Las Vilas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Las Vilas Les Viles de Turbó Vilas del Turbón
Lugar d'Aragón
Barrio de la illesia dende el balneario.
Entidat  • País  • Provincia  • Comarca  • Municipio	Lugar  Aragón  Uesca Ribagorza Torlarribera
Partiu chudicial	Balbastro
Población  • Total	36 hab. (2018)
Altaria  • Meyana	1378 m.
Distancia  • 120 km	enta Uesca
Codigo postal	22483
Parroquial  • Diocesi  • Arcipestrau  • Parroquia	Balbastro-Monzón Sobrarbe-Ribagorza Santa Olaria
Coordenadas	42°24’ 0’’N 0°31’59’’E
Las Vilas Las Vilas en Aragón

Esta pachina ye escrita en ribagorzano.

Las Vilas (catalán Les Viles de Turbó, oficialment en castellano Vilas del Turbón) é un llugar d'el municipio de Torlarribera, a la comarca de Ribagorza y la provincia de Uesca. La suya población en 2018 eba de 36 habitants.

É el llugar mes alto de la vall de la Ribera, con diferents barrios deseparaus bels cientos de metros per las dos costeras de la vall, entre es 1300 y es 1400 metros sobre el livel de la mar. Se comunica con Sarrat y Pueyo per una carretereta que recorre el solano d'el Turbón, y con auto é accesible només dende el vecino termin de Vall de Lierp.

Cheografía

El llugar é conformau de cinco barrios situaus a's dos cantos d'el barranco de la Torcida, entre la baixant oriental d'el mont Turbón y la occidental d'el tuzal Cuaderco. Es barrios son Cercurán, La Vileta, La Illesia, el Balneario y Campo Garuz (/gaˈɾus/), el mes alto, aon é la casa Garuz que é Ben d'Interés Cultural.

Tot el termino é a una zona ben guardada contra es ventos per es montes d'el puerto de las Aras, que é la boga de la Ribera con el termino d'Abella, y el Turbón, per el cual ten un cllima especialment benigno encara que siga tan alto.

La versant d'el Turbón é molt productiva d'esta parte, con fonts abundantes de propiedaz medicinals. A la comarca de las Vilas se pot citar la font de las Fuevas, la font d'el Pinar, la font de la Penya y la font de la Torcida, que le dona nome a l'aigüeta que bllinca y forma el barranco dimpués, que per ixo lleva el mesmo nome. I ha un sendero circular balizau que las une totas.

Casas

Las casas de las Vilas son: casa Ariño, casa la Casota (/lakaˈsɔta/), casa Chaumeso, casa Farrera, casa Garuz (/gaˈɾus/), casa Güerri, casa Manolo, casa Nugueret, casa Ramón, casa Saura, casa Solana y casa Vinyal.

Llengua

Pa saber-ne mes, se veiga l'articlo Parla de transición de la vall de la Ribera.

Las Vilas, como la vall de la Ribera entera, é en pllena zona de transición entre l'aragonés, que va dende aquí ta l'oeste, y el catalán, que en va ta l'este. La transición entre catalán ribagorzano y aragonés ribagorzano é molt suave y progresiva, sin que se'n poda sinyalar una linia cllara. En relación con la cllasificación d'estas parlas, Joan Coromines diba:

[...] Tiene algo de subjetivo o por lo menos discutible, y tanto el lingüista que quisiera atribuir esta zona al catalán como el que la pusiera entera del lado del aragonés encontrarían fácilmente argumentos en un sentido o en otro.

J. Coromines.

En el caso de las Vilas, a mes, se dona el caso que el llugar ha teneu sempre molta relación con la vecina Vall de Lierp, a través de la cual i pllega la carretera; por tanto, en las Vilas se pot sentir mes rasgos de la forma de parlar aragonés de transición ta catalán que tenen aquels nuclios que en atros llugars situaus mes t'abaix a la mesma vall suya, que é la de la Ribera.

• Pllurals femeninos en -as: la vaca → las vacas, la casa → las casas, u el mesmo nome Las Vilas. Esto tamé é caracteristico d'el catalán de la vecina vall d'Isabana.
• Sistema d'articlos el, la, es, las, que é común a l'aragonés meyorribagorzano y a la parla de la vall d'Isabana, de filiación catalana. Manimenos, en buena parte de la vall de Lierp y a Campo el masculino pllural se troba ya castellanizau en los.
• A las Vilas trobam el fonema [ɵ] de la c y la z, caracteristico de l'aragonés y ausente con molt poquetas excepcions a'l catalán. Esto é visible mes que mes en toponimia: Cercurán (/θerkuˈɾan/~/θirkuˈɾan/), tuzal (/tuˈθal/) (que en catalán ribagorzano, en cheneral, se diu tussal /tuˈsal/), la Llenaza (/laʎɛˈnaθa/), el Fovazo (/elfoˈbaθo/), es Benegaz (/esbeneˈgaθ/), etc.
• Uso de la preposición a como locativa. Esto é caracteristico d'el catalán, pero tene presencia dentro de l'aragonés a'l benasqués y a la parla transicional de la vecina vall de Lierp.
• Baixo livel de diptongación -ue- a partir de la O llarga d'el llatín a la parla viva actual: font, pont, boga, bou, etc. como é regular en catalán. Manimenos, mos trobam con moltos diptongos d'ixe tipo en toponimia: Mont Caduerco, Fuevas, etc.
• No existe la S sonora d'el catalán cheneral ([z]) cuan é a una posición intervocalica, como tamé é regular en catalán de la vall d'Isabana vecina: «la casa» se leye /laˈkasa/, como en aragonés y en castellano, y no pas /laˈkaza/.

El municipio de Torlarribera se cllasifica de regular como de parla catalana a la Llei de Llenguas d'Aragón, y en cheneral é valido, anque s'ha de matizar que la parla de la vall de la Ribera, como tamé pasa con la d'Isabana, é peculiar y presenta bels rasgos de transicionalidat con l'aragonés mes marcaus que atras, hu que ha fet que se l'haiga dedicau estudios monograficos.

Puestos d'interés

El balneario de las Vilas y la embotelladora d'aiguas son la industria d'el llugar y han contribuiu a donar-le fama fora de la vall.

• Casa Garuz, que se pronuncia /gaˈɾus/ ("garús") y conoixem la grafía perque é grabada a la pedra a la frontera. É una casa forta con torre que data d'el primer cuarto d'el sieglo XVIII. É decllarada B.I.C. per la Comunidat Autonoma y é reproducida a'l Pueblo Español de Barcelona.
• El balneario de las Vilas, que se va fer a principios d'el sieglo XX y que é l'atractivo principal d'el llugar.
• La planta embotelladora d'aiguas de la empresa Aguas Vilas del Turbón, S.A.

Demografía

Evolución demografica

1992 1994 1996 1997 1998 1999 2000 2001 2002 - - - - - - 36 36 38

2003 2004 2005 2006 2007 2008 2009 2010 2011 39 39 43 39 35 36 38 38 39

2012 2013 2014 2015 2016 2017 2018 2019 2020 40 40 39 37 37 36 36 - -

2021 2022 2023 2024 2025 2026 2027 2028 - - - - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE.

Festas

• Festa mayor en agosto.

Se veiga tamé

• Balneario de las Vilas.

Enllaces externos

• Se veigan as imáchens de Commons sobre Las Vilas.

• Datos: Q13049311
• Multimedia: Vilas del Turbón / Q13049311