Tribu (biolochía)

De Biquipedia
Ir a la navegación Ir a la búsqueda
Ista pachina tracta sobre a categoría taxonomica tribu, que s'emplega en biolochía sistematica. Pa atros usos de tribu se veiga Tribu (desambigación).
As rabosas forman un grupo especialment particular de canidos con caracters comuns y diferenciaus contra la resta (coda larga, pupilas verticals,...), pero pertenecen a más d'un chenero, por o qual dan forma a la tribu Vulpini.

En taxonomía, a tribu ye una categoría taxonomica opcional que se troba en un ran de clasificación por debaixo de a familia y por alto de o chenero. Se considera menos prioritaria que as categorías intermedias subfamilia y superchenero, que son preferibles y menos ambigas, y no sole amaneixer si con ixas per se se satisfacen as necesidatz de taxons intermedios.

Muit asobén se posiciona concretament entre a subfamilia y o chenero (u o superchenero si en i hese), pus en estando un ran inferior a la primera, se gosa emplegar pa deseparar organismos que muestran caracters biolochicos inequivocament semellants entre els, lo que chustificaría creyar-les un taxon propio, pero apomorficos (diferenciaus) con a resta de o conchunto familia.

A terminación tipica en os nombres de taxons de categoría tribu ye o plural neutro latino -ina u o chenitivo plural -ini.

Se veiga tamién[editar | editar código]