Yesero

Yesero
Municipio d'Aragón
Una borda en Yesero
Entidat  • País  • Provincia  • Comarca	Municipio Aragón  Uesca Alto Galligo
Superficie	30,2 km²
Población  • Total	70 hab.
Altaria	1.132 m.
Distancia  • 80 km	enta Uesca
Codigo postal	22639
Chentilicio	yeserense
Parroquial  • Diocesi  •Arciprestato	Bispau de Chaca Biescas
Coordenatas	42°37’ 1’’N 0°15’ 0’’U
Yesero Situación de Yesero en Aragón

Yesero (en castellán Yésero) ye un municipio aragonés d'a provincia de Uesca situato en a comarca de l'Alto Galligo.

Cheografía

Ye situato en a val de Gavín, sobre o barranco de Sía y entre a sierra Tendenera y o mont Erata. L'acceso a o lugar se fa por a carretera N-260 que comunica Biescas y Broto, por meyo d'o puerto de Cotefablo.

Toponimia

Apareixeba ya en os decumentos de 1076 y en l'anyo 1488 b'heban diez fuegos. A la fin d'o sieglo XV yera a población más gran d'a val.

O nombre d'o lugar puet venir d'o latín "gypsum" que significa cheso.

Molimentos

Ilesia de Sant Saturnín de Yesero

A suya ilesia parroquial, de Sant Saturnín ye d'o sieglo XVII, construyita sobre atra más antiga que yera d'estilo romanico sarrablés, d'a que encara s'alzan dos chicotas finestras en a suya torre.

Tamién destaca l'armita d'a Virchen d'as Nieus, situata en a confluyencia d'os barrancos de Sía y d'o Infierno, fue construyita en os sieglo XVII. En 1885 se diz que a Virchen d'as Nieus intrecedió por os habitants de Yesero ta librar-les d'una epidemia de colera que b'heba en Biescas y Gavín.

Aintro d'a suya arquitectura popular b'ha casas d'os sieglo XVIII con os tipicos elementos pirenencos como as chamineras tronconicas y os espantabroixas. Destaca prencipalment a Casa de la Pez, un edificio d'o sieglo XV a on antigament se feba "pegunta", "pez", u "pego", actividat economica prencipal de Yesero. Ista casa tamién ha estato en a suya historia ayuntamiento, escuela, garchola y fustería. Ye por ixo que a embotada que se da a os yeserenses ye "pecers" (tamién "pulidos")

As casas de Yesero

As casas tradizionals en Yesero son Camón, Rodrigo, de Usla, Chuanica, Macuarrer, Salvador, Agustín, Lazarico, Chila, Fuendalón, Tristán, Orús, Mariola, Pascual, Sebastián, Marco, Biegas, Antona, Barbero, Casasús, Mandadilla, Sastre, Cazcarro, Chuana, Lisón, Launa, Bonachón, Barón, Teresa, Coix, Petrincad, Aniel, Francho, de Chacó, de Moreo, Nadal, Juana, Ruaba, Ferrero y Ferrera.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007	2011
Partido de los Socialistas de Aragón									2
Partido Aragonés									1
Total									3

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007
2007–2011	María Jesús Acín Sanromán	Partido de los Socialistas de Aragón
2011–2015	María Jesús Acín Sanromán	Partido de los Socialistas de Aragón

Fiestas

• A fiesta chicota se fa o 20 de chinero, en honor a Sant Sabastián. A vispra d'iste día de nueis se fa una chera en a plaza de Fenero arredol d'a quala i son os vecins d'o lugar.
• As fiestas mayors son o cabo de semana mas amán d'o 8 de setiembre, en honor a la Natividat d'a Virchen.

Vinclos externos

• (an) Yesero
• (es) Os zerrigueltaires