Vall de la Ribera

De Biquipedia
Ir a la navegación Ir a la búsqueda
Start hand.svg Esta pachina ye escrita en aragonés ribagorzano.
Val d'a Ribera
Vall de la Ribera (en catalán y aragonés ribagorzano)
El Turbó..jpg
Paisache de la vall de la Ribera, con el Turbón a'l fundo.
Administración
Estato Flag of Spain.svg Espanya
País Flag of Aragon.svg Aragón
Comarca Ribagorza
'
'
Cabecera Torlarribera
Capital
Localidatz Las Vilas, Brallans, Piniello, Reperós, Villar, Torlarribera, Casas de Sant Aventí, Magarrofas y Villa Carlli.
Chentilicio
Cheolochía
Acceso
Ríos Barranco de la Vall
Largaria 10 km
Orientación Norueste → Sudeste
Cheolochía
Tipo
Macizo Perineus
Mapa
Pyrenees topographic map-ca.svg
City locator 10.svg

La vall de la Ribera (nome local en aragonés ribagorzano y en catalán, en aragonés cheneral «Val d'a Ribera») é una vall d'el Prepireneu aragonés situada a la zona meya de la comarca de Ribagorza, a la provincia de Uesca, a las serras interiors.

É la vall natural d'el barranco de la Vall, que reculle l'aigua d'el barranco de la Torcida y el barranco de la Gllera y va a desaiguar-se ta'l río Isabana per Villa Carlli.

Limites[editar | editar código]

Se troba a la versant este d'el macizo de Turbón, llimitada pe'l norte pe'l puerto de las Aras (1904 m) sobre el llomo d'ixa montanya y la suya prollargación con el tuzal de Sant Chaume (1836 m), el tuzal de Cuaderco (1839 m) y la serreta d'el Montet que la zarran mentre se'n van de camín enta Visalibons, que ya en queda fora.

Pe'l sud-ueste la desepara de la vall de Lierp una lloma suave que se diu Sarrabediallo, que va a enllazar con las garras de la serra d'el Chordal que las delimita a totas dos pe'l sud.

Llugars[editar | editar código]

La vall de la Ribera coincide con la mayoría d'el termino municipal de Torlarribera, menos el llugar de Visalibons, que é de l'atro lau d'el pilar de Sant Ramón y las buegas de la serra d'el Montet, ho que quere dir que ya é directament a la vall de l'Isabana. Tamé son a esta vall els llugars de Reperós y, per poco, Piniello (é alto de la lloma), que fan parte d'el concello vecino de Vall de Lierp.

Aixina, d'el municipio de Torlarribera, la vall en comprende els llugars de Brallans, las Casas de Sant Aventí, el mas de Villar y el de Magarrofas, Torlarribera, las Vilas y Villa Carlli. Y de Vall de Lierp, Piniello y Reperós.

Llengua[editar | editar código]

La vall de la Ribera ten un parla que s'ha adscrito normalment a'l catalán a la suya variedat ribagorzana, é dir ho mesmo que se charra a la vecina vall d'Isabana. Manimenos, la situación a la Ribagorza é que se forma de regular un conchunto de parlas de transición entre el catalán y l'aragonés ribagorzano que fa que sigan intelichibles entre ells y que no i haiga una ralla firme, sino que la transición se faiga de traza gradual.

Se veiga tamé[editar | editar código]