Tabiella

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tabiella de bisaltos (Pisum sativum).

A tabiella u tabella (d'o latín tabĕlla) ye lo fruito caracteristico d'as plantas leguminosas, que contiene cualques simients adintro d'una estructura vueda u semi-vueda mas larga que no ampla, unida en a planta con un pedunclo unico. Se desembolica a partir d'o chineceu d'a flor, que no tiene si que un carpelo, y cuan son maduras pueden ubrir-se en dos valvas simetricas por a comisura ventral u tamién por a dorsal, trobando-se as simients en una ringlera en posición ventral.

En bel lugar en o norte d'Aragón, encara se conserva la denominación tradicional de «tabelletas» u «tabilletas» (formas deminutivas de tabella) que s'aplica de maniera distintiva a las tabiellas inmaduras (verdes) d'a chodiguera domestica (Phaseolus vulgaris) u o bisalto (Pisum sativum), tal como se gosa preparar-los pa l'alimentación humana. En atros puestos una tabiella puede estar cualsiquier atra leguminosa, como por eixemplo a garrofa. Tamién i hai puestos an que distinguen y o nombre de tabiella nomás le'n dan a la que ye seca.

Imáchens

• 
  «Tabilletas», tabiellas inmaduras de Phaseolus vulgaris, comercializatas pa alimentación humana.
• 
  Tabiella secas (maduras) de P. vulgaris.
• 
  De Mimosa spp.
• 
  De Pisum sativum.

Referencias

• Datos: Q12034432