La Puebla de Valverde

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Este articlo tracta sobre La Puebla de Valverde. Pa atros emplegos de lo toponimo Puebla u Valverde, veyer Puebla (desambigación) u Valverde (desambigación).
La Puebla de Valverde
Municipio d'Aragón
Escudo d'armas
Entidat
 • País
 • Provincia
 • Comarca
Municipio
 Aragón
 Teruel
Gúdar-Chabalambre
Partiu chudicial Teruel
Superficie 295 km²
Población
 • Total

470 hab. (2013)
Altaria
 • Meyana

1185 m.
Distancia
 • 23 km

enta Teruel
Alcalde María Luisa Fuertes Alegría
Codigo postal 44450
Parroquial
 • Diocesi
 • Arcipestrau

Teruel y Albarracín
Mora de Rubielos
Coordenadas
La Puebla de Valverde ubicada en Aragón
La Puebla de Valverde
La Puebla de Valverde
La Puebla de Valverde en Aragón
Web oficial

La Puebla de Valverde ye un municipio de la provincia de Teruel, situau en la comarca de Gúdar-Chabalambre. La suya población ye de 457 habitants (2017), en una superficie de 295 km² y una densidat de población de 1,62 hab/km².

Cheografía[editar | modificar o codigo]

La Puebla de Valverde ye a l'este de Sierra de Camarena en lo suyo semontano, chunto a barrancos que complegan en la rambla d'el Cubillo, tributaria de la de Penyuela, que caye en la marguin dreita de Millars.

Lo termin municipal de La Puebla de Valverde tiene una part montanyosa y una part plana que plega dica Millars.

La part montanyosa encomienza en lo sud en la sierra de Chabalambre y contina enta lo norte con la sierra de Camarena en dirección a la sierra d'Escoriuela con las sierras de las Coronillas y los Cabezos, que en bel mapa se consideran sierra de Camarena, en especial la de las Coronillas. Cerca de lo despoblau de Casedón se troba lo puerto de homonimo despartind las sierras de las Coronillas y de los Cabezos.

La part plana de lo termin municipal ye en la depresión de Sarrión u depresión de La Puebla de Valverde-Sarrión y acaba en la marguin dreita de Millars. Bi ha un rete de barrancos que complegan en ramblas que baixan dende las sierras y cayen en Millars: rambla de la Penyuela y rambla de Penyaflor.

En lo termin bi ha selvas d'acirons d' Acer monspessulanum (acerals) catalogadas como selvas singulars.[1]

Mugas[editar | modificar o codigo]

Lo suyo extenso termin municipal muga con Valbona, Sarrión, Manzanera, Torrillas, Arcos de las Salinas, Camarena de la Sierra, Cubla, Teruel y Formich Susano. D'antes plegaba dica la marguin dreita de lo río d'Alcalá incluyindo lo barrio de Mislata (a 13,9 km), pero en 1925 este barrio s'adhibió a lo termin municipal de Valbona.

Teruel Corbalán Formich Susano
Cubla, Teruel Valbona
Camarena de la Sierra, Arcos de las Salinas Arcos de las Salinas, Torrillas, Manzanera Sarrión

Historia[editar | modificar o codigo]

Adintro de la comunidat d'aldeyas de Teruel, La Puebla de Valverde feba part de la Sexma d'el Campo de Sarrión u la de Rubiuelos. En 1488-1495 feguraba en la sobrecollida de Mont Albán. En 1646 yera una localidat de la vereda de Mont Albán. Entre 1711 y 1833 yera en lo correchimiento de Teruel. Encara teneba la categoría d'aldeya en 1711, pero en 1785 ya teneba la categoría de lugar, tenendo concello en 1834. Yera en lo partiu chudicial de Teruel.[2]

Toponimia[editar | modificar o codigo]

En un texto de concordia entre lo bispe de Zaragoza y cualques clerigos teruelanos escrito lo 10 de chinero de 1293 se fa mención d'esta localidat como Santa María de Valvert:

...Serrión, quartetur. Santa Maria Valvert, quartetur. salto la yegua, quartetur...[3]

En un texto de 1409 escrito en Zaragoza s'escribe La Pobla de Valverde,[4] d'acuerdo con atros toponimos aragoneses inicialment con la palabra Pobla, voz que dimpués s'ha convertiu en Puebla.

