Belchit

De Biquipedia
Ir ta: navego, busca
Belchit
Municipio d'Aragón
Escudo d'armas
Ilesia de lo lugar viello de Belchit
Ilesia de lo lugar viello de Belchit.
Entidat
 • País
 • Provincia
 • Comarca
Municipio
Flag of Aragon.svg Aragón
Flag of Zaragoza province (with coat of arms).svg Zaragoza
Campo de Belchit
Superficie 273,7 km²
Población
 • Total

1655 hab. (2012)
Altaria 447 m.
Distancia
 • 48 km

enta Zaragoza
Codigo postal 50130
Ríos Auguasvivas
Coordenatas 41°18’21’’N 0°45’ 3’’U
Belchit en Aragón
Belchit
Belchit
Situación de Belchit en Aragón
www.Belchite.com

Belchit (en castellán Belchite) ye una villa y municipio aragonés de la provincia de Zaragoza, capital de la comarca de Campo de Belchit.

La suya población ye de 1.665 habitants (2010), en una superficie de 273,7 km², con una densidat de población de 6,08 hab/km².

Cheografía[editar | editar código]

La villa de Belchit ye situata a 447 metros d'altaria sobre lo ran de la mar, a una distancia de 48 km de la ciudat de Zaragoza, la capital de la suya provincia y d'Aragón.

Bi ha un centro d'interpretación de las estepas de l'Ebro porque Belchit ye amán de las reservas de Las Lomazas y Lo Planerón.

Mugas[editar | editar código]

Lo extenso suyo termin municipal rodeya de tot lo termin de Codo y muga con Almochuel, Binazeit, Íxar, Lecera, Almonecir de la Cuba, La Puebla d'Albortón, Mediana d'Aragón, Fuents d'Ebro, Quinto y Zaila.

La Puebla d'Albortón Mediana d'Aragón, Fuents d'Ebro Quinto
La Puebla d'Albortón Rose des vents2.png Zaila, Almochuel, Binazeit
Almonecir de la Cuba Lecera

Presenta amés un enclau dito El Real entre os termins de Zaila, Quinto, Viliella d'Ebro y La Zaida.

Historia[editar | editar código]

Belchit fue reconquiesto en tiempos d'Alifonso I lo Batallero en a campanya pa prener Zaragoza. En aviento de 1119 atorgó fueros favorables pa atrayer población.

En 1122 decició creyar a Confrairía de Belchit pa defensar a posición. Esta unidat melitar contribuyó a la reconquiesta d'Íxar y Albalat de l'Arcebispe. Manimenos dimpués d'a derrota cristiana en a Batalla de Fraga en 1136 Belchit lo tornoron a ocupar os almorabetz por un tiempo, y habioron de confirmar as constitucions d'a Confrairía de Belchit en una sesión solemne en o Concilio de Burgos de 1136.

Una part de Belchit pertanyeba a la casa d'Íxar dende o primer sinyor d'Íxar Pero Ferrández d'Íxar. En l'anyo 1432 Alifonso V lo Magnanimo vendió l'atra part de Belchit a lo barón d'Íxar Chuan Ferrández d'Íxar y Centelles por 16.000 florins.

En l'anyo 1498 Ferrando lo Catolico li dió a dignidat de conte de Belchit a lo VIII sinyor Loís Ferrández d'Íxar y Beaumont por servicios a la Corona.

Lo 4 de marzo de 1838, mientres a Primera Guerra Carlista (Guerras Carlistas) tropas carlistas mandatas por lo cheneral Juan Cabañero y Esponera dentran en a ciudat, encara que o 5 de marzo fuoron redotatas en Zaragoza en la Cincomarzada.

Fue destruito mientres a guerra civil en la celebre Batalla de Belchit y habió de ser construito un nuevo lugar amán de l'antigo.

Toponimia[editar | editar código]

Ye mencionato ya en fuents musulmanas andaluzas como Balsar (Al Udri), Balsand (Yaqut) u Hisn Bildid:

Entre los districtos de Zaragoza ye lo districto de Balsar a on se troba lo hisn al-Munastir.
Balsand ye un nahiya de Zaragoza, en Al-Andalus.

Manimenos seguntes Agustín Ubieto Arteta[1] la suya primera cita estió l'anyo 1118 (en Jerónimo Zurita, Anales de la Corona de Aragón), y las variants de lo nombre son Belchit, Belgit, Belgith, Belgid, Belxit, Bellchit, Belcit u Uelgit.

D'entre estas variants, en textos en latín u aragonés medieval, mesmo en textos escritos tan luent como lo "Cartulario de lo Hespital de Santa Cristina de Somport", predomina la forma Belgit. La existencia de las variants Belchit y Belxit son una contrimuestra pa Manuel Alvar que la pronunciación de la g en aragonés medieval ya yera a ch actual africata xorda.

