Nogueruelas

	Nogueruelas
	Municipio d'Aragón
Entidat; • País; • Provincia; • Comarca	Municipio; Aragón; Teruel; Gúdar-Chabalambre
Partiu chudicial	Teruel
Superficie	99,5 km²
Población; • Total	; 193 hab. (2013)
Altaria; • Meyana	; 1.146 m.
Distancia; • 62 km	; enta Teruel
Alcalde	Marcos Benages Herrero
Codigo postal	44414
Parroquial; • Diocesi; • Arcipestrau; • Parroquia	; Teruel y Albarracín; Mora de Rubielos; Asumpción de Ntra. Sra.
Coordenadas	40°14’15’’N 0°38’ 10’’U
	Nogueruelas Nogueruelas en Aragón
	Web oficial

Nogueruelas (pronunciau en aragonés /no.guer.'we.las/ y en castellano /no.gue.'rue.las/) ye un municipio aragonés d'a provincia de Teruel, situau en a comarca de Gúdar-Chabalambre.^[1] Fa parte d'o partiu chudicial de Teruel y, dende lo punto d'anvista d'a Ilesia Catolica, de l'arcipestrau de Mora de Rubielos.

La suya población ye de 264 habitants (2008) en una superficie de 99,5 km², con una densidat de 2,65 hab/km².

Toponimia

Este toponimo vien de l'aragonés noguera, (Juglans regia).

Una d'as suyas primeras mencions ye en un texto escrito en aragonés de l'11 de setiembre de 1262, cuan uns quinyoners y repartidors teruelanos repartioron o territorio de Penya Calva pa proceder a la suya repoblación:

...e que son confirmados e atorgados de nostro rei don Jayme, asin como hixe a Pena Golosa e Cortichielas dentro e el prado de la Iegua dentro, Campiel Ençebroso dentro, la foya de Sperendeo dentro, Nogueruelas todas dentro, Cuevas Labrados dentro...^[2])

S'escribiba a vegasas en aragonés medieval como Noguerhuelas, como en un texto de 1416:

por causa e razón de las bandosidades antiquadas en los lugares de Ruvihuelos, Ffuentes e Noguerhuelas en tiempos pasados se haya demostrado por experiencia clarament los ditos lugares seyer benidos contra a total perdimiento

A h indica la tipica pronunciación d'una g d'apoyo a lo diftongo -ue- dezaga de r en aragonés (Esquirgüelo, Cirgüello, que s'escriben en a grafía actual como "Esquiruelo" y "Ciruello"). En textos medievals de Calatayú bi ha un microtoponimo dito Nogueruelas que s'escribe igualment con h.

Cheografía

Nogueruelas ye situada a piet d'a sierra de Nogueruelas, que fa parte de la sierra de Gúdar, a 1.146 metros d'altaria sobre lo livel d'a mar y a una distancia de 62 km d'a ciudat de Teruel, a capital de la suya provincia.

Mugas

O suyo termin municipal muga con Fuents de Rubielos, Rubiuelos de Mora, Mora de Rubielos, Alcalá de la Selva y Linars de Mora.

Historia

En o sieglo XIV feba part d’a Sexma d'el Campo de Sarrión, adintro d’a comunidat d'aldeyas de Teruel.

Demografía

Evolución demografica

1362 f	1495 f	1842	1857	1860	1877	1887	1897	1900
-	-	418	1.131	1.166	1.257	1.241	1.217	1.156

1910	1920	1930	1940	1950	1960	1970	1981	1991
1.244	1.006	810	754	679	577	406	260	248

1992	1994	1996	1997	1998	1999	2000	2001	2002
-	-	-	-	211	219	223	215	212

2003	2004	2005	2006	2007	2008	2009	2010	2011
224	227	223	239	273	264	249	237	215

2012	2013	2014	2015	2016	2017	2018	2019	2020
219	210	214	207	214	211	217	217	210

2021	2022	2023	2024	2025	2026	2027	2028	-
207	205	-	193	-	-	-	-	-

1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón							1	4	4
Partido Aragonés							4	-	1
Independients							1	-	-
Total							5	5	5

Alcaldes

Lista d'alcaldes
Lechislatura	Nombre	Partito politico
1979–1983	Joaquín Ibáñez Santafé	Independient
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Marcos Benages Herrero	Partido de los Socialistas de Aragón
2015–2019
2019–2023
2023–2027	José Eutiquiano Corella Peña ^[3]	Partido de los Socialistas de Aragón

Puestos d'intrés

Casa d'a Villa.
Ilesia de l'Asumpción.
Museu etnolochico.
Ermita de Santa Barbara.

Fiestas

3 de mayo: la Santa Cruz.
16 d'agosto: sant Roque.

Referencias

↑ (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.344.
↑ (es) María Luisa Ledesma Rubio: Cartas de población del reino de Aragón en los siglos medievales. Fuentes históricas aragonesas 18. Institución Fernando el Católico, 1991. p 254.
↑ (es) Consulta el listado de alcaldes que han sido proclamados en Aragón en Heraldo de Aragón.

Municipios d'a comarca Gúdar-Chabalambre
Abechuela \| Albentosa \| Alcalá de la Selva \| Arcos de las Salinas \| Cabra de Mora \| Camarena de la Sierra \| Lo Castellar \| Formich Susano \| Fuents de Rubielos \| Gúdar \| Linars de Mora \| Manzanera \| Mora de Rubielos \| Mosqueruela \| Nogueruelas \| Olba \| La Puebla de Valverde \| Puertomingalbo \| Rubiuelos de Mora \| Sant Agostín \| Sarrión \| Torrillas \| Valbona \| Val de Linars

Lugars desapareixius d'o municipio de Nogueruelas
Penya Calva

Datos: Q605009
Multimedia: Nogueruelas / Q605009

[1] (es) Catálogo de pueblos y municipios de Aragón. Estadística de población y nomenclaturas toponímicas entre 1900 y 2004 (PDF), Gubierno d'Aragón, 2005, ISBN 84-7753-366-0, p.344.

[2] (es) María Luisa Ledesma Rubio: Cartas de población del reino de Aragón en los siglos medievales. Fuentes históricas aragonesas 18. Institución Fernando el Católico, 1991. p 254.

[3] (es) Consulta el listado de alcaldes que han sido proclamados en Aragón en Heraldo de Aragón.

[1]

[2]

[3]