En los textos escritos en aragonés d'as comunidaz aragonesas se puede trobar como La Puebla de Sancta Maria de Valverde:

Que como ella haya un heredamiento el qual es clamado el Puerto Cansadon, termino de la Puebla de Sancta Maria de Val Verde, aldea de Teruel, el qual caye al vent del boalage et deffesa del conceio de la dita aldea, assin que si su ganado con el qual laura el dicho heredamiento hoviese a ir al boalaie de la dicha aldea le tornaria a grant danyo et confusion el menoscabo d'ela e de su ganado et encara...

Tamién en los textos medievals escritos en Valencia adrezaus a aragoneses, como uno de 1390:

segunt que al notario dius scripto consta e es cierto et notorio, en el dito nombre procuratorio sobredito, saviament et de mi cierta scientia, fago, constituezco e encara substituezco e ordeno cierto et leal procurador e síndico de las ditas aldeas et mío, a vos, Martín Domínguez, vezino de la Puebla de Sancta María de Valverde, aldea de la dita ciudat, absent, bien assí como si fuéssedes present, specialment que vos en voz, vez, e nombre de las ditas aldeas et mío, e por aquellas podades presentar una letra real del señor rey de Aragón al muy honorable et discreto don Ramón de Soler, conseller del dito señor Rey,...

Bi ha microtoponimos intresants como Barranco de la Cederilla, con aceral, que puet aduyar a interpretar lo toponimo Cedriellas.

En las actas de las Corz de Teruel de 1428 alternan las formas La Puebla de Vallverde y La Puebla de Vallverd.

Demografía[editar | modificar o codigo]


Evolución demografica
1992 1994 1996 1997 1998 1999 2000 2001 2002
- - - - 488 490 489 500 504

2003 2004 2005 2006 2007 2008 2009 2010 2011
504 508 551 538 544 540 569 571 552

2012 2013 2014 2015 2016 2017 2018 2019 2020
550 547 521 500 460 457 453 457 451

2021 2022 2023 2024 2025 2026 2027 2028 -
445 448 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | modificar o codigo]

Reparto de concellers[editar | modificar o codigo]

Eleccions municipals
Partiu 1979 1983 1987 1991 1995 1999 2003 2007 2011
Partido Popular 5
Partido de los Socialistas de Aragón 1
Partido Aragonés 1
Total 7

Alcaldes[editar | modificar o codigo]

Lista d'alcaldes
Lechislatura Nombre Partiu politico
19791983 Jesús Monleón Martín UCD
19831987
19871991
19911995
19951999
19992003
20032007
20072011
20112015 María Luisa Fuertes Alegría PP
20152019
20192023

Puestos d'intrés[editar | modificar o codigo]

  • Ilesia de Santa Emerenciana.
  • Restas d'a muralla.
  • Fuent d'os Santos.
  • Ermita de Loreto.
  • Casal de Yguales.

Fiestas[editar | modificar o codigo]

Referencias[editar | modificar o codigo]

  1. (es) José Manuel González Cano, Raúl Pérez Vicente, Juan Andrés Oria de Rueda: Inventario abierto de los bosques singulares del sector S.E. de la provincia de Teruel. Consejo de Protección de la Naturaleza de Aragón, 2001.
  2. (es) Antonio Ubieto Arteta: Historia de Aragón. Los Pueblos y los despoblados, II. Anubar ediciones, 1986. pp 702-703.
  3. (es) Alberto López Polo: El Capítulo de Racioneros de Teruel. Revista Teruel, nº 25, chinero-chunio de 1961, p 197
  4. (es) Tomás Domingo Pérez, María Rosa Gutiérrez Iglesias: La gracia del quinto diezmero concedida en el año 1409 a la fábrica de La Seo por Benedicto XIII y su primera ejecución en 1412. Aragón en la Edad Media, ISSN 0213-2486, Nº 14-15, 1, 1999 pachinas. 413-450

Vinclos externos[editar | modificar o codigo]