Bi ha bells microtoponimos en aragonés conservando la fonetica aragonesa, como una ermita y santuario ditos Pueyo, (ya mencionatos en 1333), Varellas y Puyacán.

Atros microtoponimos intresants, beluns con component en aragonés son: Las Lomazas, El Saso,Los abasales, Abasetes, Abelloteras, La Alberca, Algenzora, Algeciras, Almendolar, Alteros de la Chama, Amutel, Andador Nogueral, Andador Pradiel, Andador Pichuel Tancas, Anega roya, Las Arnas, Val de las Chilas, Acequia filada Castán, Acequia Cuna, Acequia Lastras, Acequia Lomas Genzor, Acequia Mosén, Acequia de Los Paretones, Acequia Peironera, Acequia de la Perera, Acequia de las Planas, Acequia de Planerón, Acequia Salces, Acequia Tormos, Acequia de las Trancas, Val de Ginestrosa, Vajinestrosa, Valdearneta, Valdecordellas/Valdecordillas, Partida Balma, Balsa del Pueyo, Balsete de la Foya de los Caracoles, Valdespartera, Valsusana, Val de Chilas, Barranco de Bocafoz, Barranco del Bolar, Barranco de la Filada del Lechero, Barranco de Lopín, Varella de Chus Miguel, Varello Alto, Varello Postes, Varello del Serrano, Varillas, Boqueros, Deposito de los Escaramaches, La Fagina, La Filada, Firuela, Focino, El Forcino, Fuente la Fineta, Gallipuén, Golorcha, Ifesa Campos, Ifesilla, Jungaricos, Cabal del Prau, Cabezo d'el Pueyo, Camino Fierros, Camino Sisallar, Camino de la Chaina, Camino de la Chama, Campiseco, Campo Chines, Campura, Caniclar, Cañada de la Senda de la Migueleta, Caseta de los Chitos, Cogocha, La Colorcha, Corral de Castillón, La Laguna, Lardón, Las Lastras, Los Molines, Negarroya, El Nogueral, Paironera, Pano, Los Paretones, Pedriza, Penya Forada, Penya Roya, Pino Patos, La Plana, Planas de Cancercé, El Planerón, Plana Pierres, Plan Ruello, Pradiel, Refoya, Los Royales, El Ruello, Zafranales, El Sardón, Zoma, Tancas, El Tercón, Los Tormos, Chumiguel, Torretón, ecetra...

Demografía[editar | editar código]

Evolución demografica
1362 f 1495 f 1842 1857 1860 1877 1887 1897 1900
- - 2.385 3.328 3.297 3.262 3.346 3.409 3.334
1910 1920 1930 1940 1950 1960 1970 1981 1991
3.604 3.599 3.812 4.728 3.536 2.650 2.147 1.682 1.536
1992 1994 1996 1997 1998 1999 2000 2001 2002
- - 1.628 - 1.625 1.639 1.643 1.629 1.625
2003 2004 2005 2006 2007 2008 2009 2010 2011
1.570 1.572 1.621 1.633 1.647 1.692 - 1.665 -
2012 2013 2014 2015 2016 2017 2018 2019 -
- - - - - - - - -
 1717-1981: población de feito; 1990- : población de dreito.
Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración[editar | editar código]

Reparto de concellers[editar | editar código]

Eleccions municipals[2][3]
Partito 1979 1983 1987 1991 1995 1999 2003 2007 2011
Partido de los Socialistas de Aragón 1 2 2 2 2 2 6 6 5
Partido Popular - 7 7 0 3 2 2 2 3
Partido Aragonés 4 - - 6 4 4 1 1 1
Chunta Aragonesista - - - - 0 1 0 0 -
Independients 1 - - 1 - - - - -
Unión de Centro Democrático 3 - - - - - - - -
Total 9 9 9 9 9 9 9 9 9

Alcaldes[editar | editar código]

Lista d'alcaldes
Lechislatura Nombre Partito politico
19791983
19831987
19871991
19911995
19951999
19992003
20032007 María Ángeles Ortiz Álvarez[4] Partido de los Socialistas de Aragón
20072011 María Ángeles Ortiz Álvarez Partido de los Socialistas de Aragón
20112015 María Ángeles Ortiz Álvarez Partido de los Socialistas de Aragón

Fiestas[editar | editar código]

Esportes[editar | editar código]

Veyer tamién[editar | editar código]

Vinclos externos[editar | editar código]

Referencias[editar | editar código]


Lugars de lo municipio de Belchit
Poblaus: Belchit
Despoblaus: Nepza | Penya Roya | Tercón


Municipios d'a comarca d'o Campo de Belchit
Almochuel | Almonecir de la Cuba | Azuara | Belchit | Codo | Fuent de Todos | Lagata | Lecera | Letuix | Moneva | Moyuela | Plenas | Puebla d'Albortón | Sant Per de Lagata | Val Madriz