Recuenco
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Un recuenco ye una concavitat en lo terreno,[1] una fondonada rodeyada d'elevacions que pueden estar planas pero que la cierran en anfiteatro.
Bi ha recuencos que corresponden a compleganzas de recepción de torrents y son desauguaus por por canals que corresponden a barrancos y/o regallos. A vegadas tamién pueden corresponder a concavidaz creyadas por las vueltas de los meandres, sobre tot los recolons.
Etimolochía
[editar | modificar o codigo]
La palabra recuenco presenta lo sufixo re-. Bi ha variants que amuestran antigas tendencias foneticas de l'aragonés arcaico preliterario. La sonorización dezaga de liquida de l'aragonés central se documenta en los microtoponimos Recuengo de Murillo de Llena, Recuengos de Labata y Arrecuengo d'Escuer. Este zaguero amuestra una antiga tendencia a anyadir una a debant de la vibrant r que se torna a trobar en Rodellar (Arrecuencos). En La Vall de Boí se documenta lo microtoponimo Recunco en Saraís.[2]
Toponimos relacionaus con recuencos
[editar | modificar o codigo]Alto Aragón
[editar | modificar o codigo]- El Recuenco: en lo termin municipal de Graus[3].
Depresión d'Ebro
[editar | modificar o codigo]Sistema Iberico
[editar | modificar o codigo]- Barranco d'el Recuenco: barranco tributario de lo río Garganta (Sierra d'Albarracín).
- Barranco d'el Recuenco: barranco tributario de lo barranco de la Falcona (Sant Martín d'el Río).
- Barranco d'el Recuenco: tributario de lo río de Campos (Aliaga).
- Cueva d'el Recuenco: en Exulve.
- El Recuén: en l'Alto Palancia.
- El Recuenco: en Alfama d'Aragón.
- El Recuenco: en Cimballa, correspondient a lo cabalto de la vuelta d'un recolón.
- El Recuenco: en lo termin municipal de Viliella de Xiloca, pero en una marguin d'una muela que desaugua enta lo barranco de Sant Roque.
- El Recuenco: entre Tortuera, Embit y Torralba de los Fraires, en la marguin d'un paramo que desaugua enta lo barranco del Reconquillo, tributario de lo río Piedra.
- El Recuenco: en Rubiales.
- El Recuenco: municipio de la provincia de Guadalachara.
- Recuenco: ixamplamiento de la cuenca de lo barranco de Viñalajuén, en Trasobars, baixo lo mont homonimo.
- Recuenco de Camarena: en Camarena de la Sierra, ya mencionau en un texto de 1261, en la compleganza de recepción de lo barranco de la Canaleja, tributario de lo regacho de Camarena.
Atras zonas de la peninsula Iberica
[editar | modificar o codigo]- Recuenco: lugar de lo municipio de Medina de Pomar (Burgos).
Se veiga tamién
[editar | modificar o codigo]Referencias
[editar | modificar o codigo]- ↑ (es) Gargallo Gil, J.E.: Habla y cultura popular en el Rincón de Ademuz. Madrid, 2004, p 247.
- ↑ (es) José Antonio Saura Rami: Penapurco, Pallerulo, Recunco: apostillas al fenómeno de la metafonía en el paleorromance de la Ribagorza oriental. Alazet, nº 16, 2004. pp 175–180.
- ↑ (es) Carlos Ángel Rizos Jiménez: Toponimia de la Baja Ribagorza Occidental. Universitat de Leida, 2005.