Sallent de Galligo

Ista fuella ye escrita en tensino.

Sallent de Galligo
Municipio d'Aragón
Casa de lo lugar de Sallent de Galligo
Entidat  • País  • Provincia  • Comarca	Municipio Aragón  Uesca Alto Galligo
Superficie	162,1 km²
Población  • Total	1.542 hab. (2010)
Altaria	1305 m.
Distancia  • 100 km	enta Uesca
Codigo postal	22640
Chentilicio	sallenuto/a mestizo/a
Parroquial  • Diocesi  •Arciprestato	Bispau de Chaca Biescas
Ríos	Galligo y Aguas Limpias
Coordenatas	42°46’ 1’’N 0°19’58’’U
Sallent de Galligo Situación de Sallent de Galligo en Aragón

Sallent de Galligo (en castellán Sallent de Gállego), tradicionalment Sallent, ye un municipio aragonés situato en a capecera d'a Val de Tena (comarca de l'Alto Galligo y provincia de Uesca) chunto a lo entibo de Lanuza, baixo a Penya Foratata. Iste municipio muga con Francia en O Portalet.

Posata en o cobalto d'a Val de Tena, a 1.305 m., baixo ra Penya Foratata, ye ra capeza d'a albala municipal, que encluye a ros lucars de Fornigal, Lanuza y Portalet y as Entidatz Locals Menors de Tramacastiella, Sandiniés y Escarriella.

Toponimia

Sallent ye un toponimo recurrent en a toponimia aragonesa y catalana.

En a microtoponimia de Sallent bi ma muitos casos de -ch- en cuenta de -ll- que indican una fase lingüistica con presencia de sonitos cacuminals comparables a la che vaqueira, sobretot en o sufixo -iello, que se presenta como -iecho, -iacha, ecetra. O toponimo troniecho ye intresant tamién porque Alvin Kuhn lo relaciona con o latín THRONUS d'o catalán trona ("predicadera") y o castellán trono ("cadiera reyal").

Historia

Citata por primera vegata en 1279, Sallent, con 66 fuegos en 1488, yera en a Edat Meya a población mes gran d'a Val de Tena, anque os suyos repuis proceden de muito enta zaga como lo contrimuestran bells remenches megaliticos trobatos en comarcas amanatas.

A o largo d'a suya historia Sallent ha dato a o Reino d'Aragón ilustres presonaches como Chuan de Lanuza, chusticia d'Aragón asinas como atros nueu chusticias, siet virreis, doctors, catredaticos, canonches, deputaus d'o Reino aragonés, chefes militars y presonaches como Fermín Arrudi (o Chigant Aragonés), en epoca más recient.

Molimentos

• Ilesia gotica de Nuestra Sinyora de l'Asumpción y retablo mayor (sieglo XVI). Construita a expensas de Chuan de Lanuza, Chusticia d'Aragón y Virrei de Valencia, Catalunya y Sicilia, estió ro suyo artifice Chuan de Segura autor asinas mesmo d'a seu de Balbastro y d'a Colechiata d'Alquezra, en o que sobresale o suyo polito retablo mayor d' estilo gotico plateresco, obra de Chuan de Moreto, Pietro Lasaosa y Miguel de Peñaranda. Consta de 16 tablas, con quantas tallas muito valiosas y pinturas sinyatas por Martín García. A ilesia ye protechita legalment dende 2001 con a suya declaración como Bien d'Intrés Cultural.
• Puen Meyeval (sieglo XVI).
• En a Plaza mayor podemos alufrar o triple arco romanico y en tot o conchunto almirar as suyas politas casas solariegas adornatas con escutos, puertas, balcons, finestras..... asina como posar-nos en o Mentidero, curioso puesto d'arroclada d'os lugarencos, a alufrar a polita anvista d'a nuestra comarca.

Demografía

Evolución demografica

Sieglo XV	Sieglo XVI	Sieglo XVII	Sieglo XVIII	Sieglo XIX	Sieglo XX
70 fuegos	70 fuegos	90 fuegos	96 fuegos	586 hab.	575 hab.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido Popular									3
Partido de los Socialistas de Aragón									3
Partido Aragonés									2
Chunta Aragonesista									1
Total									9

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	José Ignacio Urieta
2011–2015	Jesús Eugenio Gericó Urrieta	Partido Popular

Presonalidatz naixitas de Sallent de Galligo

Categoría principal: Naixitos de Sallent de Galligo.

Fiestas, Cultura y espectaclos

• Virchen d'as Nieus (5 d'agosto)
• L'Aponderación d'a Santa Cruz (14 y 15 de setiembre)
• Festival Pireneus Sur (2º quincena de chulio), festival de mosica que se celebra en Lanuza
• Premio de Relatos "Luis del Val" (anyal, ta obras en aragonés y castellán)

Enrastres externos

• Se veigan as imáchens de Commons sobre Sallent de Galligo.
• (an) Sallent de Galligo.