat de chestionar y coordinar a edición d'o boletín comarcal Gaceta del Matarraña, on encomenzó a escribir o reportero d'o Heraldo d'Aragón y escritor Lluís Rajadell. Dende Ascuval participa en a creyación d'a Biblioteca Municipal, que queda a lo suyo cargo en a primera anyata de funcionamiento.
Ha replegato un camatón d'informacions locals y comarcals y ha escrito muitos treballos de tematica cheografica, historica y etnografica, beluns d'os cuals s'han puesto veyer en o Diario de Teruel, a Gaceta del Matarraña, o diario baixoaragonés La Comarca y los programas de fiestas de Val de Robres y atros lugars d'a comarca. O tema sobre o que mes ha escrito ha estato os mases u l'antigo poblamiento ixemenato d'a comarca d'o Matarranya, y parte d'os datos por él replegatos feguran en o libro Valderrobres paso a paso (en ye coautor). Os datos que ha replegato han despertato o intrés d'arquitectos y antropologos.
Dende l'anyo 2003 fa parte d'a chunta directiva de l'Asociación Cultural Repavalde.
Bibliografía
[editar | modificar o codigo]- Carmelo López Esteruelas, Manuel Siurana Roglan: Valderrobres paso a paso. Coedición d'o Concello de Val de Robres, l'Omezyma e l'Asociación Cultural Repavalde. 2005.
Vinclos externos
[editar | modificar o codigo]| Control d'autoridaz |
|
|---|
Datos: Q13048618