Aconitum napellus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

*Aconitum napellus*
Aconitum napellus
Denominacions populars
tuera / tuara, tora, torera, aconito, atonico, napech
Estau de conservación
Seguro (IUCN)
Clasificación cientifica
Dominio:	Eukaryota
Reino:	Plantae
División:	Magnoliophyta
Clase:	Magnoliopsida
Orden:	Ranunculales
Familia:	Ranunculaceae
Subfamilia:	Ranunculoideae
Tribu:	Delphinieae
Chenero:	Aconitum
Especie:	Aconitum napellus
Descripción
*Aconitum napellus* L., 1753

A tuera^[1]^[2]^[3]^[4]^[5]^{[nota 1]} (nombre cientifico Aconitum napellus (L., 1753), ye una planta herbacia d'a familia d'as ranunculacias que se troba en a montanya y ye conoixida mas que mas por estar de firme verenosa y bella vez dica mortal pa las personas y os animals.

Entre que os nombres populars de tipo lexico de «tuera» son amplament documentaus en a zona de l'aragonés oriental y centro-oriental (Sobrarbe y Ribagorza), en cheso (variedat occidental) se documenta os nombres trivials aconito^[4] (con pronunciación plana) y atonico^[4]. Tamién existe a denominación de napech^[1].

Descripción

A tuera ye una planta herbacia perén, con follas palmadas u resectas, sin vellosidat, que brostan en roseta dende o suelo pero van formando un tallo respigau luego. A vena fa una forma adventicia pero tuberculosa, con tuberculos blancos de chovenons pero que se torna pardos cuan se fan viellos y son a parte an que mas aconitina se troba.

As flors son grans, lilas u azuls, a-saber qué berroyas, y se fan en una inflorescencia de tipo racemo vertical bien vistable entre o verde d'os praus.

O fruito ye una tabiella que contiene a simient, feita de granos arronchadez y arrebullinaus.

Habitat

A tuera ye una planta propia de l'alta montanya en a Europa eurosiberiana y en os Pireneus, pos no creixe en as montanyas de clima mediterranio. Arriba dica l'Himalaya por levant.

S'estima mas os suelos humedos y guardaus contra o viento, por o que se'n gosa trobar en as comas y cerca d'os torrents de montanya. S'ha de parar cuenta con os puestos an que n'i hai muta y s'apaixenta os rabanyos, pos os animals en pueden minchar cuan acuden a abrevar-se y se mueren a-escape.

Toxicidat

Todas as partes d'una tuera son toxicas, pos i hai aconitina y atros alcaloides en toz os teixius. A vena ye verenosa en especial, pos se i guarda as substancias de reserva pa l'hibierno con que ye l'organo an mas concentrau ye o vereno.

Imáchens

Racemo de flors.
Fuella.
Fuellas chóvens.
Arredol d'un vivero.
Habitat.

Se veiga tamién

Chanzana.
Didalera.

Notas

↑ Con as variants tuara, torera y en baixorribagorzano tora igual como en catalán ribagorzano

Referencias

1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
↑ LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Institución «Fernando el Católico» + Prensas Universitarias de Zaragoza + Gara d'Edizions, 2010. ISBN 978-84-8094-062-7
↑ BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de (an)(es)(en) Diccionario del benasqués. Consultau lo 6 de chunio de 2021.
1 2 3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza, 2004. ISBN 978-84-8986-235-7
↑ MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial, 2013. ISBN 978-84-96457-87-4

Enlaces externos

Wikispecies tiene un articlo sobre Aconitum napellus.
Se veigan as imáchens de Commons sobre Aconitum napellus.

Datos: Q159218
Multimedia: Aconitum napellus / Q159218
Especies: Aconitum napellus

[6] Con as variants tuara, torera y en baixorribagorzano tora igual como en catalán ribagorzano

[DACC-1] 1 2 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).

[LOZANOTella-2] LOZANO SIERRA, Chabier, Aspectos Lingüísticos de Tella. Aragonés de Sobrarbe (Huesca); Institución «Fernando el Católico» + Prensas Universitarias de Zaragoza + Gara d'Edizions, 2010. ISBN 978-84-8094-062-7

[BALLARIN-3] BALLARÍN CORNEL, Ángel, Diccionario del benasqués; Zaragoza, 1978. Consultable en linia a traviés de (an)(es)(en) Diccionario del benasqués. Consultau lo 6 de chunio de 2021.

[VIDALLER-4] 1 2 3 (an) VIDALLER TRICAS, Rafel, Libro de As Matas y Os Animals; Dizionario aragonés d'espezies animals y bechetals; Ed. Val d'Onsera. Zaragoza, 2004. ISBN 978-84-8986-235-7

[MASCARAYHCampo-5] MASCARAY SIN, Bienvenido, Vocabulario del habla de Campo (Ribagorza, Huesca); Prensas Universitarias de Zaragoza + Xordica Editorial, 2013. ISBN 978-84-96457-87-4

[1]

[2]

[3]

[4]

[5]

[nota 1]